صیغوں کا بیان

[ابو داؤد]

صیغوں کا بیان
​

التقديم: خولة اخت ضرار

بسم الله الرحمن الرحیم​

ماضی اور مضارع میں کل چودہ صیغے ہوتے ہیں :

تین مذکر غائب کے لیے۔
تین مؤنث غائب کے لیے۔
تین مذکر حاضر کے لیے۔
تین مؤنث حاضر کے لیے ۔
اور دو متکلم کے لیے ۔

مذکر غائب کا پہلا صیغہ واحد کے لیے ہوتا ہے، دوسرا تثنیہ کے لیے اور تیسرا جمع کے لیے، جیسے: ماضی کے اندر: ضرب ،ضربا، ضربوا؛ اور مضارع کے اندر: يضرب، يضربان اور "يضربون۔

اسی طرح مؤنث غائب، مذکر حاضر اور مؤنث حاضر کا معاملہ ہے ، یعنی ان کا بھی پہلا صیغہ واحد کے لیے، دوسرا تثنیہ کے لیے اور تیسرا جمع کے لیے ہوگا ۔

اور متکلم کا پہلا صیغہ (واحد متکلم ) واحد مذکر اور واحد مؤنث دونوں کے لیے آتا ہے، جیسے ماضی میں :ضربتُ اور مضارع میں : اضربُ۔

اور متکلم کا دوسرا صیغہ (جمع متکلم) چار کے لیے آتا ہے : تثنیہ مذکر ،تثنیہ مؤنث، جمع مذکر اور جمع مؤنث کے لیے آتا ہے ۔جیسے ماضی میں :ضرَبْنا، اور مضارع میں :نضربُ۔

صیغوں کے نام :

1.واحد مذکر غائب ۔ ضرب/يضرب.
2.تثنیہ مذکر غائب ۔ ضربا/يضربان.
3۔جمع مذکر غائب ۔ ضربوا/يضربون.

4۔واحد مؤنث غائب ۔ ضربتْ/تضرب.
5۔تثنیہ مؤنث غائب ۔ ضربتا/تضربان.
6۔جمع مؤنث غائب ۔ ضربْن/يضربن.

7۔واحد مذکر حاضر ۔ ضربتَ/ تضرب.
8.تثنیہ مذکر حاضر ۔ ضربتما/تضربان.
9.جمع مذکر حاضر ۔ ضربتم/تضربون.

10.واحد مؤنث حاضر ۔ ضربتِ/ تضربين.
11.تثنیہ مؤنث حاضر ۔ ضربتما /تضربان.
12.جمع مؤنث حاضر ۔ ضربتن/تضربن.

13.واحد متکلم ۔ ضربتُ/أضربُ.
14۔جمع متکلم ۔ ضربنا/نضرب.