ضبع (لکڑ بگڑ) کا حکم

[مقبول احمد سلفی]

شیخ محمد بن ابراہیم رحمہ اللہ لکھتے ہیں کہ ضبع (لکڑ بگڑ) کے بارے میں علماء کے دو قول ہیں ۔

(1) ضبع حرام ہے ، اور اس کے قائل امام ابوحنیفہ رحمہ اللہ ہیں ، ان کی دلیل یہ ہے کہ وہ کچلی دانت والا جانور ہے اور حدیث میں ہے : (کل ذی ناب من السباع) (رواہ مسلم)
ترجمہ: ہر کچلی دانت والا درندہ حرام ہے ۔

(2) دوسرا مسلک یہ ہے کہ ضبع حلال ہے ۔ اس کے قائلین میں ائمہ ثلاثہ امام مالک ، امام شافعی اور امام احمد بن حنبل رحمہم اللہ ہیں ۔

امام شافعی رحمہ اللہ کہتے ہیں کہ لوگ ضبع بغیر کسی نکیر کے صفا و مروہ کے درمیان برابر اسے کھاتے ہیں اور بیچتے ہیں ۔

یہی قول صحیح ہے کیونکہ اہل سنن نے روایت کی " الضبع صید" یعنی لگڑ بگڑ شکار ہے ۔

جہاں تک امام ابوحنیفہ رحمہ اللہ کے قول کی بات ہے تو اس کا جواب یہ دیاگیا ہے یہ درندوں میں سے نہیں ہے ۔

شیخ الاسلام امام ابن تیمیہ رحمہ اللہ نے کہا بہر حال ضبع امام مالک ، امام شافعی اور امام احمد کے مسلک میں مباح ہے اور امام ابوحنیفہ کے مسلک میں حرام ہے ۔ اس لئے کہ امام ابوحنیفہ کے نزدیک کچلی والے دانتوں میں سے ہے ۔ اور پہلے والوں (ائمہ ثلاثہ) نے استدلال کیا ہے کہ یہ صید ہے ، اس لئے اس کے کھانے کا حکم دیا۔

ابن القیم رحمہ اللہ نے کہا کہ وہ (جانور) حرام کیا گیا ہے ۔

(1) جو درندوں میں سے کچلی دانت والا ہو۔
(2) عادی درندوں میں سے ہوجیساکہ شیر۔

لیکن ضبع میں دو وصفوں میں سے ایک وصف پایا جاتا ہے ، وہ یہ ہے کہ کچلی دانت والا ہے مگر عادی درندوں میں سے نہیں ہے ۔


واللہ اعلم

ترجمہ : مقبول احمد سلفی

 

[مقبول احمد سلفی]

ضبع کے متعلق واضح روایات ہیں کہ یہ شکار ہے ، جیساکہ ابوداؤد شریف میں موجود ہے ۔ اور شکار وہی ہوتا ہے جو حلال ہوتا ہے ۔ مگر پھر بھی اس روایت سے بحث کا پہلو نکلتا تھا۔ اس لئے ترمذی شریف کی حدیث دیکھیں جسے علامہ البانی رحمہ اللہ نے صحیح قرار دیا ہے ۔
عَنْ ابْنِ أَبِي عَمَّارٍ قَالَ : قُلْتُ لِجَابِرٍ : الضَّبُعُ أَصَيْدٌ هِيَ ؟ قَالَ : نَعَمْ . قُلْتُ : آكُلُهَا ؟ قَالَ : نَعَمْ . قَالَ قُلْتُ : أَقَالَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ ؟ قَالَ : نَعَمْ . رواه الترمذي (851) وصححه الألباني في "إرواء الغليل" (2494) .
ترجمہ: ابن ابی عمار نے کہا کہ میں نے جابر رضی اللہ عنہ سے کہا کہ ضبع شکار ہے ؟ تو انہوں نے کہا ہاں۔ میں نے کہا : کیا میں اسے کھاؤں ؟ تو انہوں نے کہا : ہاں ۔ میں نے کہا: کیا یہ رسول اللہ صلی اللہ علیہ وسلم نے کہا ہے تو انہوں نے کہا: ہاں ۔
اسے ترمذی نے روایت کیا ہے اور شیخ البانی نے صحیح الترمذی میں درج کیا ہے اور اسے ارواء الغلیل میں بھی صحیح قرار دیا ہے ۔
اس روایت کے بعد ضبع کےحلال ہونے میں شک کی کوئی گنجائش باقی نہیں رہ جاتی ہے ۔
رہ گئی وہ حدیث جو مسلم شریف میں ہے کہ ہر کچلی دانت والا درندہ حرام ہے ۔ تو اس حدیث سے ضبع مستثنی ہے کیونکہ اس کی اباحت کی دلیل موجود ہے ۔ اسی لئے صرف امام ابوحنیفہ کو چھوڑ کے ائمہ ثلاثہ ، شیخ الاسلام ، ابن القیم ، شیخ ابن باز ، صاحب تحفۃ الاحوذی وغیرہم بے شمار اہل علم نے ضبع کے حلال ہونے کا فتوی دیا ہے ۔

 

[جنید علی]

ما هو الفرق بين ضبع وكلب( وكلب الوحشي)؟What is the difference between the hyena and a dog (