عبادت کے لیے شادی نہ کرنا !!!!
السلام علیکم ! جس آیت کا آپ نے حوالہ دیا ہے اس سے '' نکاح '' کا وجوب ثابت نہیں ہوتا۔ اس آیت سے صرف '' استحباب '' کا جواز ملتا ہے۔ اور اگر اس آیت کا وہی مطلب ہے جو آپ نے سمجھا ہے تو خود نکاح کرنے والا لڑکا اور کرانے والی لڑکی کا مقام کیا ہے اگر وہ نکاح پر راضی نہیں ہوتے۔ کیوں کہ نکاح میں مرد اور عورت دونوں کی مرضی لازمی ہے۔ ہاں اگر کوئی مرد یا عورت نکاح کی خواہش نہ رکھتا ہو اور معاشرے کے لیے کسی فتنہ و فساد کا موجب نہ بنے تو نکاح نہ کرنے میں کوئی مضائقہ نہیں۔ لیکن ایسا شاذ و نادر ہی ہوتا ہے اور شائد سوال بھی اسی کیفیت کے متعلق تھا۔
پہلی حدیث کا مفہوم جہاں تک میں سمجھتا ہوں درج ذیل ہے:-
اگر کوئی مالی استطاعت کے ساتھ ساتھ جسمانی قوت بھی رکھتا ہے تو بلا شبہ نکاح اس کے لیے سنت ہے۔
اگر کوئی مالی استطاعت تو رکھے مگر جسمانی قوت نہ ہو تو نکاح نہ کرنے میں کوئی حرج نہیں بشرط کہ فتنہ و فساد کا اندیشہ نہ ہو۔
اگر کوئی مالی استطاعت نہ رکھے مگر جسمانی قوت ہو تو اس کا روزے رکھنا سنت کا قائم مقام ہو جائے گا۔
اگر کوئی مالی استطاعت اور جسمانی قوت کے ہوتے ہوئے بھی نکاح نہیں کرتا تو وہ یقینا فتنہ و فساد کا موجب بن کر رہیگا۔
مالی استطاعت سے مراد بیوی کا نان و نفقہ کا انتظام ہے۔
جہاں تک دوسری حدیث کا تعلق ہے اس میں بھی صحابہ کو نکاح کی خواہش کے ہوتے ہوئے کوئی اور طرزِ عمل جو ان کے لحاظ سے بہتر ہو اپنانے سے منع کیا گیا ہے کیوں کے وہ مسنون عمل کے مقابلے میں اپنی خواہش کے عمل کو ترجیح دینے والے تھے۔ لہٰذا اس حدیث کا نکاح کی خواہش نہ رکھنے والوں سے کوئی تعلق نہیں۔
![محدث فورم [Mohaddis Forum]](/styles/default/xenforo/Forum.jpg)
