عدت میں عید کی نماز

[Abdul Mussavir]

السلام وعلیکم

میرا ایک سوال ہے ۔
جو عورت عدت میں ہو تو کیا اُنکا عید کی نماز کے لیے عید گاہ جانا درست ہے ؟
یہ وہ گھر میں دوسری عورتوں کے ساتھ ملکر عید کی نماز باجماعت گھر میں ادا کر سکتی ہے ؟

 

[عامر عدنان]

حضرت علامہ شوکانی رحمہ اللہ نے اس بارے میں مفصل مدلل بحث کے بعد فرمایا ہے اما فی معناہ من الاحادیث قاضیۃ بمشروعیۃ خروج النساءفی العیدین الی المصلی من غیر فرق بین البکروالثیب والشابۃ والعجوز والحائض وغیرھا مالم تکن معتدۃ او کان فی خروجھا فتنۃ اوکان لھا عذر یعنی احادیث اس میں فیصلہ دے رہی ہیں کہ عورتوں کو عیدین میں مردوں کے ساتھ عیدگاہ میں شرکت کرنا مشروع ہے اور اس بارے میں شادی شدہ اور کنواری اور بوڑھی اور جوان اور حائضہ وغیرہ کا کوئی امتیاز نہیں ہے جب تک ان میں سے کوئی عدت میں نہ ہو یا ان کے نکلنے میں کوئی فتنہ کاڈر نہ ہو یا کوئی اور عذر نہ ہو تو بلا شک جملہ عورتوں کو عیدگاہ میں جانا مشروع ہے پھر فرماتے ہیں والقول بکراھیۃ الخروج علی الاطلاق رد للاحادیث الصحیحۃ بالاراءالفاسدۃ یعنی مطلقا عورتوں کے لیے عید گاہ میں جانے کو مکروہ قرار دینا یہ اپنی فاسد رایوں کی بنا پر احادیث صحیحہ کو رد کرنا ہے۔
https://shamilaurdu.com/hadith/bukhari/974/

علامہ شوکانی رح کے مطابق عورتوں کاعیدگاہ جانامستحب ہے خواہ کنواری ہوں یاشادی شدہ جوان ہوں یابوڑھی حیض والی یاپھردوسری۔لیکن عدت والی عورتیں اوروہ جن کے جانے سے فتنہ یاپھرکوئی عذرہواس کے لیے رخصت ہے۔(نیل الاوطار354/3).
http://www.urdumajlis.net/index.php?threads/17612/