علمی منصوبے

[Hasan]

اس دھاگے کا مقصد ایسے منصوبوں کے بارے میں معلومات حاصل کرنا ہے جو علمی لحاظ سے اہم ہیں- مثلا:

١- اسحاق بھٹی صاحب کی کتاب نقوش عظمت رفتہ سے پتہ چلا کہ مکتبہ قدوسیہ کے مؤسس مولانا عبد الخالق قدوسی ١٤ جلدوں میں ہر صدی کے اعتبار سے تاریخ اھلحدیث مرتب کرناچاہتے تھے- وہ خود اس پر کام کررہے تھے مگر ان کی شہادت کی وجہ سے یہ کام مکمل نہ ہوسکا-

٢-شیخ عبد السلام بھٹوی صاحب بلوغ المرام کی شرح لکھ رہے تھے جیسا کہ شرح کتاب الجامع من بلوغ المرام کے مقدمہ میں انہوں نے بتایا-

٣-شیخ عبد الستار حماد صحیح بخاری کی شرح لکھ رہے ہیں جس کی شرح کتاب التوحید الگ چھپ چکی ہے-

٤-شیخ محمد علی جانباز سنن ابی داؤد کی شرح لکھ رہے ہیں-

یہ منصوبے کہاں تک پہنچے ؟ ان کا مختصر تعارف ؟ اور ان جیسے دوسرے منصوبے بھی زیر بحث لائے جائیں-

 

[خضر حیات]

٤-شیخ محمد علی جانباز سنن ابی داؤد کی شرح لکھ رہے ہیں-

شيخ رحمہ اللہ تو وفات پا چکے ہیں ۔
حافظ ثناء اللہ مدنی حفظہ اللہ ویرعاہ شمائل ترمذی کی شرح الوصائل کے نام سے عربی میں مکمل کر چکے ہیں لیکن ابھی طبع نہیں ہوئی ۔
جبکہ بخاری کی شرح کے لیے تقریبا دو سال پہلے پتہ چلا تھا کہ مراجع و مصادر وغیرہ اکٹھے کر چکے ہیں ۔
مولانا رمضان سلفی حفظہ اللہ نائب شیخ الحدیث جامعہ لاہور اسلامیہ بخاری کا ترجمہ کر رہے ہیں اور اس کے بعد شرح کا بھی ارادہ رکھتے ہیں ۔

 

[Hasan]

شيخ رحمہ اللہ تو وفات پا چکے ہیں ۔

۔
رحمہ اللہ- مجھے پتہ نہیں تھا- ان کا انتقال کب ہوا تھا ؟

جبکہ بخاری کی شرح کے لیے تقریبا دو سال پہلے پتہ چلا تھا کہ مراجع و مصادر وغیرہ اکٹھے کر چکے ہیں۔

عربی ؟

مولانا رمضان سلفی حفظہ اللہ نائب شیخ الحدیث جامعہ لاہور اسلامیہ بخاری کا ترجمہ کر رہے ہیں اور اس کے بعد شرح کا بھی ارادہ رکھتے ہیں ۔

عربی ؟

 

[خضر حیات]

حافظ ثناء اللہ مدنی صاحب حفظہ اللہ عربی میں ۔
اور شیخ رمضان سلفی صاحب حفظہ اللہ اردو میں ۔

مولانا محمد علی جانباز رحمہ اللہ تقریبا ٤ سال قبل اس دنیا فانی سے رخصت ہو چکے ہیں ۔ جیساکہ اس خبر کی تاریخ سے اندازہ لگایا جا سکتا ہے ۔ باقی بالضبط اس بارے میں شاید شیخ رفیق طاہرصاحب بتا سکتے ہیں ۔

 

[خضر حیات]

Hasan بھائی نے ماشاء اللہ اچھا موضوع شروع کیا تھا ۔ کاش جاری رہتا ۔

 

[خضر حیات]

سنا ہے کہ ’’ الرد التقی علی الجوہر النقی للشیخ فیض الرحمن الثوری رحمہ اللہ ‘‘ تحقیق کے مراحل میں ہے ۔

 

[عبدالعظیم راشد]

الرد التقی علی الجوہر النقی للشیخ فیض الرحمن الثوری رحمہ اللہ ‘‘ تحقیق کے مراحل میں ہے ۔

یہ کام کہاں تک پہنچ چکا ہے کوئی معلومات ہیں تو آگاہ کریں جزاک اللہ
اور محقق کون ہیں؟

 

[خضر حیات]

یہ کام کہاں تک پہنچ چکا ہے کوئی معلومات ہیں تو آگاہ کریں جزاک اللہ
اور محقق کون ہیں؟

اس کا مسودہ جامعہ اثریہ جہلم والوں کے پاس ہے، کافی سال پہلے پتہ چلا تھا کہ انہون نے اس کی ٹائپنگ وغیرہ کروالی ہے۔ لیکن نظرثانی اور پروف پڑھنے کے لیے کسی مناسب شخصیت سے بات طے نہیں ہوپارہی تھی۔ نہ جانے اب یہ کام کہاں اور کس حال میں ہے۔

 

[عبدالعظیم راشد]

٢-شیخ عبد السلام بھٹوی صاحب بلوغ المرام کی شرح لکھ رہے تھے

شیخ صاحب اب بخاری کی شرح لکھ رہے ہیں جو تقریبا اختتامی مراحل میں ہے۔اللہ تعالی شیخ صاحب کے علم، عمل اور عمر میں برکت عطاء فرمائے۔ آمین

 

[عبدالعظیم راشد]

فضیلۃ الشیخ محفوظ اعوان صاحب نے الحمدللہ صحیح البخاری کا ترجمہ مکمل کر لیا ہے جو کہ مکتبہ انصار السنہ میں طباعت کے مراحل میں ہے۔اور بخاری کی شرح لکھ رہے ہیں اللہ تعالی شیخ صاحب کے علم، عمل اور عمر میں برکت عطاء فرمائے۔آمین