عید میلاد النبی کی تاریخ

[جوانی پِٹّا]

آج شاکر عزیز کی ایک بلاگ پوسٹ میں کئی دفعہ عید میلاد النبی ؐ نامی تہوار کے بارے "نو تخلیق شدہ" کا لفظ پڑھا۔ میرے خیال میں کم از کم چار پانچ سو سال پہلے سے جاری تہوار عموماً نو تخلیق شدہ نہیں کہلاتا۔
میلاد النبی کا تہوار عثمانی خلیفہ سلطان مراد سوم کے دور (1588ء) سے مسلسل سرکاری سرپرستی میں منایا جا رہا ہے۔

اوپر کی تصویر فلپ مینسل (Philip Mancel) کی کتاب (Constantinople: City of the World's Desire, 1453-1924) سے لی گئی ہے۔
سرکاری سرپرستی اسی سال سے کیوں شروع ہوئی، اس کا علم نہیں۔ لیکن ترک معاشرے میں میلاد النبی کو تہوار کے طور اس سے بھی کافی پہلے سے منانے کی روایت موجود ہے۔
ترکوں کے ایک مشہور شاعر سلیمان چلبی (Suleyman celebi)نے 1409ء میں مولود کے نام سے ایک لمبی نظم/نعت لکھی ، جس کو آج بھی ترکی میں میلاد النبی اور دیگر مذہبی تہواروںمیں نہایت اہتمام کے ساتھ گایا/پڑھا جاتا ہے۔
غالباً اسی ترکی ذریعے سے ہی برصغیر میں میلاد النبی کے تہوار کی امپورٹ ہوئی۔
ترکی میں میلاد النبیؐ (میلاد قندیل) سے متعلق ایک اور بھی تہوار ہے جس کو رجب قندیل کہتے ہیں، اور اس کو رجب میں (حضرت آمنہ ؓ کو آنحضرت کا حمل ٹھیرنے کا مہینہ) منایا جاتا ہے۔ قندیل لفظ لگانے کی وجہ تسمیہ یہ ہے کہ عثمانی سلاطین کے دور سے ان تہواروں کی راتوں میں مساجد کے میناروں پر قندیلیں روشن کر دی جاتی تھیں۔
اس لنک پر، ترکش اخبار کا کہنا ہے کہ کچھ لوگ جو میلاد قندیل کو منانے پر یقین نہیں رکھتے، وہ بھی احتراماً اس دن شراب کو ہاتھ نہیں لگاتے۔

آپ کا اس بارے کیا خیال ہے۔؟۔
Read more: http://alikasca.blogspot.com/2014/01/blog-post_11.html

 

[محمد ارسلان]

میلاد منانے کا بدعت ہونے کے لیے یہ بھی بہت ہے کہ

• اسے رسول اللہ صلی اللہ علیہ وسلم نے منصب رسالت ملنے کے بعد 23 سال میں ایک بار بھی نہیں منایا۔
• پھر خلافت علی منہاج النبوۃ پر خلفاء راشدین (ابوبکر و عمر و عثمان و علی رضی اللہ عنھم) کے دور میں نہیں منایا گیا۔
• پھر صحابہ کرام رضی اللہ عنھم اجمعین کے دور میں کسی نے نہیں منایا۔
• پھر تابعین اور تبع تابعین کے دور میں کسی نے نہیں منایا۔
• پھر سلف صالحین، ائمہ محدثین، ائمہ اربعہ کے دور میں کسی نے نہیں منایا۔

لیکن یہ بدعت کچھ صدیاں پہلے کی ایجاد ہے، اس کو اسلام کے ساتھ جوڑنا بالکل درست نہیں، ایک تو بدعت اور پھر اس پر اسلام کا لیبل لگانا بہت بڑا جرم ہے، اور اس جرم کی سزا جہنم ہے، لہذا بچ جائیے۔

 

[وقار عظیم]

آپ کا اس بارے کیا خیال ہے۔؟۔
Read more: http://alikasca.blogspot.com/2014/01/blog-post_11.html

ہمارا خیال بہت ہی سادہ سا ہے
32 - فیصلوں کا بیان : (28)
احکام باطلہ کو ختم کرنے اور رسومات و بدعات کو رد کرنے کے بیان میں
حدثنا أبو جعفر محمد بن الصباح وعبد الله بن عون الهلالي جميعا عن إبراهيم بن سعد قال ابن الصباح حدثنا إبراهيم بن سعد بن إبراهيم بن عبد الرحمن بن عوف حدثنا أبي عن القاسم بن محمد عن عاشة قالت قال رسول الله صلی الله عليه وسلم من أحدث في أمرنا هذا ما ليس منه فهو رد

صحیح مسلم:جلد دوم
ابوجعفر محمد بن صباح، عبداللہ بن عون ہلالی، ابراہیم بن سعد، ابن صباح، ابراہیم بن سعد بن ابراہیم بن عبدالرحمن بن عوف، قاسم بن محمد، سیدہ عائشہ صدیقہ رضی اللہ تعالیٰ عنہا سے روایت ہے کہ رسول اللہ صلی اللہ علیہ وآلہ وسلم نے فرمایا جس نے ہمارے احکام میں کوئی ایسی بات ایجاد کی جو اس سے نہ ہو تو وہ مردود و نامقبول ہے۔