عید میلاد کی تاریخ و ارتقا اور مجوزین کے دلائل

[کلیم حیدر]

تاج الدین الفاکہانی ؒ
شیخ تاج الدین عمر بن علی الفاکہانیؒ رقم طراز ہیں کہ

’’بہت سے لوگوں نے بار بار مجھ سے عید میلاد النبیﷺ کے بارے میں پوچھا کہ شریعت میںاس کی کوئی اصل ہے یا یہ دین میں ایک بدعت ہے؟ تو میں نے کہا کہ کتاب وسنت سے اس میلاد کی کوئی دلیل مجھے نہیں ملی اور علمائے اُمت جو دین میں ایک نمونہ اور سلف کے آثار پرگامزن رہنے والے تھے، ان میں سے بھی کسی سے اس کی مشروعیت منقول نہیں بلکہ حقیقت یہ ہے کہ یہ بدعت ہے جسے باطل پرستوں ، خواہش نفس کے پجاریوں اور پیٹ پرستوں نے گھڑا ہے۔‘‘ (الحاوی للفتاوی: ج۱؍ ص۱۹۰،۱۹۱)

 

[کلیم حیدر]

ابن الحاج ؒ
ابوعبداللہ محمد بن محمد العبدری المعروف بابن الحاج رقم طراز ہیں کہ

’’ومن جملۃ ما أحدثوہ من البدع مع اعتقادھم أن ذلک من أکبر العبادات وإظھار الشعائر ما یفعلونہ فی شھر ربیع الأول من المولد وقد احتوی علی بدع ومحرمات‘‘ (المدخل: ج۲ ؍ص۲۲۹)
’’لوگوں کی جاری کردہ بدعات میں سے ایک بدعت ربیع الاول میں محفل میلاد کا قیام ہے۔ اس بدعت کو اختیار کرنے والے یہ اعتقاد رکھتے ہیں کہ یہ ایک سب سے بڑی عبادت اور شعائر ِاسلامیہ کے اظہار کا عمل ہے۔ حالانکہ یہی بدعت میلاد مزید کئی بدعات و محرمات پر بھی مشتمل ہے۔‘‘

نیز فرماتے ہیں کہ :

’’محفل میلاد کے موقع پر اگر سماع و غنا کا بھی انتظام ہو تو یہ ظلمات بعضھا فوق بعضکی طرح ہے۔ اوراگر محفل میلاد سماع و غنا اور دیگر مفاسد سے مبرا ہو اور صرف لوگوں کے لئے میلاد کی نیت سے کھانے کا انتظام ہو تو تب بھی یہ بدعت ہے کیونکہ یہ دین میں اضافہ ہے ۔ سلف صالحین کے ہاں اس کا کوئی ثبوت نہیں ملتا، حالانکہ سلف صالحین کے نقش قدم پر چلنا ہی زیادہ بہتر ہے۔‘‘

 

[کلیم حیدر]

مجدد الف ِثانی ؒ
موصوف اپنے کسی عقیدت مند کو عید ِمیلاد کے حوالہ سے ایک مکتوب میں فرماتے ہیں کہ

’’بہ نظر انصاف ببینند اگر فرضا حضرت ایشاں دریں اوان در دنیا زندہ می بودند و ایں مجلس و اجتماع منعقدمے شد آیا بہ ایں راضی مے شد ند وایں اجتماع رامے پسندیدند یانہ؟ یقین فقیر آں است کہ ہرگز ایں معنی را تجویز نہ فرمودند بلکہ انکار مے نمودند مقصود فقیر اعلام بود قبول کنید یا نہ کنید ہیچ مضائقہ نیست و گنجائش مشاجرہ نہ۔ اگر مخدوم زادگان و یاران آنجاں برہماں وضع مستقیم باشند ما فقیراں را از صحبت ایشاں غیر از حرماں چارہ نیست‘‘

(مکتوب ۲۷۳ ، دفتر اول، حصہ پنجم ص ۲۴، نورکمپنی لاہور)
’’انصاف سے دیکھئے اور بتائیے کہ اگر اس زمانے میں خود حضرت (نبی اکرمﷺ) دنیا میں زندہ ہوتے تو کیا آپﷺ اس مجلس میلاد کو پسند فرماتے؟ اور اس سے خوش ہوتے؟ فقیر کو یقین ہے کہ آپﷺ ہرگز اس کو جائز نہ سمجھتے بلکہ اس سے منع ہی فرماتے۔ فقیر کا کام تو بس مطلع کرنا ہے۔ لہٰذا آپ اسے قبول کریں یا ردّ، مجھے کوئی پرواہ نہیںاور نہ اس میں لڑائی جھگڑے کی کوئی گنجائش ہے۔ لیکن اگر آپ گذشتہ روش ہی پر رہے اور اسی حالت پر آپ کو اصرار رہا تو فقیر کو سوائے ترکِ ملاقات کے کوئی چارہ نہ ہوگا۔‘‘

 

[کلیم حیدر]

شاہ عبدالعزیز محدث دہلویؒ
آپ سے سوال کیا گیاکہ ربیع الاوّل کے دنوں میں حضورﷺ کی روحِ مبارک کو مختلف انواع کے کھانے کھلانے سے ثواب پہنچانا جائز ہے؟ تو آپ نے اس کا یہ جواب دیا کہ

’’اس کام کیلئے وقت اور دن کا تعین کرنا اور مہینہ خا ص کرنا بدعت ہے اور سنت کے مخالف ہے اور سنت کی مخالفت حرام ہے لہٰذا یہ بالکل جائز نہیں۔‘‘(فتاویٰ عزیزیہ: ص۹۳)

نیز

’’کسی پیغمبر کی ولادت کے دن کو عید کی طرح منانا جائز نہیں۔‘‘ (تحفۃ اثنا عشریہ)

 

[کلیم حیدر]

عبدالسمیع رام پوری (خلیفہ احمدرضا خان بریلویؒ)
موصوف فرماتے ہیں کہ

’’یہ سامانِ فرحت و سرود اور وہ بھی مخصوص مہینے ربیع الاول کے ساتھ اور اس میں خاص وہی بارہواں دن میلاد شریف کا معین کرنا بعد میں ہوا، یعنی چھٹی صدی کے آخر میں۔‘‘ (انوارِ ساطعہ: ص۱۵۹)

 

[محمد ارسلان]

جزاک اللہ خیرا

 

[عمران اسلم]

جزاک اللہ خیرا

 

[بالاکوٹی]

جزا ک اللہ فی الدنیا والآخرۃ
اور اللہ سے دعا ہے کہ ہمیں ہر قسم کے بدعات سے نجات دے اور ہمیں قرآن وسنت کے مطابق زندگی گزارنے کی توفیق دے آمین
مسلمانوں کوکےلیے یہ لمحہ فکر یہ ہے کہ وہ دین پر عمل کے لیے اصل کی طرف رجوع نہیں کرتے اور دین کو چھوڑ کر غیر کی بات پہ مطمن ہوجاتے ہیں اور وہ نسل در نسل چلتاہے جس کی وجہ سے اصل کوقبول کرنا مشکل ہو جاتاہے ۔

 

[محمدعلی اسداللہ]

"ﻓﺮﺯﻧﺪ ِﺭﺳﻮﻝ
’ﺣﻀﺮﺕ ﺍﺑﺮﺍﮨﯿﻢؑ ‘ ﮐﮯ
ﯾﻮﻡِ ﻭﻓﺎﺕ ﭘﺮﺳﻮﺭﺝ
ﮔﺮﮨﻦ ﻟﮕﻨﮯ ﮐﮯ ﺣﺴﺎﺏ
ﮐﻮ ﻣﺪﻧﻈﺮ ﺭﮐﮭﺎ ﺟﺎﺋﮯ
ﺗﻮ ﺁﻧﺤﻀﺮﺕ ﷺ ﮐﯽ ﻭﻓﺎﺕ
ﮐﯽ ﺻﺤﯿﺢ ﺗﺎﺭﯾﺦ ۹ ﺭﺑﯿﻊ
ﺍﻻﻭﻝ ﮨﯽ ﻗﺮﺍﺭ ﭘﺎﺗﯽ ﮨﮯ"
یہاں وفات کی تاریخ نہیں "ولادت کی تاریخ "ہوگا

 

[حرب بن شداد]

اللہ رب العالمین،صراط مستقیم کے درست معنی و مفہوم کو سمجھنے کی توفیق عطاء فرمائے۔۔۔
جو ہر نماز میں ہم پڑھتے ہیں۔۔۔