فرقہ واریت کے معاشرتی بگاڑ

[عبقری ریڈر]

ایک گاؤں میں عسائیوں کا ایک ہی گھر تھا۔ اس گھر کی ایک ادھیڑ عمر عورت کا وقت نزاع قریب آیا تو گاؤں کے ایک معزز اور دیندار بزرگ چند نمازیوں سمیت مسجد سے ہی انکی عیادت کے لئےتشریف لے گئے۔
(کیونکہ دیہاتوں میں اس چیز کا ذیادہ خیال رکھا جاتا ہے) وہاں پہنچ کر اسکی حال خیر دریافت کرنے کے بعد کہا کہ بی بی: آپ نے اتنی عمر گزاری ہے، کیا آپ نہیں سمجھتیں کی اسلام ہی واحد مذہب برحق ہے جس میں دونوں جہانوں کی فلاح ہے۔
وہ بولی تمہارا مطلب ہے میں تمہارا کلمہ پڑھ لوں؟ بزرگ کہنے لگے جی ہاں ہم چاہتے ہیں کہ آپ کی آخرت سنور جائے اور اس لئے بھی کہ گاؤں میں آپکا ایک ہی گھر ہے
تو کلمہ پڑھ لیں اللہ پاک اسکی برکت سے پورے گاؤں پہ رحمت فرمایئں گے۔
وہ کہنے لگی: پڑھ لیتے ہیں کلمہ مگر ہمیں کس نبی کا کلمہ پڑھاؤ گے؟ نوری کا یا بشری کا؟
میں نے اپنی ہوش سے لیکر آج تک یہی دیکھا ہے
کہ تم لوگوں نے اپنے نبی کو اختلافات کا محور ہی بنائے رکھا ہے
نوری یا بشری کا اختلاف، زندہ یا فوت کا اختلاف، غیب جاننے یا نہ جاننے کا اختلاف۔ تم لوگ جب کسی ایک بات پہ متفق ہو کے آجاؤ تو پڑھ لونگی کلمہ۔
لیکن پھر ایک مسئلہ ہوگا، کلمہ پڑھنے کے بعد آدھا گاؤں کہے گا سنی،بریلوی ہو جا آدھا کہے گا دیوبندی اہلحدیث ہو جا، پھر میں کدھر جاؤں گی؟ تم لوگوں نے تو دین کے ٹکڑے ٹکڑے کر دیے۔ اور جس کے پاس جتنا ٹکڑا آیا وہ پہلے تو اسے باپ دادا کا فرقہ، پھر انا کا مسئلہ بنا کر اتنے سے دین کی ہی پرستش کرتا چلا گیا۔ ۔ ۔ ۔ ۔ ۔ ۔
خواتین و حضرات یہ تو تھے فرقہ واریت کے معاشرتی بگاڑ، اور آخرت میں خواری علیحدہ ہوگی۔
کیونکہ آج ہم اتنا دفاع اپنے مذہب کا نہیں کر رہے جتنا اپنے اپنے فرقے کا کر رہے ہیں۔
اللہ پاک سے ہمیشہ صراط مستقیم پہ چلنے کی توفیق مانگتے رہیئے۔وہ سننے والا ہے مہربان ہے۔

 

[lovelyalltime]

سو فیصد سچ کہا آپ نے

 

[حسن شبیر]

اللہ رب العزت ہم مسلمانوں پر رحم کرے پتا نہیں ہم کب تک فرقہ واریت میں پڑے رہیں گے۔کاش ہم فرقہ واریت سے ہٹ کر اللہ رب العزت اور محمدرسول اللہ صلی اللہ علیہ وآلہ وسلم کے طریقے کو اپنا لیں اور کافر ہمیں دیکھ کے مسلمان ہو جائیں یہ نہیں کہ وہ ڈر سے بھاگیں کہ ہم پتا نہیں کس فرقہ کے راہی ہیں۔
اللہ ہمیں صراط مستقیم عطافرمائے۔ آمین یا رب العالمین

 

[Dua]

بلکل ایسا ہی ہے۔۔۔۔"دین آسان ہے" مگر ہم نے مشکل بنا دیا۔
اللہ تعالی ہمیں حق پر قائم رکھے۔آمین

 

[خضر حیات]

فرقہ واریت کو ہوا دینے والے اپنے کیے کی سزا بھگتیں گے لیکن تصویر کا دوسرا رخ یہ ہے کہ وہ عیسائی عورت اگر اسی بات کو بنیاد بنا کر اسلام سے محروم رہ گئی تو کیا اس کا یہ بہانہ اللہ کے دربار میں قابل ہو گا ؟
عام طور پر دیکھا گیا ہے اس طرح کے بہانے وہی لوگ کرتے ہیں جو پہلے اپنا ایک ذہن بنا چکے ہوتے ہیں ۔ مثلا کوئی نماز نہیں پڑھتا وہ ایک اچھا بہانہ بناسکتا ہے کہ جناب پڑھوں تو کس کے پیچھے ؟ وہابی ؟ بریلوی ؟ دیوبندی ؟ وغیرہ وغیرہ ۔
ہر ایک کو دوسروں کی غلطیوں سے بچ کر اسلامی تعلیمات پر بڑھ چڑھ کر عمل کرنا چاہیے نہ کہ طرح طرح کے بہانے بنا کر سستی و کاہلی کا مظاہرہ ۔
اللہم وفقنا لما تحب و ترضی من القول و العمل والنیۃ ۔

 

[قاری مصطفی راسخ]

آج اسلام کے فروغ کی راہ میں سب سے بڑی رکاوٹ ،اپنی بد اعمالیوں کی وجہ سےخود مسلمان ہیں۔اسلام کا تعارف تو مسلمانوں کے اخلاق وکردار کو دیکھ کر ہونا تھا،جو اسوقت ہمارے سامنے ہے،اور اس قابل نہیں ہے کہ اسے دوسروں کے سامنے پیش کیا جا سکے۔