فضلائے جامعہ لاہور اسلامیہ

[shining star]

السلام عليكم ورحمة الله وبركاته !
يہ ايک بہت اچھا اقدام ہے ۔ الله آپ كو جزائے خير دے ۔ سب بهائيوں كو اس ميں ضرور شركت كرني چاهيے ۔

 

[شاکر]

وعلیکم السلام ورحمتہ اللہ وبرکاتہ،
محترم شائننگ اسٹار صاحب، آپ بھی تو تعارف کروا دیجئے اپنا۔ لگتا تو ایسا ہے کہ آپ بھی فضلائے جامعہ میں شامل ہیں!!!

 

[ڈاکٹر حافظ حسن مدنی]

السلام علیکم ورحمۃ اللہ
بھائی شائننگ سٹار صاحب! آپ کو جامعہ کے فورم میں دلی خوش آمدید، لیکن اپنا تعارف تو کروا دیجئے، بہتر ہوگا کہ جامعہ میں تعلیم حاصل کرنے والے طلبہ اپنا سن فراغت اور شعبہ وغیرہ کی نشاندہی بھی کریں تاکہ ان کے ساتھی ان کو جان پہچان سکیں۔ یہ فورم آپ فضلاء سے رابطہ رکھنے کے لئے ہے اور اسے فضلاے جامعہ ہی آباد کرسکتے ہیں۔ خود بھی شریک ہوں اور اپنے ساتھیوں کو بھی شرکت کی دعوت دیں، کم ازکم ایک ساتھی اپنی کلاس والوں کو تو ضرور مطلع کرے۔مجھے آپ فضلا کی شرکت اور آراء کا شدید انتظار رہے گا۔ اللہ حافظ

 

[ڈاکٹر حافظ حسن مدنی]

السلام علیکم ! محدث فورم دیدہ زیب ہونے میں اپنی مثال آپ ہے، جس میں شاکر بھائی کی خصوصی محنت اور لگن شامل ہے، اللہ تعالیٰ انہیں جزائے خیر دے۔
کسی عبارت کی غلط کمپوزنگ جہاں اس کی زیبائش میں کمی پیدا کرتی ہے وہاں مستقبل میں اس کے سرچ ہونے کی صلاحیت بھی متاثر ہوتی ہے۔ اس بنا پر منتظمین کو کم ازکم عنوانات کی اصلاح ضرور کرنا چاہئے۔ زیر نظر دھاگے کا موضوع غلط ٹائپ کیا گیا ہے، اگر موصوف عربی میں لکھنا چاہتے تو پھر دونوں تائے مدورہ کو دو نقطوں کے ساتھ یوں لکھتے: جامعة لاهور الاسلامية بصورت دیگر وہ دونوں مقامات پر جامعہ لاہور اسلامیہ ہی لکھ لیتے تو بہتر تھا۔ منتظمین حضرات اس کمپوزنگ غلطی کی اصلاح کردیں۔ اللہ حافظ

 

[شاکر]

وعلیکم السلام ورحمتہ اللہ وبرکاتہ،
محترم حسن صاحب،
اللہ تعالیٰ آپ کو جزائے خیر عطا فرمائیں۔ یہ سب آپ حضرات ہی کی محنت کا ثمر ہے جو مختلف شکلوں میں ظاہر ہو رہا ہے۔
اردو فونٹ میں عربی عبارت درست نظر نہیں آتی ہے اس لئے عنوان کو اردو میں جامعہ لاہور اسلامیہ کر دیا ہے۔ نشاندہی کے لئے بہت شکریہ۔

 

[رانا ابوبکر]

السلام علیکم!
ہم جامعہ لاہورالاسلامیہ کے فضلاء میں تو شامل نہیں اور یہ دھاگہ فضلاء حضرات کے لیے ہے، لیکن چونکہ ہم جامعہ سے وابستہ رہے ہیں چار سال تک اس لیے جامعہ سے ایک لگاؤ رہا ہے، چار سال جامعہ میں پڑھنے کے بعد کچھ مجبوریوں کے باعث اپنے گاؤں لوٹنا پڑا، جس وجہ سے ہم بد قسمتی سے یہاں سے فاضل نہیں ہو سکے، بہرحال جو بھی ہو جامع سے گہرا تعلق رہا ہے، محترم شفیع طاہر صاحب، اسلم صدیق صاحب، احسان اللہ فاروقی صاحب اور ہدایت اللہ صاحب میرے مشفق اساتذہ میں سے تھے۔اور جامعہ کے اساتذہ میں سے میری پسندیدہ شخصیات میں اسلم صدیق صاحب، شفیق مدنی صاحب، رمضان صاحب، اور مدنی صاحب شامل ہیں۔ اللہ پاک نے توفیق دی اور مجھے پچھلے سال جامعہ کے میٹرک کے طلباء کو ریاضی اور انگریزی پڑھانے کی سعادت بھی حاصل ہوئی۔ اور اب بھی کسی نہ کسی طرح اللہ پاک نے جامعہ لاہور الاسامیہ کے لیے ہی کام کے لیے ہی چن رکھا ہے۔

 

[طاہر اسلام]

السلام عليكم ورحمة الله وبركاته !
محدث فورم کا اجراء حد درجہ لائق تحسین ہے جس پر فورم کے ارباب کار تبریک و تحسین کے سزاوار ہیں-خداوند کریم ان کی کاوشوں کو شرف قبولیت سے نوازے اور اس فورم کو اسلام و اہل اسلام کے لئے زیادہ سے زیادہ مفید و نافع بنائے آمین یا رب العالمین

 

[ابن بشیر الحسینوی]

میری مادر علمی جامعہ لاہور الاسلامیہ میں تقریب صحیح بخاری کے موقع پر ایک قیمتی پمفلٹ شایع کیا گیا تھا اس کو بھی محدث فورم کی زینت بنانا چاہئے بارک اللہ فیکم

 

[عمران اسلم]

اس تھریڈ کا بنیادی مقصد شاید فاضلین جامعہ لاہور الاسلامیہ کا تعارف ہے لیکن سردست میں یہ اطلاع دے دوں کہ جامعہ لاہور الاسلامیہ کے فاضل حافظ نجم الثاقب کی والدہ محترمہ گیارہ جون بروز منگل قضائے الہٰی سے وفات پا گئی ہیں۔ اللہ تعالیٰ ان کی بشری کوتاہیوں سے صرف نظر کرتے ہوئے جنت الفردوس میں جگہ دے۔ آمین

 

[کلیم حیدر]

جامعہ لاہور الاسلامیہ کے فاضل حافظ نجم الثاقب کی والدہ محترمہ گیارہ جون بروز منگل قضائے الہٰی سے وفات پا گئی ہیں۔

انا للہ وانا الیہ راجعون

اللہ تعالیٰ ان کی بشری کوتاہیوں سے صرف نظر کرتے ہوئے جنت الفردوس میں جگہ دے۔ آمین

آمین ثم آمین