فوت شدہ رکعت ادا کرنے کے بارے میں ؟

[فہد اقبال]

السلام و علیکم !
کافی عرصے سے میں اس بات کے بارے میں سوچ رہا تھا۔ پھر محدث فورم پر آنا ہوا۔ مہربانی فرما کر الجھن دور فرمادیں۔

سوال ۔۔۔ جب ہم فجر کی یا مغرب کی نماز کی دوسری رکعت میں امام کے ساتھ ملتے ہیں۔ اور سلام کے بعد اٹھتے ہیں تو رفع الیدین کرنا پڑے گا؟
حالانکہ ہم مغرب میں دوسری رکعت کے بعد رفع الیدین کر چکے ہیں۔
اسی طرح ظہر، عصر یا عشاء میں دوسری رکعت سی کھڑے ہو کر رفع الیدین کرنے کے بعد، امام کے سلام پھیرنے کے بعد کھڑے ہو کر رفع الیدین کرنا ہوگا؟ نیز فوت رکعت میں صرف فاتحہ پڑھی جائے گی یا کوئ اور سورت بھی؟

نوٹ۔۔ اگر آپکو لگے کہ یہ 2 سوال ہیں تو درگزر کر دیجیئےگا۔۔
جزاک اللہ خیرا

 

[فہد اقبال]

السلام و علیکم

یاد دہانی۔۔
مہربانی فرما کر جواب مرحمت فرمائیں۔
جزاک اللہ خیرا

 

[رفیق طاھر]

السلام و علیکم !
کافی عرصے سے میں اس بات کے بارے میں سوچ رہا تھا۔ پھر محدث فورم پر آنا ہوا۔ مہربانی فرما کر الجھن دور فرمادیں۔

۱- سوال ۔۔۔ جب ہم فجر کی یا مغرب کی نماز کی دوسری رکعت میں امام کے ساتھ ملتے ہیں۔ اور سلام کے بعد اٹھتے ہیں تو رفع الیدین کرنا پڑے گا؟
حالانکہ ہم مغرب میں دوسری رکعت کے بعد رفع الیدین کر چکے ہیں۔
اسی طرح ظہر، عصر یا عشاء میں دوسری رکعت سی کھڑے ہو کر رفع الیدین کرنے کے بعد، امام کے سلام پھیرنے کے بعد کھڑے ہو کر رفع الیدین کرنا ہوگا؟
۲۔ نیز فوت رکعت میں صرف فاتحہ پڑھی جائے گی یا کوئ اور سورت بھی؟

نوٹ۔۔ اگر آپکو لگے کہ یہ 2 سوال ہیں تو درگزر کر دیجیئےگا۔۔
جزاک اللہ خیرا

۱۔ نہیں !
کیونکہ رفع الیدین صرف آغاز نماز رکوع جاتے رکوع سے اٹھتے اور دور کعتوں سے کھڑے ہوتے وقت ہے , تشہد سے اٹھتے ہوئے رفع الیدین نہیں !
یعنی اگر آپ تین وتر یا پانچ وتر یا زائد اکٹھے پڑھیں تو دوسری رکعت سے جب تیسری رکعت کے لیے کھڑے ہونگے تو رفع الیدین کریں گے حالانکہ تشہد نہیں بیٹھے اور جب امام کے ساتھ دوسری رکعت میں شامل ہونگے تو فجر کی نماز میں امام کے سلام پھیرنے کے بعد آپکی دوسری رکعت ہوگی اور دوسری رکعت کے لیے اٹھتے ہوئے رفع الیدین کرنا ثابت نہیں
اسی طرح ظہر کی نماز میں امام تیسری رکعت کے لیے اٹھے گا وہ رفع الیدین کرے گا لیکن آپکی دوسری رکعت ہوگی آپ نے رفع الیدین نہیں کرنا اور جب امام چوتھی رکعت کے لیے اٹھے گا رفع الیدین نہیں کرے گا لیکن آپ تیسری رکعت کے لیے اٹھ رہے ہونگے آپ رفع الیدین کریں گے ۔
خوب سمجھ لیں
۲۔ ہر رکعت میں سورۃ الفاتحہ کے علاوہ قراءت کرنا رسول اللہ صلى اللہ علیہ وسلم سے ثابت ہے اور یہی افضل و بہتر ہے کہ ہر رکعت میں فاتحہ کے بعد بھی قراءت کی جائے ۔

 

[فہد اقبال]

بہت شکریہ بھائی۔
جزاک اللہ