فکر خوارج خطرناک فتنوں کی حقیقت

[عبد الرشید]

کتاب کا نام
فکر خوارج خطرناک فتنوں کی حقیقت
مصنف
ڈاکٹر علی محمدمحمد الصلابی
مترجم
ابو عبداللہ بن ابراہیم الفتح
ناشر
الفرقان ٹرسٹ خان گڑھ ضلع مظفر گڑھ

تبصرہ​

ہر وہ شخص جو کسی ایسے امام کے خلاف خروج (بغاوت)کرے جس پرمسلمانوں کی جماعت متفق ہو خارجی کہلاتا ہے خواہ یہ خروج صحابہ کرام ،تابعین یا بعدکے زمانےکے خلفاءکے خلاف ہو ۔او رخوارج وہ لوگ ہیں جوکبیرہ گناہوں کی بنا پر اہل ایمان کو کافر شمار کرتے ہیں اور اپنی عوام پر ظلم وزیادتی کرنے والے امرء المسلمین پروہ خروج وسرکشی کرتے ہیں۔خوارج کی مذمت میں نبی کریم ﷺ سے بہت ساری احادیث وارد بھی ہوئی ہیں ۔ اور اہل علم نے ان کے عقاید ونظریات پر مستقل کتب بھی تصنیف کیں جن میں خوارج کی مختلف تعریفیں بیان کی ہیں جنہیں زیر تبصرہ کتاب میں ملاحظہ کیا جاسکتا ہے۔زیر نظر کتاب '' فکر خوارج'' سعودی عرب میں عصر حاضر کے ایک بڑے نامور عالم،ادیب،مؤرخ ڈاکٹر فضیلۃ الشیخ علی بن محمد الصلابی ﷾ کی عربی تصنیف فكر الخوارج والشيعه في ميزان اهل السنة والجماعة کا اردو ترجمہ ہے ۔فاضل مصنف نے اس میں خارجیوں او ر رافضی شیعوں کے انحراف اور انکی فکر وسوچ کےطریق ومسلک کے بارے او ر اسی طرح امیر المومنین حضرت علی کے عہد خلافت میں ان دونوں فرقوں کی اٹھان اوران کے بارے میں حضرت علی ﷺ کے موقف اور عصر حاضر میں ا ن کے اہل اسلام اوراہل السنۃ والجماعۃکے ساتھ تنازعات پر تفصیلی گفتگو کی ہے اور ان احادیث نبویہ ﷺکا بھی ذکر کیا جو ان کی مذمت کو شامل ہیں ۔اور خارجیوں کے ساتھ سیدنا عبداللہ بن عباس کے مناظرہ اور سیدنا علی کا ان کے ساتھ جنگ کرنے کے اسباب کو بھی بیان کیاہے ۔ڈاکٹر صلابی﷾ اس کتاب کے علاوہ مختلف عناوین پرمشتمل بیسیوں کتب کے مصنف ہیں دکتور موصوف کو تاریخ اور الفرق والادیان پر پوری دسترس حاصل ہے مملکت سعودیہ میں بالخصوص اور دیگرعرب ممالک میں بالعموم ا ن کی کتابوں کو بڑے شوق سے پڑھا جاتا ہے اللہ مصنف اور ناشرین کتاب کی مساعی جمیلہ کو شرف قبولیت سے نوازے اور اس کتاب کوعوام کےلیےنفع بخش بنائے (آمین) (م۔ا)

اس کتاب فکر خوارج خطرناک فتنوں کی حقیقت کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین​

عرض ناشر
سچی فکر و نظر
امن و عدل کا ضامن علم وحی و نظام اسلام
علم و معرفت کے ہوتے ہوئے جان بوجھ کر حق سے عداوت کا انجام
گمراہوں و گنہگاروں کا تزکیہ وتعلیم
طاغوت کی پوجا سے روکنا
بد اعمالیوں پر سزا
عدل و انصاف
نبی ختم الرسل ﷺ کی بعثت کی مزید خصوصی صفات
دنیا جہان کے لیے رحمت
ساری دنیا کے لیے تاقیامت آخری رسول
دین حنیف اسلام کی تکمیل
وحی کا آغاز
تکمیل شریعت و غلبہ اسلام
نبی کریم ﷺ کی جہد مسلسل
صحابہ کرام رضی اللہ عنہم کی تعریف و توصیف قرآن و حدیث میں
جزیرہ عرب سے باہر غلبہ اسلام کی ابتداء
دور خلافت
خلافت فاروقی کا آغاز و اختتام
خلافت عثمانی کا آغاز
مقدمہ کتاب
عصر حاضر میں خارجیوں کے انحراف و تنازعات کے اسباب
اہل تشیع کا فرقہ رافضیہ
صحیح منہج
اصل منہج
گزارش و استدعا
پہلا باب خوارج
فصل اول خوارج کی ابتدا و نوپیدی اور ان کی پہچان
فصل ثانی خوارج کی مذمت میں وارد احادیث صحیحہ
تیسری فصل خوارج کا حروراء کی طرف سمٹنا اور عبداللہ بن عباس رضی اللہ عنہما کا ان سے مناظرہ
چوتھی فصل باقی خوارج کے ساتھ مناظرہ کے لیے امیر المومنین سیدنا علی رضی اللہ عنہ کا خود نکلنا
پانچویں فصل جنگ نہروان 38ھ
چھٹی فصل امیر المومنین سیدنا علی رضی اللہ عنہ کے معرکوں کے فقہی اخبار منقولہ
ساتویں فصل خوارج کی اہم نشانیاں
آٹھویں فصل خوارج کی بعض اعتقادی آراء
نویں فصل خوارج کی بعض صحابہ کے متعلق طعن و تشنیع اور کافر قرار دینا
دسویں فصل عصر حاضر میں خوارج کے گمراہ کن راستے اور جھگڑوں والی راہیں
دوسرا باب شیعہ اپنی تاریخ ، نظریات وافکار اور افعال کے آئینہ میں
فصل اول شیعہ کا لغوی و اصطلاحی معنی اور ’’ رفض‘‘ کا لغوی و اصطلاحی معنی
فصل ثانی روافض شیعہ کا آغاز اور ان کی نشوونما میں یہود کا کردار
فصل ثالث روافض شیعہ کے مرحلہ وار ادوار
فصل رابع رافضی شیعہ کے عقائد میں سے اہم ترین عقیدہ امامت
پانچویں فصل قرآن کریم کے بارے میں امامی روافض شیعہ کا موقف
چھٹی فصل صحابہ کرام رضی اللہ عنہم کے بارے میں امامی روافض شیعہ کا موقف
ساتویں فصل نبی مکرمﷺ کی سنت واحادیث مبارکہ کے متعلق روافض کا موقف
آٹھویں فصل روافض شیعہ کے ہاں تقیہ کا حکم
نویں فصل امام مہدی  کے بارے میں شیعہ اور اہل السنہ کے نظریات میں بنیادی فرق
دسویں فصل روافض شیعہ کے نزدیک موت کے بعد واپس دنیا میں آنے کا عقیدہ
گیارہویں فصل روافض کا اللہ اور اس کے کسی حکم کے متعلق پہلے سے لاعلم ہونے کا عقیدہ
بارہویں فصل اہل بیت کے متعلق شیعہ روافض کا موقف
تیرہویں فصل اہل السنہ اور شیعہ روافض کے درمیان قربت کی راہ پیدا کرنے والا نقطہ نظر
مصادر و مراجع