قرآن وسنت چند مباحث

[عبد الرشید]

کتاب کا نام

قرآن وسنت چند مباحث جلد اول و دوم

مصنف کا نام

پروفیسر حافظ احمد یار

ناشر

شیخ زاید اسلامک سنٹر لاہور

تبصرہ

زیر نظر کتاب پروفیسر احمد یار مرحوم،سابق صدر شعبہ اسلامیات ،جامعہ پنجاب،لاہور کے چند علمی وتحقیقی مضامین کا مجموعہ ہے جس میں علوم القرآن،سیرت نبوی اور دیگر موضوعات پر بحث کی گئی ہے۔زیادہ تر مضامین کا تعلق قرآنی علوم سے ہے۔چنانچہ اس سے متعلق 9مضامین شامل کتاب ہیں جن میں انتہائی اہم مباحث پر روشنی ڈالی گئی ہے۔اس ضمن میں قرآن کریم کی ترتیب نزول،کتابت مصاحف اور علم رسم،رسم عثمانی،خط نسخ اور صلیبیوں اور صیہونیوں کی قرآن دشمنی جیسے عنوانات پر تحقیقی بحث کی گئی ہے۔اس کے علاوہ لغات واعراب قرآن اور تفسیر الجامع الازھر پر تبصرہ بھی شامل ہے۔اس کے بعد سیرۃ النبی پر تین تحریریں ہیں ان میں اخلاق نبوت سے اکتساب فیض کی شرط او ر علامت کا تذکرہ ہے،پھر عصر حاضر کے لیے سیرت کا پیغام اجاگر کیا گیا ہے اور تیسرے مضمون میں اسلام کے نظام عدل واحسان اور برائیوں کے انسداد پر روشنی ڈالی ہے۔آخر میں عشرگی اہمیت وافادیت پر بھی سیر حاصل بحث کی گئی ہے۔اس پہلو سے یہ کتاب بہت علمی نکات وفوائد کی حامل ہے،جس کا مطالعہ یقیناً اضافہ علم کا موجب ہو گا۔
اس کتاب قرآن وسنت چند مباحث جلد اول کو آن لائن پڑھنے یا ڈاؤن لوڈ کرنے کے لیے یہاں کلک کریں
اس کتاب قرآن وسنت چند مباحث جلد دوم کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[ناصر رانا]

جزاک اللہ خیرا
اللہ تعالیٰ آپ سے مزید دین کا کام لیں ،آمین
اور اجر عظیم سے نوازیں،آمین

 

[محمد ارسلان]

جزاک اللہ خیرا

 

[کلیم حیدر]

جزاک اللہ خیرا
اللہ تعالیٰ آپ سے مزید دین کا کام لیں ،آمین
اور اجر عظیم سے نوازیں،آمین

آمين ثم آمين يارب العالمين خلوص دل سے نکلی ہوئی دعا رد نہیں ہوا کرتی۔ان شاءاللہ آپ لوگوں کی دعاؤں اور تعاون سے یہ کام جاری وساری رہے گا۔