عبد الرشید
رکن ادارہ محدث
- شمولیت
- مارچ 02، 2011
- پیغامات
- 5,539
- ری ایکشن اسکور
- 9,997
- پوائنٹ
- 667
تبصرہ
مختلف ائمہ محدثین نے احادیث کے کئی مجموعے مرتب کئے اور پھر بعد میں اہل علم نے ان مجموعات کے اختصار اور شروح ،تحقیق و تخریج اور حواشی کا کام کیا۔ اور بعض محدثین نے احوال ظروف کے مطابق مختلف عناوین کے تحت احادیث کو جمع کیا۔ انہی عناوین میں سے ایک موضوع ’’احادیثِ احکام‘‘ کو جمع کرنا ہے۔ اس سلسلے میں امام عبد الحق اشبیلی رحمہ اللہ کی کتاب ’’احکام الکبریٰ‘‘امام عبد الغنی المقدسی رحمہ اللہ کی ’’عمدۃ الاحکام ‘‘علامہ ابن دقیق العید رحمہ اللہ کی ’’الالمام فی احادیث الاحکام ‘‘اور حافظ ابن احجر عسقلانی رحمہ اللہ کی ’’بلوغ المرام من الاحادیث الاحکام ‘‘ قابل ذکر ہیں ۔ زیر نظر کتاب ’’ لمعۃ الاسلام‘‘ حدیث کی معروف درسی و نصابی کتاب عمدۃ الاحکام کی اردو ترجمہ و تشریح پر مشتمل ہے ۔ ترجمہ و تشریح اور تخریج کی سعادت فضیلۃ الشیخ حافظ ثناء اللہ ضیاء حفظہ اللہ نے حاصل کی ہے۔ موصوف نے الفاظ کی لغوی تحقیق و تشریح اور فقہی احکام کو عام فہم انداز میں بیان کیا ہے۔ دو جلدوں پر مشتمل یہ کتاب طلباء کے لیے بیش قیمت تحفہ ہے ۔ (م۔ا)
