لوگوں کی اقسام

[سید طہ عارف]

کس انسان کا تعلق آپ سے خلوص پر مبنی ہے اس کا پتہ تب لگتا ہے جب آپ پر کوئی سختی کوئی آزمائش آتی ہے اور کون کتنا با اخلاق ہے اس کا پتہ اختلاف کے موقع پر ہوتا ہے

کچھ لوگ آپ سے محبت کے بلند دعوے کرتے ہیں اور پھر آزمائش کے موقع پر اپنے قول و عمل اور جان و مال سے اپنا اخلاص ثابت کرتے ہیں...

کچھ لوگ آپ کے محبت کرتے ہیں مگر وہ بعض مجبوریوں کے تحت آپ کی ویسی مدد نہیں کرسکتے جیسے پہلے درجہ والے کرتے ہیں مگر درد محسوس کرتے ہیں دعاوں میں ضرور یاد رکھتے ہیں اپنا حسن ظن قائم رکھتے ہیں اور آپ کی حد المقدور حفاظت کرتے ہیں

یہ دونوں حضرات قدر کے قابل ہیں ان کی قدر کی جائیے

جبکہ بعض لوگ آپ سے محبت کے ایسے دعوے کرتے ہیں جیسے ان سے بڑھ کر آپ کا مخلص کوئی نہیں اور جیسے آپ ان کے حقیقی بھائی حقیقی بیٹے حقیقی باپ کی جگہ ہیں مگر آزمائش کے موقع پر چھوڑ جاتے ہیں....ان سے بس سلام دعا رکھیے

مندرجہ بالا میں سے بعض ایسے ہوتے ہیں جو آپ پر آزمائش دیکھ کر آپ کی تباہی کے لیے مزید سعی کرتے ہیں (اور وجہ بعض دفعہ معمولی اختلاف بھی ہوتا ہے جس کی بنیاد پر دل میں بغض رکھ لیا جاتا ہے ).....ان سے دور رہئیے اور اللہ سے پناہ مانگیں...گوکہ جب انسان کا محب اس کو دھوکہ دیتا ہے اور اس وجہ سے فراق سہنا پڑے تو بہت تکلیف ہوتی ہے (بالخصوص جب آپ نے للہ محبت کی ہو) مگر جب اللہ نے آپ کو ان سے دور کردیا تو اللہ پر بھروسا کی جیے اور اس سے حسن ظن قائم رکھیے....

اللہ تعالی ہم سب کو مخلص لوگوں سے جوڑے...آمین

#منتشر_خیالات

 

[سید طہ عارف]

سید صاحب، سچی بات تو یہ ہے کہ ہمارا آخری سہارا اللہ اور اس کے نبی صلی اللہ علیہ وسلم ہیں۔ کوئی اور نہ مشکل میں ساتھ دے نہ دے اللہ تعالی اپنے خزانوں سے اسباب پیدا کرتا ہے اور آسانیاں تشکیل دیتا ہے۔
باقی رہی بات لوگوں کی تو ہر کسی کی بس کی بات نہیں ہوتی کہ وہ مشکل وقت میں آپ کا سایہ بنے ۔ دعا اور دلجوئی بھی حوصلہ بنتی ہے اور بعض اوقات تو اچھے الفاظ آپ کو مشکلات کا سامنا کرنے کے لیے تیار کردیتے ہیں ۔ایسے میں ایک مسکراہٹ آپ کو تازہ دم کردیتی ہے ۔
اللہ تعالی ہم کو نصیب کرے وہ لوگ جو ہم کو مشکل میں اپنے دامن میں سمیٹٹنا اور مسکرا کر ہمارا غم اپنانا کا فن جانتے ہوں جو ہمارے راز کو اپنے اوپر بھی حرام سمجھتے ہوں جو ہماری وقتی شکست کو ہماری اگلی فتح قرار دیتے ہوں۔ آمین یا رب لعلمین
منقول

 

[عمر السلفی۔]

*کچھ لوگ محسوس بھی نہیں ہونے دیتے کہ وہ خود کن حالات*
*سے گزر رہے ہیں۔* *آپ جب بھی ان کو پکارو گے، وہ آپ کے ساتھ آپ*
*کا سایا بن کر ساتھ رہیں گے۔ قدر کیجئے، ایسے مخلص لوگوں کی۔*
*ہر انسان کی قسمت میں ایسے لوگ نہیں ہوتے۔*