محترم شیخ ہاشم یزمانی صاحب کی تحریریں

[محمد عامر یونس]

بڑی ہی خوبصورت بات:

جدائی یہ نہیں کہ کسی کو موت آ جائے؛ کیونکہ تمام فوت شدہ لوگ قیامت کے دن بہرحال اکٹھے ہو ہی جائیں گے. اصل جدائی اور دوری تو یہ ہے کہ دوست احباب میں سے کچھ جنت میں ہوں تو کچھ جہنم میں!!

اے اللہ تعالی! ہمیں اپنے والدین، اہلِ خانہ، عزیز واقارب اور تمام احباب کے ساتھ جنت الفردوس میں جمع فرما!!

ھاشم یزمانی

 

[محمد عامر یونس]

ویسے سوچنے کی بات ہے کہ عید میلاد جیسا بڑا ایونٹ ہو، ہر سو چراغاں کیا جائے، جلوس نکلیں، بھنگڑوں کا اہتمام ہو، شیرینیاں بانٹی جائیں، ثواب سمجھ کر اور بہت کچھ کیا جائے، لیکن ان "نیک اعمال" کی خبر کسی بھی صحابی، تابعی، تبع تابعی یا امام کو نہ ہو؟ اور تو اور، خود نبی کریم صلی اللہ علیہ وسلم نے بھی اس بابت کچھ نہ بتایا ہو!!
کیا اُن ادوار میں اجتماع کرنے کے لیے لوگ دستیاب نہ تھے، کھانے پینے میں وہ لوگ شیرینی استعمال ہی نہ کیا کرتے تھے، چراغاں کرنے کے لیے اس وقت روشنی کا کوئی ذریعہ ہی دستیاب نہ تھا اور یا پھر انہیں خدانخواستہ نیکی کی ضرورت نہ تھی؟!
یہ "نیکی" کا کون سا کام ہے جو صرف بعد والوں پر ہی منکشف ہوا ہے؟؟
کیا ان میں کوئی بھی "رَجُلِ_رشید" نہیں ہے جو ان باتوں پر غور کرے؟!

ھاشم یزمانی

 

[محمد عامر یونس]

اسپائلر

مزید تصاویر دیکھنے کے لئے لنک پر کلک کریں​

#بدعت کبھی بانجھ نہیں ہوتی، بلکہ ہر گزرتے دن کے ساتھ یہ نئی نئی خرابیوں کو جنم دیتی ہے، اس کے متعدد ثبوت ملاحظہ فرمائیں.

بریلوی مکتب فکر سے تعلق رکھنے والے کچھ مفتی حضرات ایسے امور کی بظاہر حوصلہ شکنی کرتے نظر آئیں گے, لیکن سوال یہ ہے کہ #عید_میلاد کے ایسے جلوسوں کی قیادت بھی تو بریلویوں کے اپنے مولوی اور خطیب حضرات ہی کر رہے ہوتے ہیں، تو کیا مفتی منیب الرحمٰن اینڈ کمپنی اپنے ان مولویوں سے اظہار برات کر سکیں گے، کیا ان کی امامت وخطابت کے لائسنس کینسل کرنے کی ہمت کریں گے اور کیا اپنے عوام کو حقیقت بتا سکیں گے کہ یہ سب شعبدہ بازیاں ہیں ؟ یقیناً ایسا ممکن نہیں ہو گا کہ "دال روٹی" کا ذریعہ یہی خرافات ہی تو ہیں!!

دوسری بات یہ ہے کہ جب ایک بدعت کا ارتکاب ہوتا ہے تو اس سے بے شمار خرابیاں جنم لیتی ہیں کہ جن کا انسداد وہ لوگ ہرگز نہیں کر سکتے جو اس بنیادی بدعت کے مرتکب یا موجد ہوتے ہیں!! پہلے خرابی کی بنیادی جڑ سے جان چھڑانا ہوگی ورنہ اس طرح کے "نمونے" #نت_نئے_انداز میں نظر آئیں گے.

اللہ تعالی ہمارے حال پر رحم فرمائے اور دین کے نام پر ایسی خرافات سے ہمیں محفوظ رکھے!!

ھاشم یزمانی

 

[محمد عامر یونس]

مرد وزن کا اختلاط، بےپردگی اور بناؤ سنگھار ہی #عید_میلاد کے ناجائز ہونےکے لیے کافی ہے. مفتی منیب الرحمن اور مفتی اشرف جلالی جیسے لوگ اپنے تئیں ان خرافات سے اس "عید" کو پاک کرنے کی کوشش کر رہے ہیں تو اس کا مقصد صرف یہ ہے کہ ان پر اعتراضات کی بھرمار کم ہو!!

ھاشم یزمانی