مسئلہ رویت ہلال سے متعلق محدث العصر شیخ ناصر الدین البانی رحمہ اللہ کا فیصلہ

[محمد وقاص گل]

محترم وقاص بھائی میں معذرت چاہتا ہوں کہ آپ کو انتظار کرنے کی تکلیف دے رہا ہوں مگر کیا کروں آج کل میری مصروفیات کچھ ایسی ہیں کہ میں فورم اور مطالعہ کیلئے زیادہ ٹائم نہیں نکال پا رہا۔ دراصل کچھ کاروباری مصروفیات ہیں اور پھر میں اس ماہ کے آخر میں حج کو بھی جا رہا ہوں ان شاء اللہ۔ اسلئے آپ سے گزارش ہے کہ تھوڑا انتظار کر لیجئے میں کچھ نہ کچھ وضاحت ضرور کر کے جاوں گا ان شاء اللہ۔۔۔
شکریہ۔۔۔

معذرت کی کوئی بات نہیں بھائی۔۔۔۔
میرے ساتھ بھی کچھ ایسا معاملہ ہے میں بھی فورم کو ٹائم نہیں دے پا رہا۔۔۔
ماشاءاللہ بہت خوب جی اللہ تعالیٰ آپ کیلئے آسانی فرمائیں ۔۔ اور اگر نام لے کر دعا نہ کی تو بڑی بے انصافی ہو گی۔ کیونکہ میرا بھی مکہ میں داخلہ ہوا ہے آپ نے دعا کرنی ہے اللہ تمام مراحل کو باآسانی تکمیل تک پہنچائیں،،،
جی ان شاءاللہ انتظار رہے گا آسانی لگے تو کر جائیے گا وگرنہ ہم ادھر ہی ہیں۔


ویسے جانا کب ہے آپ نے

 

[عبدالرحمن لاہوری]

معذرت کی کوئی بات نہیں بھائی۔۔۔۔
میرے ساتھ بھی کچھ ایسا معاملہ ہے میں بھی فورم کو ٹائم نہیں دے پا رہا۔۔۔
ماشاءاللہ بہت خوب جی اللہ تعالیٰ آپ کیلئے آسانی فرمائیں ۔۔ اور اگر نام لے کر دعا نہ کی تو بڑی بے انصافی ہو گی۔ کیونکہ میرا بھی مکہ میں داخلہ ہوا ہے آپ نے دعا کرنی ہے اللہ تمام مراحل کو باآسانی تکمیل تک پہنچائیں،،،
جی ان شاءاللہ انتظار رہے گا آسانی لگے تو کر جائیے گا وگرنہ ہم ادھر ہی ہیں۔


ویسے جانا کب ہے آپ نے

میری ۲۶ ستمبر کی فلائٹ ہے۔۔۔ ان شاء اللہ۔۔۔
ان شاء اللہ العزیز آپ کو اور تمام احباب کو دعاوں میں یاد رکھوں گا۔۔۔ لیکن پھر بھی آپ سے گزارش ہے کہ یاد دھانی کیلئے ۲۶ تاریخ کے قریب قریب مجھے ذاتی پیغام بھیج کے یاد کروا دیجئے گا۔۔۔ ان شاء اللہ مجھے پیغام پڑھنے کے بعد یاد رہے گا۔۔۔

 

[محمد وقاص گل]

ان شاء اللہ ضرور۔۔۔۔۔۔۔۔۔

 

[بہرام]

السلام علیکم ورحمۃ اللہ
مسئلہ رویت ہلال پر احباب نے خوب بحث کی ہے ذرا اس باب میں محدث العصر شیخ ناصر الدین البانی رحمہ اللہ کی رائے بھی جان لیتے ہیں:

​

picture share​

ترجمہ:

سوال: کیا افریقہ میں رہنے والے ایشیاء میں رہنے والوں کی رویت کے مطابق روزہ رکھ سکتے ہیں، یا پھر اسی طرح (ایک علاقے کے لوگ دوسرے علاقے کی رویت پر اعتبار کر سکتے ہیں)؟

جواب: اس مسئلہ میں اصل نبی علیہ السلام کا قول:" صوموا لرؤيته وأفطروا لرؤيته" "اْس (چاند) کی رویت پر تم لوگ روزہ رکھو اور اس کی رویت پر إفطار کرو (عید الفطر کرو)"
یہ خطاب پوری امت سے خطاب ہے ، جو مشرق میں رہتے ہیں وہ بھی اور جو مغرب میں رہتے ہیں وہ بھی مخاطب ہیں لیکن اس امر کی تطبیق اْس دن (نبی علیہ السلام کے وقت میں) اس قدر آسان نہ تھی جس قدر آج ہے۔
نبی علیہ السلام نے مختلف علاقوں کا ذکر نہیں کیا (یعنی یہ نہیں فرمایا کہ تمام علاقوں والے اپنی اپنی رویت کے مطابق روزہ اور عید کریں) جس طرح کہ بعض علماء اس موقف کی طرف گیے ہیں کہ ہر علاقے کی اس کی اپنی رویت ہے، پس یہ بات انہوں نے اپنے اجتہاد سے کہی تھی کیونکہ وہ اپنے دور میں نبی علیہ السلام کے اس فیصلے کو عام طور پر (تمام عالم اسلام میں) نافذ کرنے سے عاجز تھے۔
جہاں تک ہمارے دور کا تعلق ہے تو آج پوری دنیا میں ایک ہی وقت میں رویت ہلال کا اثبات ممکن ہے (یعنی رویت کی اطلاع دنیا بھر میں فورا فورا پہنچانا ممکن ہے) پس دنیا کے جس کسی علاقے میں بھی رویت ثابت ہو جائے تو جس کسی کو رویت کی اطلاع مل جائے اس پر واجب ہے کہ وہ روزہ رکھے۔یہ (توحید رویت) ان کیلئے تفریق اور افراط وتفریط میں مبتلا ہونے سے زیادہ بہتر ہے۔
البتہ آج کے دور میں یہ معاملہ اسلامی حکومتوں سے متعلق ہے، پس ان پر لازم ہے کہ وہ توحید صوم کو عمل میں لائیں یہاں تک کہ اہل اسلام اس افراط و تفریط سے نجات حاصل کرلیں۔

فتاوى المدينة: 127

وعلیکم والسلام ورحمتہ وبرکاتہ

رویت ہلال کے بارے میں البانی صاحب کے اس فتوے کو پڑھ کر ایک بات ذہین میں آئی کہ جس طرح آج پوری دنیا میں ایک ہی وقت میں رویت ہلال کا اثبات ممکن ہے ایسی طرح وقت سحر وافطار اور نمازوں کے اوقات کا اثبات بھی ممکن ہے تو کیا اسلامی حکومتوں پر جس طرح توحید صوم کو عمل میں لانا ضروری ہے تو کیا توحید سحر وافطار اور صلاۃ کو بھی عمل میں لانا ضروری ہوگا
اگر اس طرح کا کوئی فتوہ البانی صاحب یا کسی اور صاحب کا ہو تو رہنمائی فرمائیں شکریہ

 

[کنعان]

السلام علیکم

اس کا تحقیقی جواب بھی ھے میرے پاس مگر دیکھنا یہ ھے کہ جو یہ فتوٰی لایا ھے اسے یا جو البانی کو پڑھنے والے یہاں بہت ہیں وہ اس پر ان کی کیا تحقیق پیش کرتے ہیں اگر انہوں نے کی ہوئی تو ورنہ فتوی منہ زبانی نہیں دیا جاتا اس پر کوئی دلیل بھی ہوتی ھے، کوئی بھی چیز گوگل میں سرچ کر کے لگا دی مگر تحقیق سے ثابت نہیں کر پاتے، یہاں پی ایچ ڈی بھی ہیں ان کے فالوور دیکھتے ہیں وہ اس پر اپنے علم سے کیا جواب سامنے لاتے ہیں۔

والسلام