مسجد حرام میں حادثہ

[کنعان]

ٹاور کرین حادثہ کی تمام تصاویر سپوئلر میں دیکھیں، انسانی جانی نقصان والی تصاویر نہیں لگائیں۔

اسپائلر: ٹاور کرین حادثہ کی تصاویر

ٹاور کرین گرنے سے پہلے طوفان کی ویڈیو دیکھیں۔

سی سی ٹی وی فوٹیج سے ٹاور کرین گرتی ہوئی دیکھی جا سکتی ھے۔

​

​

 

[محمد عامر یونس]

انا للہ وانا الیہ راجعون!!!
اللہ تعالی فوت ہونے والے مسلمین کی مغفرت کرے اور ان کے درجات بلند کرے۔ اور ان کو جنت الفردوس عطا فرمائے - آمین!!

 

[محمد عامر یونس]

مکہ مکرمہ کے حادثے میں زخمی ہونے والوں کیلئے خون کی اشد ضرورت کے اعلانات سوشل میڈیا میں پهیلنے کے بعد مکہ مکرمہ کے ہسپتالوں میں سعودی نوجوان قطار لگاکر خون عطیہ کرنے کے انتظار میں کهڑے ہیں.

 

[محمد عامر یونس]

​

 

[محمد عامر یونس]

حرم شریف میں کرین گرنے سے 107 عازمین شہید، 200 سے زائد زخمی

ویب ڈیسک جمعـء 11 ستمبر 2015

حادثہ مکہ معظمہ میں ہونے والی طوفانی بارش کے باعث پیش آیا، عرب میڈیا

مکتہ المکرمہ: حرم شریف میں تعمیراتی کام کے دوران کرین گرنے سے 107 عازمین حج شہید جب کہ 200 سے زائد زخمی ہوگئے جس میں 14پاکستانی عازمین بھی شامل ہیں۔

عرب میڈیا کے مطابق حرم شریف میں تعمیراتی کام کے دوران کرین گرنے سے 107 عازمین شہید اور 200 سے زائد زخمی ہوگئے جس میں 14 پاکستانی بھی شامل ہیں۔ خبر ایجنسی کے مطابق حادثہ مکہ مکرمہ میں طوفانی بارش کے باعث پیش آیا، حرم شریف میں نماز مغرب کے اوقات میں طوفانی بارش جاری تھی کہ اس دوران تعمیراتی کام کے دوران کرین گر گئی، حادثے کے بعد فوری طور پر امدادی کارروائیاں شروع کردی گئیں اور زخمیوں کو فوری طبی امداد کے لیے اسپتال منتقل کیا گیا۔

عرب میڈیا کے مطابق مکہ کے تمام اسپتالوں میں ایمرجنسی نافذ کردی گئی ہے جب کہ بیشتر زخمیوں کی حالت تشویشناک ہے جس کے باعث شہادتوں میں اضافے کا خدشہ ہے۔ میڈیا رپورٹس کے مطابق حادثہ صحن حرم میں صفا کے باہر کے حصے میں پیش آیا اور اس دوران آسمانی بجلی بھی گری جب کہ حادثے کے وقت خانہ کعبہ میں 30 ہزار عازمین موجود تھے۔

دوسری جانب وزیراعظم نوازشریف نے کرین حادثے پر افسوس کا اظہار کرتے ہوئے شہید افراد کے بلند درجات کے لیے دعا کی ہے جب کہ وزیراعظم نے سعودی عرب میں تعینات پاکستانی سفیر کو زخمیوں کی عیادت کرنے کی بھی ہدایت کی ہے۔

ادھر وزارت مذہبی امور کے ترجمان کا کہنا ہے کہ حادثے کے بعد سعودی عرب کے حج مشن سے مسلسل رابطے میں ہیں۔ ترجمان کے مطابق وزرات میں ہنگامی کال سینٹر قائم کردیا گیا ہے جس کے ذریعے معلومات کے لیے 8001166622 اور 042111725425 پر رابطہ کیا جاسکتا ہے تاہم مکہ مکرمہ میں خراب موسم کے باعث موصلاتی رابطوں میں تعطل ہے۔

 

[محمد عامر یونس]

مشاري راشد العفاسيVerified account‏@mishari_alafasy

اللهم ارحم موتى البيت الحرام واشف جميع الجرحى والمصابين والحمدلله على كل حال

View translation

 

[salfisalfi123456]

آمین

 

[محمد فیض الابرار]

تخریب کاری کا عنصر بھی ذہن میں رکھا جائے

 

[کنعان]

السلام علیکم

فیض بھائی آپ جو فرما رہے ہیں شائد یہ بھی درست ہو۔

پہلے یہ بات ذہن میں رکھیں کہ یہ کرین نہیں ٹاور کرین ھے، اس کے گرنے کی وجہ اندھی اور طوفان نہیں کیونکہ وہاں ایسی بیسیوں ٹاور کرین لگی ہوئی دیکھی جا سکتی ہیں، ویڈیو کلپس سے بھی دیکھیں تو یہ ٹاور کرین ٹوٹی نہیں بلکہ فاؤنڈیشن سے اکھڑی ھے، اس کی فاؤنڈیشن اس کے لوڈ اور گریویٹی کے مطابق ناقص ہونے کی وجہ سے ایسا ہوا ھے، جس پر کنسلٹنگ انجینئرز قصور وار ہونگے جنہوں نے اسے پاس کیا اور دوسرے نمبر پر کنٹریکٹنگ انجینئرز۔

کمپنی بن لادن ھے، تخریب کاری بھی ہو سکتی ہے اگر ایسا ھے تو جو بھی ہوا اس پر بہت افسوس ھے۔

والسلام

 

[محمد علی جواد]

بہت ہی افسوس ناک واقعہ ہے -
الله رب العزت سے دعا ہے کہ اس حادثے میں شہید ہونے والے مسلمانوں کو بغیرحساب کے جنّت الفردوس میں داخل کرے اور ان کے پسماندگان کو صبرجمیل عطا کرے (آمین)-