مسلمان کیلئے نصاریٰ کا شعار اپنانا

[رانا ابوبکر]

السلام عليكم ورحمة الله وبركاته

ہمارا اس مسلمان کے بارے میں اختلاف ہوگیا جو عیسائی کا مذہبی نشان صلیب پہنتا ہے۔ ہم میں سے کچھ نے کہا''ہم اس سے بحث کئے بغیر اسے کافر قرار دیتے ہیں '' بعض نے کہا''بلکہ ہم اس سے بحث کریں گے اور اسے بتائیں گے کہ یہ عیسائیوں کا مذہبی نشان ہے۔ پھر بھی اگر وہ صلیب پہننے پر اصرار کرے گا تو ہماسے کافر قرار دیں گے۔ ''

 

[رانا ابوبکر]

جواب

 

[حافظ عمران الہی]

السلام عليكم ورحمة الله وبركاته

واضح رہے کہ غیر مسلموں کی مشابہت اختیار کرنا' ان کی نقالی کرنا گناہ اور مسلمان کی شان کے خلاف ہے' پھر خصوصاً کفار کے مذہبی شعار میں ان کی مشابہت اختیار کرنا یا ان کا کردار ادا کرنا اور اس نوعیت کے دوسرے ایسے امور (جن کی سرحدیں کفر سے ملتی ہیں) کا مرتکب ہونا ضلالت اور کفر کا باعث ہے۔
حدیث مبارکہ میں ہے ' حضور ا نے ارشاد فرمایا:
"جوشخص کسی قوم کی مشابہت اختیار کرتا ہے (وہ کل قیامت کے دن) انہیں میں سے ہوگا"۔ (مشکوٰة:۳۷۵)
امت مسلمہ کا قرناً بعد قرن اس بات پر اتفاق رہا ہے کہ باری تعالی کے علاوہ ایسی چیزوں کی عبادت' پرستش اور ان کوسجدہ کرنا(چاہئے تعظیماً کیوں نہ ہو) جو کفار کے شعار اور خاص کفر کی علامات ہیں' جیسے بت' چاند' سورج اور صلیب وغیرہ باجماعِ امت کفر وشرک ہے' اس کا کرنے والا کافر ومرتد ہے' اگرچہ اس کا مرتکب عبادت کی نیت نہ رکھتا ہو' کیونکہ شریعت کامدار ظاہر عمل پر ہے۔ البتہ ممکن ہے کہ عند اللہ سبحانہ تعالی وہ شخص مومن ہو' مگر دنیوی احکام کے لحاظ سے اس کا مرتکب کافر شمار ہوگا'