مسلمان کے چھ فرائض

[ماریہ انعام]

سلسلہ آدابِ اسلامی​

حدیث نمبر 1

پہلی حدیث پیشِ خدمت ہے۔

عَنْ أَبِي هُرَيْرَةَ - رضي الله عنه - قَالَ رَسُولُ اللَّهِ - صلى الله عليه وسلم: «حَقُّ الْمُسْلِمِ عَلَى الْمُسْلِمِ سِتٌّ: إِذَا لَقِيتَهُ فَسَلِّمْ عَلَيْهِ, وَإِذَا دَعَاكَ فَأَجِبْهُ, وَإِذَا اسْتَنْصَحَكَ فَانْصَحْهُ, وَإِذَا عَطَسَ فَحَمِدَ اللَّهَ فَشمِّتْهُ (1) وَإِذَا مَرِضَ فَعُدْهُ, وَإِذَا مَاتَ فَاتْبَعْهُ». رَوَاهُ مُسْلِمٌ. (2)
ترجمه:ابو ہریرہ سے روایت ہےکہ رسول اللہ ﷺ نے فرمایا مسلمان کے مسلمان پر چھ حق ہیں
جب تو اس سے ملے تو سلام کہہ
جب وہ تجھے بلائے تو اس کے پاس جا
جب تجھ سے خیر خواہی طلب کرے تو اس کی خیر خواہی کر
جب اسے چھینک آئے اور وہ اللہ کی حمد کرے تو اسے یرحمک اللہ کہہ
جب وہ بیمار ہو تو اس کی عیادت کر
اور جب فوت ہو تو اس کے جنازے کے پیچھے جا
(اسے مسلم نے روایت کیا)

 

[Dua]

عمدہ سلسلہ ہے۔ماشاء اللہ
جاری رکھنے کی تجویز ہے!

 

[محمد شاہد]

ﻋﻤﺪﮦ ﺳﻠﺴﻠﮧ ﮨﮯ۔ﻣﺎﺷﺎﺀ ﺍﻟﻠﮧ
اس سے کافی فائدہ ہوگا ان شاءاللہ

 

[ماریہ انعام]

اس حدیث پر غور کریں تو یہ نکتہ سمجھ آتا ہے کہ اپنے حقوق کا مطالبہ کرنے سے پہلے فرائض کی فکر کی جائے تو حقوق خود بخود مل جاتے ہیں ۔۔۔آپﷺ نے یہاں ایک مسلمان کے دوسرے مسلمان پر حقوق بیان فرمائے ہیں ۔۔۔۔ایک کے حقوق دوسرے کے فرائض ہیں ۔۔۔۔ مسلمانوں کو تاکید کی گئی ہے کہ اپنے اوپر واجب کردہ دوسرے مسلمان کے حقوق ادا کریں۔۔۔ہر شخص اپنے اپنے فرائض کی فکر کرتا رہے تو دوسرے کو حقوق خود بخود ملتے جائیں گے۔

 

[ماریہ انعام]

اس حدیث کی روشنی میں اگر نام نہاد حقوقِ نسواں کی تحریکوں کا جائزہ لیا جائے تو یہ اپنی موت آپ مر جاتی ہیں ۔۔۔۔اسلام کے عمومی مزاج کو دیکھا جائے تو یہ بات روزِ روشن کی طرح عیاں ہے کہ اپنے فرائض کی فکر چھوڑ کر حقوق کے مطالبے کا اسلام میں کوئی تصّور نہیں۔۔۔۔

 

[ماریہ انعام]

ہمارے ہاں یہ عام طریقہ رائج ہے کہ شوہر اپنے حقوق بیان کرتے رہتے ہیں جبکہ بیویاں اپنے حقوق کے رونے روتی ہیں۔۔۔
آئیے اس تھریڈ سے اس کلچر کو بدلتے ہیں۔۔۔۔
بیویاں اپنے فرائض بیان کریں گی اور شوہر اپنے۔۔
دیکھیں کون ابتداء کرتا ہے

 

[انس]

جزاکِ اللہ خیرا! بہت ہی عمدہ سلسلہ ہے۔ ہم سب کو اس کی اَشد ضرورت ہے۔

ان اسلامی آداب پر کما حقہ عمل کیا جائے تو گھر، خاندان، معاشرہ، ملک اور پوری دُنیا سنور جائے گی۔ بچوں کو ابتدا سے ہی یہ آداب سکھا دیئے جائیں تو معاشرے میں انقلاب بپا ہو جائے۔

ہمارے ایک محترم استاد تھے جو حدیث شریف پڑھایا کرتے تھے۔ وہ طلبہ کو جب کوئی حدیث مبارکہ پڑھاتے تو فرماتے کہ اسے یاد کر لو، جس سے ان کی مراد ’عمل کرنا‘ ہوتی تھی۔ بعد میں جب کسی کو دیکھتے کہ وہ اس حدیث مبارکہ کی خلاف ورزی کر رہا ہے (مثلاً کسی کو جھوٹ بولتے دیکھتے یا کوئی اور کوتاہی محسوس کرتے) تو بڑی شفقت سے فرماتے۔ ’’بیٹا! آپ نے سبق یاد نہیں کیا۔‘‘

آئیے! میں اور آپ اس حدیث مبارکہ کو ’یاد‘ کرتے ہیں:

ہر ایک کو سلام کریں، ملتے وقت بھی، جدا ہوتے وقت بھی، خواہ ہم اسے جانتے ہوں یا نہیں! صرف جان پہچان والے کو سلام کرنا، دوسروں کو نہ کرنا قیامت کی نشانیوں میں سے ہے۔

کوئی بھائی چھینک مارے اور الحمد للہ کہے تو اسے جواب دیں: يرحمک اللہ

کوئی دعوت دے تو دعوت قبول کریں، خیرخواہی طلب كرے تو اس کی خیر خواہی کریں، مریض ہو تو عیادت کریں، فوت ہوجائے تو جنازہ کیلئے جائیں۔

اللهم وفقنا لما تحبه وترضاه

 

[قاری مصطفی راسخ]

ما شاء اللہ بہت ہی عمدہ سلسلہ ہے ،اورمفادات سے بھرپور معاشرے میں اس کی اشد ضرورت بھی ہے۔
اعلی اخلاق تو ہر مومن کا زیور ہے،نبی کریم اخلاق عالیہ کے بلند ترین مقام پر فائز تھے۔اور حدیث مبارکہ کے مطابق آپ کی بعثت کا مقصد اعلی اخلاقیات کا فروغ تھا۔
اللہ تعالی ہم سب کو بلند اخلاق اور اعلی صفات سے مزین فرمائے۔آمین

 

[ماریہ انعام]

بیوی کے اوپر شوہر کی طرف سے پہلا اوربنیادی فرض جو عائد ہوتا ہے وہ اطاعت وفرمانبرداری کا ہے ۔۔۔۔اور یہ ایسا فرض ہے کہ ہاتھی کے پاؤں میں سب کا پاؤں کے مصداق دیگر تمام فرائض اس کے ذیل میں آ جاتے ہیں۔۔۔قرآن نے صالحۃ عورت کی جو خوبیاں بیان کی ہیں پہلی یہی ہے

فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّہ

ایمان کے بعد مسلم صالحۃ عورت کی نشانی اطاعت ہی ہے
مسلمات مومنات قانتات تائبات۔۔۔۔۔
چنانچہ ثابت ہوا کہ مسلم خاتون کا ایمان لانے کے بعد فرضِ اوّلین خاوند کی اطاعت ہے۔۔۔
مجھے یاد ہے کہ کراچی کے دینی حلقوں میں اس بحث کا آغاز ہوا تھا کہ عورت گھریلو ذمہ داریوں کا بوجھ اٹھانے کی پابند نہیں ہے۔۔۔کیونکہ شریعت نے اس کو اس بوجھ کا مکّلف نہیں ٹہرایا۔۔۔۔مجھے ان کی اس دلیل پر ہنسی آتی تھی ۔۔۔۔اللہ کے بندو!! اللہ نے خاوند کی اطاعت عورت پر فرض کر دی ۔۔۔اب جب تک اس کی بات شریعت کے کسی حکم سے نہیں ٹکراتی عورت اس کی بات ماننے کی پابند ہے۔۔۔

 

[ماریہ انعام]

ہم لوگ حقوق اللہ کے سلسلے میں کوئی نیکی کر کے اس کا معاملہ اللہ کے سپرد کر سکتے ہیں لیکن حقوق العباد کے حوالے کے کو ئی اچھا کام کر کے اسے دریا میں ڈالنے پر تیار نہیں ہوتے۔۔۔۔جب تک دوگنی جوابی کاروائی متعلقہ بندے کی طرف سے ہمیں موصول نہ ہو ہمیں یہی لگتا رہتا ہے کہ ہماری نیکی تو کھوہ کھاتے میں چلی گئی۔۔۔۔یہی نہیں بلکہ آئندہ کے لیے ایسی کسی بھی غلطی سے توبہ کر لی جاتی ہے ۔۔۔
حقوق اللہ کے مقابلے میں حقوق العباد کی ادائیگی کہیں زیادہ مشکل ہے اور اگر محنت کر کےہم اپنے آپ کو اس نیکی کے لیے تیار کر بھی لیں تو ایسی نیت یا ایسی سوچ کی وجہ سے ہم اس کے اجر سے ہاتھ دھو بیٹھتے ہیں۔۔۔مجھے یہ تسلیم کرنے میں کوئی عار نہیں کہ شیطان کے اس دھوکے میں ملوّث ہونے واکی اکثریت خواتین کی ہوتی ہے۔۔۔ظاہری طور پر ہم ایک عمل اللہ کے لیے کر رہے ہوتے ہیں لیکن کہیں اندر دل کے نہاں خانوں میں ہم اس کے اجر کی توقع انسانوں سے لگا بیٹھتے ہیں ۔۔۔
مجھے اس بات سے بہت خوف آتا ہے کہ اس کی وجہ سے ہم اپنی آخرت کی راہ نہ کہیں کھوٹی کر لیں۔
آیت ملاحظہ کریں
مَّن كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاءُ لِمَن نُّرِيدُ ثُمَّ جَعَلْنَا لَهُ جَهَنَّمَ يَصْلَاهَا مَذْمُومًا مَّدْحُورًا ﴿١٨﴾ وَمَنْ أَرَادَ الْآخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُولَـٰئِكَ كَانَ سَعْيُهُم مَّشْكُورًا ﴿١٩﴾
ترجمہ:جو کوئی عاجلہ کا خواہشمند ہو، اسے یہیں ہم دے دیتے ہیں جو کچھ بھی جسے دینا چاہیں، پھر اس کے مقسوم میں جہنم لکھ دیتے ہیں جسے وہ تاپے گا ملامت زدہ اور رحمت سے محروم ہو کراور جو کوئی آخرت کا ارادہ کرے اس کے لیے کوشش کرے اور وہ مومن بھی ہو تو یہی لوگ ہیں جن کی سعی کی قدر دانی کی جائے گی
ذرا آیت کے ترجمے پر غور کیجیے دو مقامات محلّ نظر ہیں
جس کے لیے چاہیں
جتنا چاہیں
گویا جو دنیا میں اجر کا طالب ہے لازم نہیں کہ اسے اس کا مطلوب بھی مرضی کا ملے گا ۔۔۔اس میں کئی احتمالات ہیں آیت بتاتی ہے کہ اللہ جس کیلئے چاہے جتنا چاہے اتنا اس کو ملتا ہے۔ جبکہ نیت خالص ہو اور محنت بھی کرے تو آخرت کا اجر لازمی ملے گا۔
لہٰذا اسلامی آداب پر عمل کرنے سے پہلے ضروری ہے کہ ہم اپنی نیت کی اصلاح کر لیں۔ ایسا نہ ہو کہ بہت محنت سے کیا ہوا عمل نہ ہمیں دنیا میں کوئی فائدہ دے نہ آخرت میں!
عاملة ناصبة تصلى نارا حامية