مشہور اصطلاح ناصبی تعریف اور تاریخی پس منظر

[محمد فیض الابرار]

مشہور اصطلاح ناصبی کا تعارف اور تاریخی پس منظر
معروف یہ ہے کہ آل بیت کے دشمنوں کے لیے استعمال کیا جاتا ہے
تاہم جس طرح شرک، تکفیر اور بدعات کی اصطلاحات ہمارے معاشرے میں استعمال کی جاتی ہیں اسی طرح لفط ناصبی کا بے محابا استعمال بھی عام ہے
ضرورت ہے کہ اس لفظ کو سمجھا جائے اور اس کا استعمال بھی

 

[محمد فیض الابرار]

لفظ ناصبی کی اصل کے حوالے سے بات کی جائے تو یہ ایک ایسی اصطلاح ہے جس کی اصل نہ تو قرآن مجید میں ہے اور ہی فرامین رسالت سے اس کی کوئی بنیاد پائی جاتی ہے بلکہ صحابہ کرام میں سے بھی کسی سے یہ اصطلاح منسوب نہیں اور یہ امر واضح ہے کہ فتنوں کی ابتدا سید نا عثمان رضی اللہ عنہ کی خلافت کے دوسرے دور سے ہو چکی تھی اور پہلی صدی ہجری میں اس کے بعد بہت سے فتنے بالخصوص اہل عراق اور اہل شام کے مابین اختلافات صحابہ کرام رضوان اللہ علہیم اجمعین کے سامنے آئے لیکن کسی نے یہ اصطلاح استعمال نہیں کی
البتہ اس اصطلاح کا سب سے قدیم استعمال بعض شیعہ رواۃ کی گفتگو یا منسوب مرویات میں ملتا ہے (جیسا کہ اس کا تفصیلی ذکر آگے کیا جائے گا)
یہ کوئی سید حمیری ہے (ایک رافضی شاعر صحابہ کرام کو سب و شتم کیا کرتا تھا اور امہات المومنین پر الزام تراشیاں اور عباسی خلفا کی مدح سرائی کیا کرتا تھا 173 ھجری میں فوت ہوا) (المنتطم ابن الجوزی 9:39، سیر اعلام لنبلا ذہبی 8:44 وغیرہم ) جس کے ابیات میں یہ لفظ اس مفہوم میں استعمال ہوا
وما یجحد ما قد قلت فی السبطین انسان
و ان انکر ذوالنصب فعندی فیہ برھان ( الغدیر 2:158)
یعنی اس اصطلاح کی ولادت دوسری صدی ھجری کے اآخر میں ہوئی اور یہ اصطلاح عالم شیعیت میں ہی متداول رہی تاوقتیکہ امام علی بن المدینی رحمہ اللہ جو 234 ھجری میں فوت ہوتے ہیں ان کا ایک قول ملتا ہے: من قال فلان مشبہ علمنا انہ جھمی و من قال فلان مجبر علمنا انہ قدری ومن قال فلان ناصبی علمنا انہ رافضی (شرح اصول اعتقاد اہل السنۃ و الجماعۃ ، 1:147 اور اسی معنی میں امام ابو زرعہ اور ابو حاتم سے بھی اسی کتاب میں یہ قول ملتا ہے اور امام البربھاری نے بھی شرح السنۃ صفحہ 52 میں نقل کیا اور اس کی تفصیل لسان المیزان جلد5 صفحہ 268 میں مل سکتی ہے)
اور اس کے بعد امام الذھلی جو کہ 258 ھجری میں فوت ہوئے اور امام ابو زرعہ الرازی جو 264 ھجری میں فوت ہوئے ، نے اس کا ایک اور مفہوم میں استعمال کیا لکھتے ہیں: لا تسالوہ (یعنی امام البخاری) عن شئی من الکلام فانہ ان اجاب بخلاف ما نحن علیہ وقع بیننا و بینہ و شمت بنا کل ناصبی و رافضی (مقدمہ فتح الباری 1:490)
اور امام ابو زرعہ لکھتے ہیں: اذا رایت الکوفی یطعن علی سفیان الثوری و زائدۃ فلا تشک انہ رافضی واذا رایت الشامی یطعن علی مکحول و الاوزاعی فلا تشک انہ ناصبی (طبقات الحنابلہ 1:200)
پھر امام الخطیب البغدادی رحمہ اللہ ایک مقام پر لکھتے ہیں: لو اخذت معاویہ علی کتفک لقال الناس رافضی و ولو اخذت علیا علی کتفی لقال الناس ناصبی (تاریخ بغداد 2:232)
تو ان اقوال سے جو امور سامنے اآتے ہیں وہ اختصار کے ساتھ درج کیے جا رہے ہیں
1) اگر ان اقوال کے قائلین کی طرف سے دیکھا جائے یعنی جغرافیائی تجزیہ کیا جائے تو معلوم ہوتا ہے کہ اس اصطلاح کا مولد عراق ہے
2) اس کے ایک سے زائداطلاقات ملتے ہیں جس میں خطیب بغدادی کا قول موجودہ استعمال سے قریب ترین ہے
3) اہل حق کی مخالفت کے لیے یہ قول استعمال کیا گیا
جاری ہے ۔۔۔۔۔۔۔۔۔

 

[محمد فیض الابرار]

ناصبی جس کی جمع نواصب ہے اور اس کے لیے ناصبہ اور ناصبیہ بھی استعمال کیا جاتا ہے (القاموس المحیط ص177) (فتح الباری 7:437)
اس کی اصطلاحی تعریفات ایک سے زائد ہیں جن میں سے معروف درج ذیل ہیں
1- زمخشری لکھتے ہیں: بغض علی و عداوتہ (الکشاف 4:777) (روح المعانی 30:172)
2- ابن حجر العسقلانی لکھتے ہیں: بغض علی و تقدیم غیرہ علیہ (ھدی الساری ص 459)
3- سیرت نگار ابن اسید الناس لکھتے ہیں: النواصب قوم یتدینون ببغضۃ علی (المحکم والمحیط الاعظم 8:345) اور اس قول کو معروف لغوی ابن منظور اور فیروزاآبادی نےبھی اختیار کیا ہے
4- شیخ الاسلام ابن تیمیہ رحمہ اللہ لکھتے ہیں : النواصب : الذین یوذون اہل البیت بقول و عمل (مجموع الفتاوی 3:154)

 

[عمران ناصر]

https://fbstatic-a.akamaihd.net/rsrc.php/v2/y4/r/-PAXP-deijE.gif

 

[محمد فیض الابرار]

ابتدائی ادوار میں اس اصطلاح کا استعمال اہل سنت کی طرف سے اتنا زیادہ نہیں ملتا لیکن ایک بات اہم ہے اس کے لغوی اور متداول بربنائے شیعہ اصطلاحی مفہوم زیادہ مشہور ہوا اور یہی وجہ ہے کہ اس کا استعمال صرف سید نا علی اور ان کی اولاد میں سے صرف سید ناحسین رضی اللہ عنہ کے ساتھ زیادہ مشہور ہو گیا اور پھر بعد میں اس میں عموم بھی داخل ہو گیا جیسا کہ ابن تیمیہ رحمہ اللہ نے اس کی تعریف میں بیان کیا
خلاصۃ یہ کہا جا سکتا ہے کہ یہ اصطلاح پہلے مرحلے میں صرف سیدنا علی رضی اللہ عنہ کے ساتھ خاص تھی جس میں آپ رضی اللہ عنہ کے ساتھ بغض صریح یا غیر صریح کیا جائے اور ان لوگوں میں سرفہرست خوارج تھے جو کہ شیعان علی میں ہی شمار ہوتے تھے اور واقعہ تحکیم کے بعد آپ رضی اللہ عنہ کی مخالفت پر اتر آئے (مجموع الفتاوی ابن تیمیہ رحمہ اللہ 3:154)
اب جہاں تک تعلق ہے اس ابتدائی دور میں خوارج کا نواصب میں شامل ہونا تو اس میں کسی کوئی شک ہی نہیں اور نہ ہی اختلاف
البتہ دوسری جماعت جو اس حوالے سے مشہور ہوئی وہ سید نا مروان بن الحکم رحمہ اللہ کی اولاد سے منسوب رویے ہیں جن میں سے اکثر ضعیف ہیں جن کا جائزہ اگلی سطور میں لیا جائے گا جس کا خلاصہ یہ ہے کہ مروان بن الحکم رحمہ اللہ کے مسند خلافت پر فائز ہونے کے بعد سید نا علی رضی اللہ عنہ پر برسر منبر طعن زنی شروع ہوئی جو آخری خلیفہ مروان بن محمد تک جاری رہی اور یہ حوالے تاریخ کی مختلف کتابوں میں نظر آتے ہیں جس کے تحت سید نا علی رضی اللہ عنہ قتل عثمان رضی اللہ عنہ میں شریک تھے والعیاذ باللہ اور انہی لوگوں کا ایک اور نام بھی مشہور ہوا ۔۔۔ العثمانیوں ۔۔ یعنی قتل عثمان میں علی کو شریک سمجھنے والے (الکامل فی التاریخ 3:330) ۔ لا حول ولا قوۃ الا باللہ العلی العظیم ۔۔ و اعوذباللہ من ھذہ الہفوات کلہا اور اس کے مقابل ایک اور اصطلاح مشہور ہوئی العلویہ یہ وہ لوگ تھے جو علی رضی اللہ عنہ کو عثمان رضی اللہ عنہ پر افضل جانتے تھے (فتح الباری 6:191) اور ان دونوں اصطلاحات کے بارے میں مزید تفصیلات جرح و تعدیل کی کتب میں دیکھی جا سکتی ہیں
اور حیران کن بات تو یہ ہے کہ ان تمام اصطلاحات کے موجد اہل سنت و جماعت نہیں (مشارق الشموس 2:391) (العثمانیہ لعبدالسلام ھارون ص 5)

 

[محمد فیض الابرار]

ان سابقہ تمام اصطلاحات میں ناصبی کی اصطلاح سب سے زیادہ اوسع ہے کیونکہ اس میں ہر وہ شخص جس نے سیدنا علی رضی اللہ عنہ سے اختلاف کیا اس میں سرفہرست خوارج ہیں پھر یہ اختلاف آپ رضی اللہ عنہ کی اولاد کے ساتھ بھی ہوتا چلا گیا
کچھ محققین کے نزدیک روافض کو ناصبی ہی شمار کیا ہے لیکن یہ صرف ایک گمراہ گروہ کاملیہ کے نام سے گزرا ہے زیادہ سے زیادہ اس پر انطباق ہو سکتا ہے گو کہ معنوی طور پر تو یہ درست ہے کہ سید نا علی رضی اللہ عنہ اور اولاد علی کے سب سے بڑے دشمن روافض ہی ہیں لہذا اگر ناصبیت علی رضی اللہ عنہ اور ان کی اولاد کی مخالفت کا نام ہے تو روافض ہی ناصبی ہونے کے حقدار ہیں کہ انہوں نے محبت کی آڑ میں دشمنی کرنے کا کام کیا ۔
اگر شیخ الاسلام ابن تیمیہ رحمہ اللہ کی تعریف کو مدنظر رکھا جائے تو روافض کو ایک اور اعتبار سے ناصبی کہا جا سکتا ہے کہ روافض بعض امہات المومنین پر طعن زنی کرتے ہیں اور اس امر میں کوئی شک نہیں کہ امہات المومنین اہل بیت ہونے کی مصداق اول ہیں ۔
لیکن کچھ محققین نے یہ کہہ کر اس قول کو رد کر دیا کہ شیخ الاسلام ابن تیمیہ رحمہ اللہ کی تعریف میں اھل البیت سے مراد صرف علی رضی اللہ عنہ اور ان کی اولاد ہی ہے اور اس امر پر کوئی دلیل نہیں ہے کہ اھل البیت سے مراد صرف علی رضی اللہ عنہ اور ان کی اولاد ہے ۔

 

[محمد طارق عبداللہ]

جزاک اللہ خیرا
مدلل ، مختصر ، علمی اور مفید

 

[حافظ مظفر اختر]

نواصب اور روافض سے اہلسنت بری ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخ الاسلام ابن تیمیہ رحمہ اللہ نے اہلِ سنت والجماعت کے عقیدے کو بیان کرتے ہوئے فرمایا:

ويحبون أهل بيت رسول الله صلى الله عليه وسلم ويتولونهم ويحفظون فيهم وصية رسول الله صلى الله عليه وسلم ..... ويتبرءون من طريقة الروافض الذين يبغضون الصحابة ويسبونهم ، ومن طريقة النواصب الذين يؤذون أهل البيت بقول أو عمل ويمسكون عما شجر بين الصحابة "
• ترجمہ :
> “اہلِ سنت والجماعت رسولِ اللہ ﷺ کے اہلِ بیت سے محبت کرتے ہیں، ان کو دوست رکھتے ہیں، اور ان کے بارے میں رسولِ اللہ ﷺ کی وصیت کی پاسداری کرتے ہیں۔
وہ روافض کے طریقے سے بیزار ہیں — جو صحابۂ کرام سے بغض رکھتے ہیں اور انہیں گالیاں دیتے ہیں —
اور نواصب کے طریقے سے بھی بیزار ہیں — جو اہلِ بیت کو قول یا عمل سے ایذا پہنچاتے ہیں۔
نیز وہ ان امور میں خاموشی اختیار کرتے ہیں جن میں صحابہ کے درمیان اختلاف ہوا۔”
العقيدة الواسطية لابن تيمية

 

[حافظ مظفر اختر]

شیخ ابن عثیمین رحمہ اللہ لکھتے ہیں:

" النواصب ، هم الذين ينصبون العداء لآل البيت ، ويقدحون فيهم ، ويسبونهم ، فهم على النقيض من الروافض "
• ترجمہ :
“نواصب وہ لوگ ہیں جو اہلِ بیت سے دشمنی رکھتے ہیں، ان پر طعن کرتے ہیں اور ان کو گالیاں دیتے ہیں۔
پس وہ روافض کے بالکل برعکس ہیں۔” (یعنی روافض صحابہ پر سب و شتم کرتے ہیں اور نواصب افراد اہلبیت پر)

شرح العقيدة الواسطية - ج٢ - الصفحة ٢٨٣

اللہ تعالیٰ تمام مسلمانوں کو روافض اور نواصب کے شر سے محفوظ رکھے آمین