مصر کے مفتی اعظم کا عجیب فتوی

[Muhammad Waqas]

تو میرے بھائی کسی کا پوتا ہو یا سکڑ پوتا اسلام تو اسلام ہے یہ کسی جاگیر تو ہے نہیں جو چاہے جیسا عمل کرلے اور جیسا چاہے بیان کردے صحیح کو صحیح کہا جائے گا اور غلط کو غلط ’’لیکن اس بارے میں امام ابو حنیفہؒ با لکل بے قصور ہیں

عابد بھائی یہی تو آپ کی اچھی باتیں ہیں۔
جزاک اللہ

 

[انس]

السلام علیکم
ڈاڑھی رکھنا وہ بھی مشت بھر صرف سنت ہی نہیں بلکہ شعار اسلام ہے اور یاد رہے شعار کا درجہ فرض سے زیادہ ہوتا ہے ۔اور ایسی سنت متواترہ ہے جو حضرت آدم علیہ السلام سے لیکر نبیناحضرت محمد مصطفےٰ صلی اللہ علیہ وعلی اٰلہ وسلم تک اور ان کے بعد جمیع صحابہ کرام رضوان اللہ تعالیٰ علیہم اجمعین تک اور پھر ان سے لیکر تمام سلف صالحین تک تعامل رہا ہے اور اس کے مشت بھر ہونے پر اجماع ہے

وعلیکم السلام ورحمۃ اللہ وبرکاتہ!
اس پہرے میں ’’مشت بھر‘‘ کا لفظ قابل اعتراض ہے۔ کیا مفتی صاحب کے نزدیک تمام انبیاء کرام﷩، صحابہ کرام﷢ کا عمل اسی پر رہا ہے؟ حالانکہ نبی کریمﷺ نے داڑھی کو پورا رکھنے، معاف کرنے، بڑھانے، چھوڑنے اور لٹکانے کا حکم دیا ہے۔
http://www.kitabosunnat.com/forum/فقہی-سوالات-وجوابات-174/ڈارھى-کے-متعلق-؟؟-3932/#post23065

 

[عابدالرحمٰن]

وعلیکم السلام ورحمۃ اللہ وبرکاتہ!
اس پہرے میں ’’مشت بھر‘‘ کا لفظ قابل اعتراض ہے۔ کیا مفتی صاحب کے نزدیک تمام انبیاء کرام﷩، صحابہ کرام﷢ کا عمل اسی پر رہا ہے؟ حالانکہ نبی کریمﷺ نے داڑھی کو پورا رکھنے، معاف کرنے، بڑھانے، چھوڑنے اور لٹکانے کا حکم دیا ہے۔]

السلام علیکم
کرم فرمائی کا شکریہ
اس حدیث شریف کا بغور مطالعہ فرمالیں کہ کیا پیغام ہے
’’اعفوا اللحی و أرخوا اللحی و خالفوا المشرکین و خالفو المجوس أو کما قال علیہ السلام‘‘ داڑھی کو چھوڑ دو ۔ داڑھی بڑھاؤ اور مشرکین و مجوس کی خلاف ورزی کرو
اب بتائیں کہ یہودی مجوسی اور مشرکین (دیار ہندو پاک) میں غیر مسلموں کے مذہبی پیشواؤں کا طریقہ داڑھی کو چھوڑنے کا ہے ،سکھ ،پنڈت، وغیرہ کو دیکھ لیں کیا بے ہنگم شکل ہوتی ہےاسی طرح اور دوسروں کاحال ملاحظہ فرمالیں یہودی داڑھی کو چھوڑے رکھتے ہیں ۔ اور حدیث کے الفاظ ہیں ’’ مشرکین و مجوس کی خلاف ورزی کرو‘‘ تو مخالفت کس طرح ہوگی یہ بات آپ واضح فرمادیں یہ بندے پر احسان ہوجائیگا ۔جب کہ استدلال کے لئے ایک اثر بھی موجود ہے جو ہمارے لیے معین ہے ملاحظہ فرمائیں۔
’’ابن عمر رضى اللہ تعالى عنہما حج ميں مٹھى سے زيادہ داڑھى كاٹ ديا كرتے تھے‘‘ فعل صحابی مؤید ہے اور یہ عمل کسی بھی عالم اور امام کی رائے سے زیادہ اہم اور افضل ہے فقط واللہ اعلم بالصواب

 

[انس]

میں اپنا سوال دوبارہ دہرا دیتا ہوں

اس پہرے میں ’’مشت بھر‘‘ کا لفظ قابل اعتراض ہے۔ کیا مفتی صاحب کے نزدیک تمام انبیاء کرام﷩، صحابہ کرام﷢ کا عمل اسی پر رہا ہے؟

آپ نے اپنی پوسٹ میں سیدنا آدم﷤ سے لے کر نبی کریمﷺ تک اور صحابہ کرام﷢ وغیرہ کی نسبت مشت بھر داڑھی کا دعویٰ کیا تھا، ملاحظہ فرمائیے:

ڈاڑھی رکھنا وہ بھی مشت بھر صرف سنت ہی نہیں بلکہ شعار اسلام ہے اور یاد رہے شعار کا درجہ فرض سے زیادہ ہوتا ہے ۔اور ایسی سنت متواترہ ہے جو حضرت آدم علیہ السلام سے لیکر نبیناحضرت محمد مصطفےٰ صلی اللہ علیہ وعلی اٰلہ وسلم تک اور ان کے بعد جمیع صحابہ کرام رضوان اللہ تعالیٰ علیہم اجمعین تک اور پھر ان سے لیکر تمام سلف صالحین تک تعامل رہا ہے

مجھے اس کی دلیل مطلوب ہے؟؟؟

 

[عابدالرحمٰن]

داڑھی تو تمام انبیا ء علیہم السلام کے تھی اس کی مثال حضرت ہاروں علیہ السلام کی ہے
دیگر ہم اپنی شریعت کے پابند ہیں ہماری شریعت میں داڑھی کی یہی مقدار ہے
اگر آپ کے پاس کوئی ثبوت ہیں پیش فرمائیں احقر کے علم میں اضافہ کا باعث ہوگا

 

[انس]

مفتی بھائی!

تمام انبیائے کرام﷩ اور صحابہ﷢ کے متعلق آپ نے دعویٰ فرمایا تھا کہ وہ مشت بھر داڑھی رکھتے تھے۔

یہ دعویٰ آپ کا ہے تو دلیل بھی آپ کو ہی دینی ہوگی، مجھے نہیں!

یا تو دعویٰ واپس لیجئے یا پھر دلیل دیجئے!

 

[عابدالرحمٰن]

بیشک آپ نے صحیح فرمایا مضمون کی تدوین میں مجھ سے غلطی ہوئی ذہن مصری مفتی صاحب کی تردید میں تھا اس لیے جواب وہیں سے شروع کردیا ۔جب کہ کہنا یہ چاہئے تھا کہ ڈارھی پر تمام انبیاء کا تعامل ہے اور ہماری شریعت میں ایک مشت سے کم رکھناناجائز ہے اور اس سےزیادہ یعنی اِرسالِ کثیر یہ یہودیوں سے تشابہہ ہے جیسا میں واضح کرچکا ہوں۔ میں سمجھتا ہوں اب اختلاف کی کوئی وجہ نہ رہی ہوگی میرے مضمون میں جو کمی تھی اس کی اصلاح کردی ہے

 

[Muhammad Waqas]

السلام علیکم
کرم فرمائی کا شکریہ
اس حدیث شریف کا بغور مطالعہ فرمالیں کہ کیا پیغام ہے
’’اعفوا اللحی و أرخوا اللحی و خالفوا المشرکین و خالفو المجوس أو کما قال علیہ السلام‘‘ داڑھی کو چھوڑ دو ۔ داڑھی بڑھاؤ اور مشرکین و مجوس کی خلاف ورزی کرو
اب بتائیں کہ یہودی مجوسی اور مشرکین (دیار ہندو پاک) میں غیر مسلموں کے مذہبی پیشواؤں کا طریقہ داڑھی کو چھوڑنے کا ہے ،سکھ ،پنڈت، وغیرہ کو دیکھ لیں کیا بے ہنگم شکل ہوتی ہےاسی طرح اور دوسروں کاحال ملاحظہ فرمالیں یہودی داڑھی کو چھوڑے رکھتے ہیں ۔ اور حدیث کے الفاظ ہیں ’’ مشرکین و مجوس کی خلاف ورزی کرو‘‘ تو مخالفت کس طرح ہوگی یہ بات آپ واضح فرمادیں یہ بندے پر احسان ہوجائیگا ۔جب کہ استدلال کے لئے ایک اثر بھی موجود ہے جو ہمارے لیے معین ہے ملاحظہ فرمائیں۔
’’ابن عمر رضى اللہ تعالى عنہما حج ميں مٹھى سے زيادہ داڑھى كاٹ ديا كرتے تھے‘‘ فعل صحابی مؤید ہے اور یہ عمل کسی بھی عالم اور امام کی رائے سے زیادہ اہم اور افضل ہے فقط واللہ اعلم بالصواب

عابد بھائی گزارش ہے کہ کبھی یہود اور سکھوں کی مونچھوں پر بھی نظر فرمایئے !
وہ جہاں اپنی داڑھیوں کو بڑھاتے ہیں ،وہاں پر اپنی مونچھوں کو بھی بڑھاتے ہیں۔۔۔اور ان غلیظ لوگوں کی مونچھیں ان کے منہ میں پڑ رہی ہوتی ہیں،جب کہ ہماری شریعت ہمیں مونچھیں کترنے اور اچھی طرح پست کرنے کا حکم دیتی ہے۔تو مشابہت کہاں باقی رہی؟؟
حدیث کے الفاظ تو ہیں کہ داڑھیاں بڑھاؤ اور مونچھیں کتراؤ۔۔۔آپ نے اپنا مقصد پورا کرنے کے لئے مونچھوں کا لفظ ہی غائب کر دیا۔۔۔۔
یہ حکم دینے کے بعد نبی کریم صلی اللہ علیہ وسلم نے فرمایا کہ یہود اور مجوس کی مخالفت کرو۔یعنی داڑھیاں بڑھا کر اور مونچھیں پست کرکے پھر ان کی مخالفت کرو !۔
اور جب ہم دونوں احکام پر عمل کریں گے تو مشابہت کہاں رہے گی؟
مشابہت ختم کرنے کے حکم پرعمل کرنے کے لئے دونوں احکام کی پیروی ضروری ہے
مشابہت تو تب ہو جب ہم دونوں احکام پر ہی عمل نہ کریں یا دونوں میں سے کسی ایک پر عمل کریں اور دوسرے کو چھوڑ دیں !!!
اگر آپ کا طرز استدلال اپنایا جائے تو کوئی بھی شخص جو کلین شیو کرتا ہے ۔۔۔وہ کہ دے گا کہ میں مونچھیں صاف کر کے یہود،مجوس اور سکھوں کی مخالفت کر رہا ہوں!!!
فماذا جوابکم فہو جوابنا ...........!

 

[عابدالرحمٰن]

میرے بھائی فتویٰ مصری صاحب کا تھا میرا نہیں تھا
انہوں نے تو داڑھی با لکل اڑا ہی دی تھی
میرے بھائی ادنیٰ تشبہ بھی تشبہ ہی کہلائے گی آج کل مونچھیں بڑی بڑی رکھی جارہی ہیں
میں نے تو دو دلیل دیں ایک حدیث اور دوسرا صحابی کا اثر

 

[Muhammad Waqas]

میرے بھائی فتویٰ مصری صاحب کا تھا میرا نہیں تھا
انہوں نے تو داڑھی با لکل اڑا ہی دی تھی

میرے بھائی مصری مفتی پر اعتراضات کا سلسلہ تو کب کا اختتام پذیر ہو چکا یہاں تو ہندی مفتی کو مخاطب کیا جا رہا ہے !

میرے بھائی ادنیٰ تشبہ بھی تشبہ ہی کہلائے گی آج کل مونچھیں بڑی بڑی رکھی جارہی ہیں

میرے بھائی جب اللہ کے نبی صلی اللہ علیہ وسلم فرما رہے ہیں کہ یہاں مونچھوں اور داڑھی کے مجموعی تشبہ سے بچنا ہے تو آپ کا ادنیٰ تشبہ کہنا کوئی معنی نہیں رکھتا !!!
حضرت شداد بن اوس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا :یہود کی مخالفت کرو ۔یہ لوگ اپنے جوتوں یا موزوں میں نماز نہیں پڑھتے ہیں۔[سنن ابو داود:652،وسندہ صحیح]
جب آپ جوتے یا موزے پہن کر نماز پڑھیں گے تو مخالفت کر لیں گے،لیکن جب جوتے یا موزے اتار کر نماز پڑھیں گے تو ادنیٰ تشبہ کیا بہت ہی اعلیٰ تشبہ واقع ہو گا ۔۔۔اور اس قسم کے تشبہ زندگی کے ہر موڑ پر واقع ہوتے چلے جائیں گے اور اس طرح کے ادنیٰ ادنیٰ تشبہ واقع کروا کر آپ مسلمانوں سے جینے کا حق بھی چھین لیں گے ۔فتدبر !!

میں نے تو دو دلیل دیں ایک حدیث اور دوسرا صحابی کا اثر

ان کا تعلق میرے اعتراضات سے نہیں ہے ،یہ شیخ انس نضر حفظہ اللہ کے اعتراضات سے تعلق رکھتیں ہیں اور ان کے مانگے گئے دلائل ہنوز مطلوب ہیں !!
اور میرے اعتراضات کا آپ نے کوئی تسلی بخش جواب نہیں دیا صرف رسمی خانہ پوری کی ہے۔