مفسرین کا ایک غلط تفسیر

[الیاسی]

اکثر مفسرین نے سورہ بینہ کی آیت اولٰئک ھم خیر البریہ کا ترجمہ غلط کیاھے کیونکہ مفسرین کھتے ھیں کہ بریہ کا معنی ھے مخلوق جبکہ یہ ترجمہ باالکل غلط ھے کیونکہ بریہ کا معنی ھے زمین
والا مخلوق اس آیت کی ترجمے میں جن لوگوں نے مخلوق لکھا ھے وہ غلط اس لیے ھے کہ مخلوق کیلیے بریءۃ لفط آتا ھہ ناکہ بریہ امام رزای نے تفسیر کبیر اور دکتور وھبہ زحیلی نے اس فرق کو واضح کیا ھے لیکن اردو کی تفسیر والے تو سارے اندھے مقلد ھے اس لییے سب نے تقلید اور اندھے تقلید کی وجہ سے غلط ترجمہ کیا ھے
اگر کسی کی پاس دلیل ھو تو پیش کرے تاکہ ھم اپنا اصلاح کریں

 

[اعتصام]

میرے بھائی پر ذرا ہاتھ ہلکا رکھیں

 

[رانا اویس سلفی]

الیاسی اختلاف کرنے کا طریقہ سیکھو۔۔۔پتا ہے کن کی بات کر رہے ہو ۔۔۔۔۔پہلے تمیز سیکھ کر آو ۔۔۔۔

 

[محمد موسی]

السلام علیکم ! محترم ""الیاسی صاحب "" آپ نے اپنی اس پوسٹ میں سورۃ البینہ کی آیت "" إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَـٰتِ أُوْلَـٰٓٮِٕكَ هُمۡ خَيۡرُ ٱلۡبَرِيَّةِ "" کا ذکر کیا ۔
"" البریۃ "" کا اردو ترجمہ مترجمین نے "" مخلوق "" کیا ہے ۔ اور مفسرین حضرات نے بھی "" مخلوق "" بیان کیا ہے ۔
مولانا عبد الرحمن کیلانی صاحب اپنی کتاب " مترادفات القرآن کے صٍفحہ ٤٦٤ پر لکھتے ہیں :-
" بَرِيَّةِ " برء سے مشتق ہے ۔ بمعنی کسی چیز کو عدم سے وجود میں لانا ۔لہذا ہر وہ چیز جو وجود رکھتی ہے "" بَرِيَّةِ "" میں شامل ہے ۔ساری کائنات زمین و آسمان ، دیگر سیارے بھی اس میں شامل ہیں ۔ اسکے بعد مولانا کیلانی صاحب نے سورۃ البینہ کی آیت کا حوالہ دیا ہے اور ترجمہ یہ کیا ہے "" جو لوگ ایمان لائے اور اچھے کام کیے وہ سب مخلوق سے بہتر ہیں ۔
امام راغب اصفہانی اپنی کتاب مفردات فی غریب القرآن میں مادہ ""براء " کے تحت لکھتے ہیں :-
ٱلۡبَرِيَّةِ : البریۃ الخلق ، قیل اصلہ الھمز فترک و قیل ذالک من قولھم بریت العود ، و سمیت بریۃ لکونہا مبریۃ عب البری ای التراب بدلا لۃ قولہ تعالی : " خلقکم من تراب " و قولہ تعالی : اولئک ھم خیر البریۃ ، و قال : شر البریۃ
"" الیاسی صاحب "" آپ نے امام رازی اور دکتور وھبہ زحیلی کا ذکر کیا ہے مگر متن نقل نہیں کیا ؟؟

 

[محمد موسی]

السلام علیکم ! محترم الیاسی صاحب آپ کے جواب کا انتظار ہے ۔

 

[عبداللہ عبدل]

الیاسی صاحب میں صرف تمھارے بارے اتنا کہوں گا کہ:::

اعوذ باللہ ان اکون من الجاھلین

 

[عبداللہ عبدل]

الیاسی صاحب میں صرف تمھارے بارے اتنا کہوں گا کہ:::

اعوذ باللہ ان اکون من الجاھلین

ایک ان پڑھ اور تھوڑی بہت سمجھ بوجھ رکھنے والے کو بھی با آسانی اس بات کی سمجھ لگ سکتی ہے اگر سیاق وسباق کو دیکھا جائے ۔
علماء ان آیات کو بطور دلیل پیش کرتے ہیں کہ جیسا کہ اوپر بیان کیاجاچکا ہے

مولانا عبد الرحمن کیلانی صاحب اپنی کتاب " مترادفات القرآن کے صٍفحہ ٤٦٤ پر لکھتے ہیں :-
" بَرِيَّةِ " برء سے مشتق ہے ۔ بمعنی کسی چیز کو عدم سے وجود میں لانا ۔لہذا ہر وہ چیز جو وجود رکھتی ہے "" بَرِيَّةِ "" میں شامل ہے ۔ساری کائنات زمین و آسمان ، دیگر سیارے بھی اس میں شامل ہیں ۔ اسکے بعد مولانا کیلانی صاحب نے سورۃ البینہ کی آیت کا حوالہ دیا ہے اور ترجمہ یہ کیا ہے "" جو لوگ ایمان لائے اور اچھے کام کیے وہ سب مخلوق سے بہتر ہیں ۔
امام راغب اصفہانی اپنی کتاب مفردات فی غریب القرآن میں مادہ ""براء " کے تحت لکھتے ہیں :-
ٱلۡبَرِيَّةِ : البریۃ الخلق ، قیل اصلہ الھمز فترک و قیل ذالک من قولھم بریت العود ، و سمیت بریۃ لکونہا مبریۃ عب البری ای التراب بدلا لۃ قولہ تعالی : " خلقکم من تراب " و قولہ تعالی : اولئک ھم خیر البریۃ ، و قال : شر البریۃ

آپ پتہ نہیں کسی لغت کی بات کرتے ہو یا تو کوئی نئی عربی ایجاد کرو گے ۔عربی کی کس ڈکشنری کو مانتے ہو ۔۔۔۔۔۔۔۔۔۔۔۔۔۔۔؟

 

[مفتی عبداللہ]

اگر بریہ برء سے مشتق ہے تو پھر یہ لفظ بریءۃ ھوگا ناکہ بریۃ

 

[خضر حیات]

اللہ بہتر جانتا ہے ۔
صرفی قواعد کی رو سے دیکھا جائے تو لفظ( البريئة اور البرية )ميں معنی کے لحاظ سے کوئی فرق نہیں کیونکہ دونوں کا مادہ اور صیغہ ایک ہی ہے ۔
ایک تخفیف سے پہلے کی حالت ہے اور دوسری تخفیف کے بعد ۔
کیونکہ تخفیف ہمزہ کے قواعد میں یہ قاعدہ ہے کہ
جب ہمزہ متحرک ہو اور اس کا ماقبل واؤ یا یاء مدہ زائدہ ہوں تو اس ہمزہ کو ماقبل حرف علت سے بدلنا جائز ہے ۔ جیساکہ خطيئة سے خطية

چنانچہ لفظ( البريئة ) مشتق ہے (برأ )بمعنی (خلق )سے ۔ اور یہ صفت مشبہ بروزن( فعيلة) بمعنی( مفعولہ )ہے ۔
مذکورہ قاعدہ کی بناء پر تخفیف کی غرض سے ہمزہ کو یاء کردیا گیا تو یہ( بريية) ہوگیا اور دو یائیں اکٹھی ہو گئیں پہلی ساکن اور دوسری متحرک ہے ۔
پھر ادغام والے قاعدے کے تحت یاء کا یاء میں ادغام کردیا تو (بريّة) بن گیا ۔

چونکہ یہ قاعدہ جوازی ہے اس لیے اس لفظ کو قواعد کے لحاظ سے دونوں طرح ( البريئة اور البرية )پڑھنا جائز ہے ۔ روایت حفص میں یہ لفظ صرف (بريّة) یعنی تخفیف کے بعد والی حالت میں منقول ہے لیکن دیگر بعض قراءات میں یہ لفظ ہمزہ کے ساتھ یعنی( البريئة)بھی منقول ہے ۔

مختلف قراءات جمع کرنےسے یہ بھی معلوم ہو جاتا ہے کہ اس لفظ کا اصل مادہ ( برأ ) ہے ۔ اور جو لوگ کہتے ہیں کہ اس کی اصل ( بري) ہے ہمزہ والی قراءت ان پر حجت ہے ۔ واللہ أعلم ۔

تنبیہ : اس مشارکت میں قاعدہ کی تعیین کرنے میں غلطی کی تصحیح کردی گئی ہے ۔ بھائیوں کا توجہ دلانے کا شکریہ ۔ )
غلطی یہ تھی :
جب ہمزہ کلمہ میں تیسری جگہ واقع ہو اور زیادتی کےسبب چوتھی یا اس سے اگلی جگہ چلا جائےتو اس کو حرف علت سےبدلنا جائز ہے ۔
تصحیح یہ ہے :
جب ہمزہ متحرک ہو اور اس کا ماقبل واؤ یا یاء مدہ زائدہ ہوں تو اس ہمزہ کو ماقبل حرف علت سے بدلنا جائز ہے ۔ جیساکہ خطيئة سے خطية
اسی طرح طریقہ تعلیل میں بھی حسب قاعدہ کچھ تصرف کیا ہے ۔

 

[مفتی عبداللہ]

ما شاء اللہ خضر بھای یہ قاعدہ کہاں لکھا ھوا ہے حوالہ عنایت فرماے مھربانی ہوگی