عبد الرشید
رکن ادارہ محدث
- شمولیت
- مارچ 02، 2011
- پیغامات
- 5,539
- ری ایکشن اسکور
- 9,997
- پوائنٹ
- 667
تبصرہ
قرآن و احادیث کی واضح نصوص اور کتبِ سیر و تاریخ کی ورق گردانی سے معلوم ہوتا ہے کہ امام کائنات نبی کریم ﷺ نے متعدد شادیاں کیں اور اللہ تعالیٰ نے نبی کریمﷺ کو ام المومنین سیدہ خدیجہ ، سیدہ ماریہ قبطیہ رضی اللہ تعالی ٰعنہما سے اولاد جیسی نعمت سے نوازا ۔ سیدہ خدیجہ رضی اللہ تعالیٰ عنہا کے بطن سے چار بیٹاں(سیدہ زینب،سیدہ رقیہ،سیدہ ام کلثوم، سیدہ فاطمہ رضی اللہ عنہن ) اور دو بیٹے(سیدنا عبد اللہ ،سیدنا قاسم ) پیدا ہوئے ۔ ام المومنین سیدہ ماریہ قبطیہ رضی اللہ عنہا کے بطن سے ایک بیٹا سیدنا ابراہیم پیدا ہوا ۔نبی کریم ﷺ کے بیٹے بچپن میں ہی فوت ہو گئے ۔ لیکن بعض لوگ جو اگرچہ اپنے آپ کو مسلمان کہتے ہیں جس طرح ان کے عقائد و نظریات اسلامی عقائد سے بالکل مختلف و متضاد ہیں اسی طرح نبی کریم ﷺ کی اولاد کے حق میں افراط و تفریط کا شکار ہیں ۔نبی اقدسﷺ کی صرف ایک صاحبزادی سیدہ فاطمہ رضی اللہ عنہا کو حقیقی دختر شمار کرتے ہیں اور باقی تین صاحبزادیوں کو آنجناب ﷺ کی حقیقی اولاد سے خارج گردانتے ہیں اور ان کو ربائب اور لے پالک بیٹیوں سے تعبیر کرتے ہیں ۔ جو کہ صریحا ً نصوص کے خلاف ہے ۔ زیر نظر کتاب ’’ مقالات صدیقی‘‘ مناظر اسلام مولانا محمد صدیق فیصل آبادی رحمہ اللہ کے پانچ مقالات ( ام کلثوم بنت علی فاروق اعظم کے نکاح میں ،مروجہ ماتم حسین اور اس کی شرعی حیثیت، ایمان اور تعزیہ،القول المقبول فی بنات الرسول ﷺ ،کشف الاسرار بجواب نعیم الابرار) کا مجموعہ ہے جس میں انہوں نے ٹھوس دلائل سے شیعی نظریات کا ردّ کیا ہے ۔ اللہ تعالیٰ مولانا صدیق رحمہ اللہ کی مغفرت فرمائے اور ان کو جنت الفردوس میں بلند مقام دے ۔آمین (م۔ا)
