موسوعۃ القرآن والحدیث ورژن 3

[ابو فاران نعیم بن شہزاد]

السلام علیکم ! ما شاء اللہ بہت قابلِ قدر علمی کاوش ہے ۔اللہ تعالیٰ قبول فرمائے ۔ کیا اس سافٹ وئیر میں دیگر کتب احادیث مثلاً صحیح ابن خزیمہ ، صحیح ابن حبان ، سنن الکبریٰ للبیہقی وغیرہ بھی شامل کی جائیں گی ؟؟؟

 

[مظاہر امیر]

السلام علیکم ! ما شاء اللہ بہت قابلِ قدر علمی کاوش ہے ۔اللہ تعالیٰ قبول فرمائے ۔ کیا اس سافٹ وئیر میں دیگر کتب احادیث مثلاً صحیح ابن خزیمہ ، صحیح ابن حبان ، سنن الکبریٰ للبیہقی وغیرہ بھی شامل کی جائیں گی ؟؟؟

ابھی اس میں موطا جلد آجائے گی ۔ جبکہ مصنف ابن ابی شیبہ پر کام جاری ہے۔
احادیث صحیحہ بھی مکمل ہے اسکی ابھی شرح پر کام جاری ہے۔

 

[ابو فاران نعیم بن شہزاد]

جزاک اللہ

 

[عبدالمنان]

ابھی اس میں موطا جلد آجائے گی ۔ جبکہ مصنف ابن ابی شیبہ پر کام جاری ہے۔
احادیث صحیحہ بھی مکمل ہے اسکی ابھی شرح پر کام جاری ہے۔

شیخ البانی رحمہ اللّٰہ کی صحیحہ کو شیخ کی کتاب کی ترتیب اور فقہی ترتیب دونوں طرح سے ڈالا جانا چاہئے، اس سے آسانی ہوگی احادیث تلاش کرنے میں۔

اسلام 360 اپلیکیشن میں صرف فقہی ترتیب ہے اور عربی سرچ کی سہولت بھی نہیں ہے اور احادیث کی فقہی ترتیب بھی اتنی خاص نہیں ہے، تو اتنا مفید اور آسان نہیں ہے۔

احادیث کی تخریج بھی مکمل نہیں ہے یعنی تمام کتب کے نام نہیں ہیں جن میں وہ حدیث موجود ہے۔

اور اگر شیخ البانی کی تحقیق و بحث بھی شامل کی جائے جو انہوں نے صحیحہ میں کی ہے تو زیادہ فائدہ ہوگا۔

 

[مظاہر امیر]

شیخ البانی رحمہ اللّٰہ کی صحیحہ کو شیخ کی کتاب کی ترتیب اور فقہی ترتیب دونوں طرح سے ڈالا جانا چاہئے، اس سے آسانی ہوگی احادیث تلاش کرنے میں۔

اس حوالے سے اگر آپ کوئی مدد کرسکیں تو بہت اچھا ہوگا ۔ مصنف کی تحکیم میں آپ کی مدد شامل ہے ۔ اگر کہیں گے تو متن ہٰذا مہیا کردیا جائے گا ۔

 

[عبدالمنان]

جی ان شاء اللّٰہ ضرور کروں گا، میں خود سلسلة الأحاديث الصحيحة تھریڈ شروع کرنا چاہ رہا تھا خاص طور پر تخریج اور شیخ البانی رحمہ اللّٰہ کی بحث پیش کرنے کے لئے، مگر ضعیفہ پر ہی کام مشکل سے ہو پا رہا ہے اس لئے شروع نہیں کیا۔


اگر آپ متن مہیا کرسکیں تو اور آسانی ہوگی، ان شاء اللّٰہ میں ایک تھریڈ بنا کر وہاں شیر کروں گا۔

 

[ابوطلحہ بابر]

شیخ البانی رحمہ اللّٰہ کی صحیحہ کو شیخ کی کتاب کی ترتیب اور فقہی ترتیب دونوں طرح سے ڈالا جانا چاہئے، اس سے آسانی ہوگی احادیث تلاش کرنے میں۔

مگر ضعیفہ پر ہی کام مشکل سے ہو پا رہا ہے اس لئے شروع نہیں کیا۔

عبدالمنان بھائی آپ ضعیفہ پر ہی اپنی طرف ہر طرح سے کام مکمل کریں۔ ہم صحیحہ پر بہت سا کام کر چکے ہیں۔ اور نمبرنگ دونوں طرز پر دے رہے ہیں اس سلسلے میں تمام نمبرنگ ٹائپ کرا لی گئی ہے۔ دوسرا یہ کہ تخریج بھی ہم ڈائیرکٹ سلسلہ احادیث صحیحہ سے لیں گے ،ایک مرتبہ یہ لانچ ہو جائے۔

 

[عبدالمنان]

جی ٹھیک ہے،

فیس بک پر پیغام ٹی وی والوں نے ایک حدیث پوسٹ کی تھی اور کی تخریج میں صرف مسند احمد کا حولہ دیا گیا تھا، کسی محدث کا حکم بھی بیان نہیں کیا انہوں نے، میں نے وہ حدیث مسند احمد میں تلاش کی، مسند احمد کے محققین نے اس کی سند کو جید کہا ہے، اور جب شیخ البانی کی کتب میں تلاش کی تو مجھے صحیحہ میں یہ حدیث مل گئی، وہاں شیخ البانی رحمہ اللّٰہ نے اس کی تخریج میں تین کتب کا نام ذکر کیا ہے، پھر میں نے سیوطی کی کتاب جامع الاحادیث دیکھی تو وہاں ایک اور کتاب کا حوالہ زیادہ دیا گیا تھا (معرفۃ الصحابہ کا)،

یہ صحیحہ کی حدیث مثال کے طور پر پیش ہے:



٨١٣) قال الإمام أحمد: حَدَّثَنَا أَبُو سَلَمَةَ، أَخْبَرَنَا عَبْدُ الْعَزِيزِ يَعْنِي ابْنَ مُحَمَّدٍ، عَنْ عَمْرٍو، عَنْ عَاصِمِ بْنِ عُمَرَ بْنِ قَتَادَةَ، عَنْ مَحْمُودِ بْنِ لَبِيدٍ، أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:

«اثْنَتَانِ يَكْرَهُهُمَا ابْنُ آدَمَ: الْمَوْتُ، وَالْمَوْتُ خَيْرٌ لِلْمُؤْمِنِ مِنَ الْفِتْنَةِ، وَيَكْرَهُ قِلَّةَ الْمَالِ، وَقِلَّةُ الْمَالِ أَقَلُّ لِلْحِسَابِ»

ترجمہ: ابن آدم دو چیزوں کو ناپسند کرتا ہے، ایک موت، حالانکہ موت مومن کے لئے فتنے میں پڑنے سے بہتر ہے، دوسری مال کی کمی، حالانکہ کم مال (قیامت کے دن) کم حساب کا سبب ہوگا۔

۩تخريج: مسند أحمد (٢٣٦٢٥، ٢٣٦٢٦) (المتوفى: ٢٤١هـ)؛ معرفة الصحابة لأبي نعيم (٦١١٤) (المتوفى: ٤٣٠هـ)؛ السنن الواردة في الفتن وغوائلها والساعة وأشراطها لأبي عمرو الداني (٣٦) (المتوفى: ٤٤٤هـ)؛ شرح السنة للبغوي (٤٠٦٦) (المتوفى: ٥١٦هـ)؛ سلسلة الأحاديث الصحيحة للألباني (٨١٣) (صحيح)

 

[عبدالمنان]

جامع الأحاديث میں اس حدیث کی نسبت سنن سعيد بن منصور کی طرف بھی کی گئی ہے لیکن سنن سعید میں مجھے یہ حدیث نہیں ملی، اس لئے میں نے تخریج میں اس کا ذکر نہیں کیا۔

اور کنز العمال میں اس کی نسبت معجم صغير کی طرف کی گئی ہے لیکن مجھے وہاں یہ حدیث نہیں ملی، اس لئے اس کا بھی ذکر تخریج میں نہیں کیا۔ والله اعلم

 

[خضر حیات]

ماشاء اللہ ، بہترین کام ۔
اردو میں بہت سارے سافٹ ویئرز وغیرہ منظر عام پر آچکے ہیں ، میرے خیال میں احادیث تراجم و تفسیر وغیرہ سب کچھ ایک جگہ جمع کرکے شاملہ طرز کا ایک سافٹ ویئر منظر عام پر آجانا چاہیے ۔
اسلامک ڈیجیٹل لائبریری نام سے کسی نے ایک سافٹ ویئر فورم پر بھی دیا تھا ، جس کا فارمیٹ شاملہ بلکہ اس سے بھی بہترین نظر آرہا تھا ، لیکن وہ بھی کہیں درمیان میں ہی رہ گیا ہے ۔