میرا غفلت میں ڈوبا دل بدل دے!!

[اخت ولید]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

​

میرا غفلت میں ڈوبا دل بدل دے​

ہوا و حرص والا دل بدل دے​

​

الٰہی فضل فرما ،دل بدل دے​

بدل دے دل کی دنیا ،دل بدل دے​

​

گناہ گاری میں کب تک عمر کاٹوں؟؟​

بدل دے میرا رستہ، دل بدل دے​

​

ہٹا لوں آنکھ اپنی ماسواسے​

جیوں میں تیری خاطر، دل بدل دے​

​

کروں قربان اپنی ساری خوشیاں​

تو اپنا غم عطا کر، دل بدل دے​

​

سہل فرما مسلسل یاد اپنی​

الٰہی رحم فرما،دل بدل دے​

​

پڑا ہوں تیرے در پر دل شکستہ​

رہوں کیوںدل شکستہ، دل بدل دے​

​

تیرا ہو جاؤں اتنی آرزو ہے​

بس اتنی ہے تمنا ،دل بدل دے​

​

میری فریاد سن لے میرے مولا​

بنا لے اپنا بندہ ،دل بدل دے​

​

دلِ مغموم کو مسرور کر دے​

دلِ بے نور کو پر نور کر دے​

​

میرا ظاہر سنور جائے الٰہی​

میرے باطن کی ظلمت دور کر دے​

آمین​

 

[Dua]

کروں قربان اپنی ساری خوشیاں
تو اپنا غم عطا کر، دل بدل دے

بہنا ایسے جملے نہیں شامل ہونے چاہیئے۔سبحان اللہ وبحمدہ سبحان اللہ العظیم

 

[اخت ولید]

بہنا ایسے جملے نہیں شامل ہونے چاہیئے۔سبحان اللہ وبحمدہ سبحان اللہ العظیم

جزیت خیرا اختی۔ ۔ بہنا وجہ بھی بتا دیں !!۔ ۔ کیونکہ میں نے تو اسے دین الٰہی کی فکر کےطور پر لیا ہے۔ ۔ کہ غم دنیا نہیں ،غم آخرت عطا کر!!
بہر حال یہ غلط بھی ہو سکتا ہے۔ ۔

 

[Dua]

جزیت خیرا اختی۔ ۔ بہنا وجہ بھی بتا دیں !!۔ ۔ کیونکہ میں نے تو اسے دین الٰہی کی فکر کےطور پر لیا ہے۔ ۔ کہ غم دنیا نہیں ،غم آخرت عطا کر!!
بہر حال یہ غلط بھی ہو سکتا ہے۔ ۔

بہن جملے سے ہی ظاہر ہو رہا ہے کہ "تو اپنا غم عطا کر، دل بدل دے" جبکہ اللہ رب العزت ان سب چیزوں کے محتاج نہیں اور نہ مخلوق میں انھیں شامل
کرنے کی ضرورت ہے۔بہنا ایسے جملے سے فکر الہی بھی ظاہر نہیں ہو رہا۔برا مت مانیئے گا۔
ویسے تبدیل کر کے بھی لکھا جا سکتا ہے۔۔۔جیسے "تو اپنا کرم عطا کر،دل بدل دے"۔
واللہ اعلم!

 

[نسرین فاطمہ]

جزاک اللہ خیرا سسٹر

 

[مشکٰوۃ]

بہن جملے سے ہی ظاہر ہو رہا ہے کہ "تو اپنا غم عطا کر، دل بدل دے" جبکہ اللہ رب العزت ان سب چیزوں کے محتاج نہیں اور نہ مخلوق میں انھیں شامل
کرنے کی ضرورت ہے۔بہنا ایسے جملے سے فکر الہی بھی ظاہر نہیں ہو رہا۔برا مت مانیئے گا۔
ویسے تبدیل کر کے بھی لکھا جا سکتا ہے۔۔۔جیسے "تو اپنا کرم عطا کر،دل بدل دے"۔
واللہ اعلم!

جزاک اللہ خیر فی الدارین !سسٹر
غم تو انسان کی کمزوری ہے ۔اللہ کی صفات میں سے نہیں ہے۔بہت اہم توجہ دلائی آپ نے ۔

 

[ابو معاویہ]

تو اپنا غم عطا کر دل بدل دے

یہ اشعار اکثر علماء اور اولیاء استعمال کرتے ہیں۔ یہاں الله کے غم سے مرد الله کی یاد ہے اس کا خوف ہے اس کی محبت ہے اور جس مسلمان میں الله کا یہ غم ہوگا وہ الله کا دوست ولی ہوگا۔

 

[ابو معاویہ]

دو جہاں مزہ اس کو حاصل نہیں
آہ جو دل تیرے غم کا حامل نہیں

 

[ابو معاویہ]

صحبت اہل دل جس نے پائی نہ ہو
اس کا غم غم نہیں اس کا دل دل نہیں