میرے پسندیدہ اشعار

[مشکٰوۃ]

موت نے چپکے سے نہ جانے کیا کہا​

اور زندگی خاموش ہو کر رہ گئی​

 

[مشکٰوۃ]

ہاتھ باندھے کھڑے ہیں سب،گم خیالوں میں اپنے اپنے​

امام مسجد سے کوئی پوچھے نماز کس کو پڑھا رہا ہے؟​

 

[خنساء]

اے مجاہد تیری عظمتوں کو سلام
تو صحابہ کے رستے پہ چلتا رہا
تو نے دنیا کی خوشیوں کو ٹھکرا دیا
تو نے جنت میں اپنا بنا یامقام​

خنساء​

 

[مشکٰوۃ]

اک ضرب اور بھی اے زندگی تیشہ بدست!​

سانس لینے کی سکت اب بھی مری جان میں ہے​

احمدفراز​

 

[ماریہ انعام]

؏تو نے حق چھوڑا ہے اندیشہ غربت سے فقط​

سوچتا ہوں تو دل احساس سے ہل جاتا ہے​

کیا اس بات سے نہ تھی تجھ کو آگاہی​

رزق تو اس دہر میں کتّوں کو بھی مل جاتا ہے​

Dadicated to Pervez Musharraf​

 

[ماریہ انعام]

؏شکوۂ ظلمتِ شب سے تو کہیں بہتر تھا​

اپنے حصّے کی کوئی شمع جلاتے جاتے​

 

[محمد ارسلان]

پاؤں پھیلائے تو دیکھی نہیں چادر ہم نے
تم کو چاہا تو اوقات سے بڑھ کر چاہا

 

[مشکٰوۃ]

سبھی لوگ تو کبھی بھی اچھے نہیں رہتے
جن سے سچ سیکھا ہو وہ بھی سچے نہیں رہتے
کیوں ایسا ہوتا ہے کہ اعتبار کی ٹوٹی دہلیز پر
جو بہت اپنے ہوں وہ اپنے نہیں رہتے​​

 

[مشکٰوۃ]

ليس من مات شهيداً ميتا ... إنما في جنة الخلد الحياة​

 

[طاہر اسلام]

خُدا نصیب کرے ہند کے اماموں کو​

وہ سجدہ جس میں ہے ملت کی زندگی کا پیام!​

۔۔۔۔۔۔۔۔۔۔۔۔۔۔​

ہوس نے کر دیا ہے ٹکڑے ٹکڑے نوعِ انساں کو​

اخوت کا بیاں ہو جا، محبت کی زباں ہو جا​

۔۔۔۔۔۔۔۔۔۔۔۔۔۔​

یقیں محکم، عمل پیہم، محبت فاتحِ عالم​

جہادِ زندگانی میں ہیں یہ مردوں کی شمشیریں​

۔۔۔۔۔۔۔۔۔۔۔۔۔۔​

اگر عثمانیوں پر کوہِ غم ٹوٹا تو کیا غم ہے​

کہ خونِ صد ہزار انجم سے ہوتی ہے سحر پیدا​

۔۔۔۔۔۔۔۔۔۔۔۔۔۔۔​

ترے سینے میں ہے پوشیدہ رازِ زندگی کہہ دے​

مسلماں سے حدیثِ سوز و سازِ زندگی کہہ دے​