میرے ہی دیں کی بہت سی نسلیں اداس عیدیں منا رہی ہیں

[اخت ولید]

بسم اللہ الرحمٰن الرحیم​

السلام علیکم ورحمۃاللہ وبرکاتہ​

​

​

چند اشعار جو ۱۹۹۵ میں عید کے موقع پر نوید رزاق بٹ نے کشمیر اور فلسطین کے مسلمانوں کے لیے لکھے۔ افسوس کہ اب ایسی 'اداس عیدیں' منانے والے مسلمانوں کی تعداد میں کئی گنا اضافہ ہو چکا ہے۔ اللہ سبحانہ وتعالٰیامت مسلمہ پر اپنا خاص رحم و کرم فرمائے۔آمین​

​

​

میں اُن کو کیسے کہوںمبارک‘؟​

وہ جن کے نورِ نظر گئے ہیں​

وہ مائیں جن کے جگر کے ٹکڑے​

گلوں کی صورت بکھر گئے ہیں​

​

وہ جن کی دکھ سے بھری دعائیں​

فلک پہ ہلچل مچا رہی ہیں​

میرے ہی دِیں کی بہت سی نسلیں​

اداس عیدیں منا رہی ہیں​

​

وہ بچے عیدی کہاں سے لیں گے؟​

تباہ گھر میں جو پل رہے ہیں​

وہ جن کی مائیں ہیں نذرِ آتش​

وہ جن کے آباء جل رہےہیں​

​

وہ جن کی ننھی سی پیاری آنکھیں​

ہزاروں آنسو بہا رہی ہیں​

میرے ہی دِیں کی بہت سی نسلیں​

اداس عیدیں منا رہی ہیں​

​

بتاؤ اُن کو میں عمدہ تحفہ​

کہاں سے کر کے تلاش بھیجوں؟​

بہن کو بھائی کی نعش بھیجوں​

یا ماں کو بیٹے کی لاش بھیجوں؟​

​

جہاں پہ قومیں بہت سے تحفے​

بموں کی صورت میں پا رہی ہیں​

میرے ہی دِیں کی بہت سی نسلیں​

اداس عیدیں منا رہی ہیں​

​

وہاں سجانے کو کیا ہے باقی؟​

جہاں پہ آنسو سجے ہوئے ہیں​

جہاں کی مہندی ہے سرخ خوں کی​

جنازے ہر سُو سجے ہوئے ہیں​

​

جہاں پہ بہنیں شہیدِ حق پر​

ردائے ابیض سجا رہی ہیں​

میرے ہی دِیں کی بہت سی نسلیں​

اداس عیدیں منا رہی ہیں​

 

[عکرمہ]

میرے ہی دیں کی بہت سی نسلیں اداس عیدیں منارہی ہیں۔۔۔۔۔۔
ان’’پر مسرت‘‘لمحات میں امت کے ان ’’غرباء‘‘ کو مت بھول جائیے گا جو’’اعلائے کلمۃ اللہ‘‘کے لیے اپنے اعزا واقارب اللہ کے رستے میں قربان کر چکے ہیں۔۔۔