میڈیکل انسورینس جائز یا حرام

[محمد بن اقبال]

السلام علیکم ورحمۃ اللہ وبکاتہ، اہل علم سے گذارش ہے کہ وہ مہربانی کر کے رہنمائی فرماۓ کے میڈیکل انسورینس کرانا جائز ہے یا نہیں؟

جواب کا منتظر

 

[محمد المالكي]

محترم @خضر حیات

محترم @ابن داود

 

[ابن داود]

السلام علیکم ورحمۃ اللہ وبرکاتہ!
فقہی و اجتہادی مسائل کے حوالے سے جن امور میں فتاوی مطلوب ہوتے ہیں، ان کا جواب با سند علماء کو دینا چاہیئے!
میں اس کا اہل نہیں!
شاید اس سوال کو سوال جواب کے زمرے میں منتقل کرکے اس کا جواب دیا جا چکا ہوگا! اگر نہیں تو ان شاء اللہ اب شیوخ دے دیں گے!

 

[محمد نعیم یونس]

وعلیکم السلام ورحمۃ اللہ وبرکاتہ!

ہیلتھ انشورنس
شروع از عبد الوحید ساجد بتاریخ : 29 May 2014 09:14 AM
السلام عليكم ورحمة الله وبركاته
ہیلتھ انشورنس کے نام سے ایک کمپنی ہے جو ٤٠٠٠ روپے میں ایک کارڈ بنا کر دیتی ہے۔ وہ کارڈ پوری فیملی کے لئے ہوتاہے۔ ایک سال تک اس کارڈ کو استعمال کر سکتے ہیں۔ اس میں طریقہ کار کچھ اس طرح ہے کچھ مخصوص ہسپتال میں علاج بالکل فری ہے اور کچھ ہسپتال میں ٣٠ فیصد کی رعایت ہے جب بھی جتنا بھی علاج کروائیں تو اس پر پیسے نہیں دینے ہو نگے کیا یہ طریقہ صحیح ہے ۔؟

الجواب بعون الوهاب بشرط صحة السؤال
وعلیکم السلام ورحمة اللہ وبرکاته!الحمد لله، والصلاة والسلام علىٰ رسول الله، أما بعد!
انشورنس کی تمام صورتیں واضح اور صريح سود ہیں، جس میں اوپر آپ کی بیان کردہ ہیلتھ انشورنس بھی ہے۔ اس کی متعدد وجوہات ہیں۔

1۔پہلی بات تو یہ ہے کہ یہ بیع مجہول ہے، جس میں بیمار ہونے یا نہ ہونے دونوں کا احتمال ہے۔ اور پھر اگر وہ بیمار ہو ہی جائے تو اس بیماری کی نوعیت اور اس پر ہونے والے اخراجات بھی مجہول ہیں۔ اور شرعی نقطہ نظر سے بیع مجہول حرام ہے۔

2۔ یہ جوئے کی شکل بن جاتی ہے کہ بیماری کی صورت میں آپ 4000 کے بدلے میں لاکھوں کے مستحق بن جاتے ہیں۔ جبکہ عدم بیماری کی صورت میں آپ اس 4000 سے بھی محروم ہیں۔ یہ کیوں۔؟ اور شریعت میں جوا بھی حرام ہے۔

ھذا ما عندی واللہ اعلم بالصواب
فتوی کمیٹی
محدث فتوی
ربط

 

[محمد بن اقبال]

جزاك الله خيرا۔۔ ویسے شیخ محترم مقبول سلفی صاحب نے مجھے اس سوال کا جواب ایک دوسرے تھریڈ میں دے دیا تھا-