• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

میں مسلمان کیوں ہوا ؟

ارم

رکن
شمولیت
جنوری 09، 2013
پیغامات
39
ری ایکشن اسکور
173
پوائنٹ
42
ذیل کے سطور میں ایک ایسے سنگ دل انسان کے قبولِ اسلام کی عبرت آموز داستان پیش کی جارہی ہے جس نے اپنے بھائی کے ساتھ مل کر برادرزادی کو قبولِ اسلام کے جرم میں زندہ جلاکر اصحاب اخدود کی مثال قائم کی تھی ۔داستان دردو کرب ، عبرت ونصیحت اور خوشی وغمی کے امتزاج سے لبریز ہے ....پڑھئے اور پڑھتے جائيے ۔

اگرميں يہ کہوں کہ جب سے دنیا قائم ہوئی ہے ۔ آج تک ميں دنیا کا ظالم ترین شخص ہوں ‘ بد ترین اور خوش قسمت ترین انسان ہوں تو يہ میرا بالکل سچا تعارف ہوگا ۔ ميں ضلع مظفر نگر کی ” بڑھنا “ تحصیل کے مسلم راج پوت اکثریت والے گاوں ميں اب سے تقریبا ًبیالیس تینتالیس سال قبل پيدا ہوا۔ میراگھر انہ نہایت مذہبی ہندو ‘ لیکن جرائم پیشہ تھا ۔ والد اور چچا جرائم پیشہ گروہ کے سرکردہ لوگوں میں سے تھے لوٹ مار اورظلم خاندانی طور پر گھٹی میں داخل تھا ۔

1987ميں میرٹھ کے فسادات کے موقع پر میں اپنے باپ کے ساتھ رشتہ داروں کی مدد کے ليے میرٹھ ہی رہا اور ہم دونوں نے کم از کم پچیس مسلمانوں کو اپنے ہاتھ سے قتل کیا ۔ اس کے بعد مسلم نفرت کے جذبہ سے متاثر ہوکر بجرنگ دل ميں شامل ہوا۔ بابری مسجد کی شہادت کے سلسلہ ميں 1990 ميں شاملی ميں کتنے مسلمانوں کو قتل کیا اسی طرح 1992 ميں”بڑھانہ “ ميں بہت سے مسلمانوں کو شہید کیا ۔مگر تقدیر کے بھید بڑے نرالے ہيں، آج ميں مسلمان ہوں ، میرے قبولِ اسلام کا واقعہ بڑا عجیب ہے :

ميرے ایک بڑے بھائی تھے جنکی دو لڑکیاں اور دو لڑکے تھے ۔ اور مجھے کوئی اولاد نہيں ہے ۔ ان کی بڑی لڑکی کا نام ہیرا تھا۔ وہ عجیب دیوانی لڑکی تھی ‘ بہت ہی جذباتی ‘ جس سے ملتی بس دیوانوں کی طرح ‘ جس سے نفرت کرتی ‘ پاگلوں کی طرح ‘ کبھی کبھی ہميں يہ خیال ہو تا کہ شاید اس کے اوپر کوئی اثر ہے لہذا دیکھایا سنایا مگر اس کا حال جوں کا توں رہا ۔ آٹھویں کلاس کے بعد اس کی پڑھائی روک دی گئی مگر اس نے گھر والوں کی مرضی کے بغیر ہائی اسکول کا فارم بھر دیا اور آٹھ دن کھیتوں ميں مزدوری کی تاکہ فیس بھرے اور کتابيں منگوائے ، جب کتابيں اسے خود ہی سمجھ ميں نہ آئی تو گھر کے سامنے ایک برہمن کے گھر اسکی لڑکی سے پڑھنے جانے لگی۔ برہمن کا لڑکا بدمعاش اور ڈاکو تھا ۔ نہ جانے کس طرح میری بھتیجی ہیرا کو بہکایا اور اس کو لیکر” بڑوت “کے جنگل ميں جہاں اسکا گروہ رہتا تھا پہنچا ۔ وہ اس کے ساتھ چلی تو گئی مگر وہاں جاکر اسے اپنے ماں باپ کی عزت کا خیال آیا ‘ انکی بدنامی اور اپنی غلطی کا احساس ہوا تو چپکے چپکے روتی تھی۔ اس گینگ ميں ادریس پور کا ایک مسلمان لڑکا بھی تھا ۔ ایک روز اس نے اسے روتے ہوئے دیکھ کر اس کے رونے کی وجہ معلوم کی ۔ تو اس نے بتایا کہ ميں نادانی ميں اسکے ساتھ آتو گئی مگر مجھے اپنی عزت خطرے ميں لگ رہی ہے اور اپنے ماں باپ کی پریشانی مجھے یاد آرہی ہے۔ اسکو ہیرا پر ترس آگیا اور اس نے کہا ميں تجھے اپنی بہن بناتا ہوں ‘ ميں تیری عزت کی حفاظت کروں گا اور تجھے اس جنگل سے نکال کر صحیح سلامت تیرے گھر پہنچانے کی کو شش کروں گا ۔ اس نے تدبیر يہ نکالی کہ اپنے ساتھیوں سے کہا کہ يہ لڑکی تو بہت بہادر اور اپنے ارادے کی پکی معلوم ہوتی ہے۔ ہميں اپنے گروہ ميں ایک دو لڑکیوں کو ضرور شامل کرنا چاہيے۔ اکثر ہمیں اس کی ضرورت ہوتی ہے۔ اب جنگل ميں اس کو رکھنے کا طریقہ يہ ہے کہ اس کو لڑکوں کے کپڑے پہناؤ۔ اس کی بات سب ساتھیوں کو سمجھ ميں آگئی۔ ہیرا کوکپڑے پہناکر لڑکا بنایا گیااور اسے ساتھ لے کر پھرا جانے لگا۔
اب اس نے ایک روزہیرا کوکسی بہانے سے بڑوت بھیجا اور ہیرا سے کہا کہ تو وہاں تانگہ ميں بیٹھ کر ہمارے گھر ادریس پور چلی جانا اوروہاں جاکر میرے چھوٹے بھائی سے ساراحال سنانا اور کہنا کہ تیرے بھائی نے بلایا ہے۔ اور اس کو بتادینا کہ وہ يہاں آکر يہ کہے کہ وہ لڑکی کو ”بڑوت“ والوں نے شک ميں پکڑ کر پولس کے حوالے کر دیاہے۔ ہیرا نے ایساہی کیا‘ اس کا بھائی جنگل ميں گیا اور اس نے اپنے بھائی سے جاکرکہا کہ اس لڑکی کو ” بڑوت “ والوں نے شک میں پکڑ کر پولس کے حوالے کر دیاہے ۔ اس نے اپنے بھائی سے کہا کہ ہےرا کو تھانے بھیج دو،اور وہ جاکر تھانے میں کہے کہ مجھے ایک گروہ گاؤں سے اٹھا کر لے گیاتھا ۔ کسی طرح میں چھوٹ کر آگئی ہوں ‘ مجھے اپنی جان کا خطرہ ہے ۔ ہیرانے ایساہی کیا۔ بڑوت تھانے والوں نے ” بڑھانہ “ تھانہ سے رابطہ کیا ‘ وہاں پر اس لڑکی کے اغواکرنے کی رپورٹ پہلے لکھی ہوئی تھی۔ ”بڑھانہ “ تھانے کے لوگ لیڈیز پولس لے آئے اور تھانے سے ہیراکو لے کر ہمارے گاؤں آئے۔ ہم نے اسے گھر تو رکھ لیا مگر ایسی بدچلن لڑکی کو گھر کیسے رکھےں۔ لیکن ہیرا نے بتایا کہ اس نے اپنی عزت کی حفاظت کی ہے ۔یقین کسی کو نہ آیا ‘ تو ڈاکٹری چیک اپ کے لیے اسے اسپتال اس نیت سے لے گیا کہ اگر با عفت ہوگی تو ٹھیک ورنہ مار کر” بڑھانہ“ ندی میں ڈال آئیں گے۔
اللہ کا کرناہوا کہ ڈاکٹر نے رپورٹ دی کہ اس کی عزت سلامت ہے۔ خوشی خوشی اس کو لے کر گھر آئے مگر و ہ اب مسلمانوں کا بہت ذکر کرتی تھی اور بار بار ایک مسلمان لڑکے کی وجہ سے اپنے بچ جانے کا ذکر کرتی تھی۔ وہ مسلمانوں کے گھر جانے لگی ۔ وہاں ایک لڑکی نے اسے ” دوزخ کا کھٹکا “ اور ” جنت کی کنجی “ نامی کتابیں دیں۔ مسلمانوں کی کتاب میں نے گھر میں دیکھا تو میں اسے بہت مارا اور خبردار کیا کہ اگر اس طرح کی کتاب میں نے گھر میں دیکھا تو تجھے کاٹ ڈالوں گا ۔ مگر اس کے دل میں اسلام گھر چکا تھا ۔ اور اسلام نے اس کے دل کی اندھیری کوٹھری کو اپنے نور سے منور کردیاتھا۔ اس نے مدرسہ میں جاکر ایک مولوی کے ہاتھ پر اسلام قبول کرلیا اور چپکے چپکے نماز سیکھنے لگی اور وقتا فوقتا نماز پڑھنے لگی ۔ مسلمان ہونے کے بعد وہ شرک کے اندھیرے گھرانے میں گھٹن محسوس کرنے لگی ۔ وہ بالکل اداس اداس رہنے لگی ‘ ہر وقت ہنسنے والی لڑکی ایسی ہوگئی جیسے اس کا سب کچھ بدل گیا ہو۔ پھروہ کسی طرح پروگرام بنا کر گھر چھوڑ کر چلی گئی۔ ایک مولوی صاحب اس کو اپنی بیوی کے ساتھ” پھلت“ چھوڑ آئے ۔ کچھ دن مولوی کلیم احمد صدیقی کے گھر رہی پھر مولوی صاحب نے اس کو احتیاط کے طور پر دہلی اپنی بہن کے گھر بھیج دیا۔ وہاں اسے بہت ہی مناسب ماحول ملا ‘ اسے اپنے گھر والوں خصوصا اپنی ماں سے بہت محبت تھی۔ اس کی ماں بہت بیمار رہتی تھی ۔ ایک رات اس نے خواب میں دیکھا کہ اس کی ماں مر گئی ہے ۔ آنکھ کھلی تو ماں کی بہت یاد آئی ‘اگر ایمان کے بغیر اس کی ماں مر گئی تو کیا ہوگا ؟ یہ سوچ کر رونے لگی اور اسکی چیخےں نکل گئی۔ گھر کے سبھی لوگ اٹھ گئے ‘ اس کو سمجھایا ‘تسلی دیا ۔ وقتی طور پر وہ چپ ہو گئی مگر بار بار وہ خواب یاد کرکے روتی تھی ۔ بار بار وہ ماں کو یاد کرتی اور گھر جانے کی اجازت مانگتی مگر مولوی صاحب سمجھاتے کہ تمہارے گھر والے تمہیں زندہ نہیں چھوڑیں گے۔اور پھر تمہیں ہندو بنا لیں گے۔ایمان کے خطرہ سے رک جاتی مگر جب گھر کی یاد آتی تو گھر جانے کی ضد کرنے لگتی۔بہت مجبور ہوکر مولوی صاحب نے اس کو اجازت دی ۔مگر سمجھایاکہ تم اپنے گھر والوں کو اسلام کی دعوت دینے کی نیت سے گھر جاؤ ۔ اور واقعی اگر تمہیں اپنے گھر والوں سے محبت ہے تو اس محبت کا سب سے ضروری حق یہ ہے کہ تم ان کو اسلام کی دعوت دو اور انکو دوزخ کی آگ سے بچانے کی فکر کرو۔ہیرا (جس کا نام اب حرا ءہو چکاتھا ) نے کہا کہ وہ تو اسلام کے نام سے ہی چڑھتے ہیں ‘ وہ ہرگز اسلام نہیں قبول کرسکتے۔ مولوی صاحب نے اس سے کہا تم بھی تو اسلام سے اسی طرح چڑتی تھی ‘ جس طرح اب شرک سے نفرت کرتی ہو۔ اللہ سے دعا کرو اور مجھ سے عہد کرو کہ تم گھر اپنی ماں اور گھر والوں کو دوزخ کی آگ سے بچانے کی فکر میں جارہی ہو اگر تم اس نیت سے جاؤ گی تو اللہ تعالی تمہاری حفاظت کریں گے اور اگر تکلیف بھی ہوئی تو وہ تکلیف ہوگی جو ہمارے رسول ﷺ کی اصل سنت ہے۔

وہ دہلی سے پھلت اور پھر ہمارے گھر آگئی۔ ہم اسے دیکھ کر آگ بگولہ ہوگئے ۔ میں نے اسے جوتوں اور لاتوں سے مارا ۔ اس نے یہ تو نہیں بتایا کہ کہاں رہی ؟ البتہ یہ بتایاکہ وہ مسلمان ہو گئی ہے اور اب اسے اسلام سے کوئی ہٹا نہیں سکتا ۔ ہم اس پر سختی کرتے تو الٹا ہمیں مسلمان ہونے کو کہتی ۔ اس کی ماں بہت بیمار تھی ۔ دو مہینہ کے بعد وہ مر گئی تو وہ اس کو دفن کے لئے مسلمانوں کو دینے کو کہتی اور یہ کہتی رہی کہ میری ماں نے میرے سامنے کلمہ پڑھا ہے ۔ اب روز ہمارے گھر میں ایک فساد ہونے لگا ‘ کبھی وہ بھائیوں کو مسلمان ہونے کو کہتی تو کبھی باپ کو ‘ ہم لوگوں نے اسے میرٹھ اس کے نانیہال میں پہنچادیا ۔ اس کے ماموں بھی اس کی مسلمانیت سے عاجز آگئے اور انہوں نے اسکے والدکو اور مجھے بلایا کہ اسے ہمارے ہاں سے لے جاؤ، ہم لوگ روز ر وز کے جھگڑوں سے عاجز آگئےہیں ۔
اب میں نے بجرنگ دل کے ذمہ داروں سے مشورہ کیا ‘ سب نے اسے مار ڈالنے کا مشورہ دیا ۔ میں اسے گاؤں لے آیا‘ ایک دن جاکر ندی کے کنارے پانچ فٹ گہرا گڑھا کھودا ۔ میں اور میرے بڑے بھائی (حراءکے والد) بُوا کے گھر کے بہانے اس کو لے کر نکلے ۔ اسے شاید اصل حقیقت کا علم ہو چکا تھا ‘ وہ نہائی ، نئے کپڑے پہنی اور ہم سے کہا کہ چچا! آخری نماز پڑھنے دو ‘ جلدی سے نماز پڑھی اور خوشی خوشی دلہن سی بن کر ہمارے ساتھ چل دی ۔

کس دل سے پوری کروں یہ داستان ؟ مگرپوری تو کرنی ہے ، میرے تھیلے میں پانچ لیٹر پٹرول تھا ۔ ہم اس کو لیکر اس گڑھے کے پاس پہنچے جو ایک دن پہلے پروگرام کے تحت کھودا گیا تھا۔ مجھ جےسے درندہ صفت چچا نے یہ کہہ کر اس پھول سی بچی کو اس گڑھے میں دھکا دے دیا کہ تو ہمیں جہنم کی آگ سے کیا بچائے گی توخود نرک کا مزہ چکھ ۔ گڑھے میں دھکا دیکر میں نے اس کے اوپرسارا پٹرول ڈال دیا اور ماچس جلا دیا ۔

میرے بھائی( حراءکے والد) بس روتے ہوئے اس کو کھڑے دیکھتے رہے ‘ جلتی ہوئی ماچس کی تیلی جب اس پر لگی تو آگ اس کے نئے کپڑوں میں بھڑک اٹھی‘اس حال میں اس نے ہاتھ آسمان کے طرف اٹھائی اور چیخی:
” میرے اللہ ! آپ مجھے دیکھ رہے ہیں نا! میرے اللہ ! آپ مجھے دیکھ رہے ہیں نا! میرے اللہ ! آپ مجھ سے محبت کرتے ہیں نا! اپنی حراءسے بہت پیار کرتے ہیں نا‘ ہاں میرے اللہ! آپ غار حراءسے بھی محبت کرتے ہیں ‘ اور گڑھے میں جلتی حراءسے بھی محبت کرتے ہیں نا‘ آپ کی محبت کے بعد مجھے کسی کی محبت کی ضرورت نہیں “ ۔

اس کے بعد اس نے زور زور سے کہنا شروع کیا : ابّا! اسلام ضرور قبول کرلینا ‘ مسلمان ضرور ہو جانا‘ چاچا! مسلمان ضرور ہو جانا‘ اس پر مجھے غصہ آگیا اور میں بھائی صاحب کا ہاتھ پکڑ کر چلا آیا ۔ بھائی صاحب مجھ سے کہتے رہے کہ ایک بار اور سمجھا کر دیکھ لیتے ‘ مجھے ان پر غصہ آیا۔

بعد میں واپس آتے ہوئے ہم نے گڑھے کے اندر سے زور زور سے ” لاالہ الا اللہ “ کی آواز یں آتی سنی ‘ ہم اپنے مذہبی فریضے کو ادا کرکے چلے آئے مگر اس کے ایمان ویقین میں ڈوبے آخری الفاظ میرے پتھر دل کے ٹکڑے ٹکڑے کر گئے۔حراءکے والد آکر بیمار ہو گئے ‘ ان کے دل میں صدمہ سا بیٹھ گیااور یہ بیماری ان کے لئے جان لیوا ثابت ہو ئی۔ مرنے کے دو دن پہلے انہوں نے مجھے بلایا اور کہا کہ میں نے زندگی میں جو کچھ کیا مگر اب میری موت ہیرا کے دھرم پر جائے بغیر نہیں ہو سکتی۔ تم کسی مو لوی کو بلا لاؤ ۔ میں بھی بھائی صاحب کی حال کی وجہ سے ٹوٹ گیا ۔ میں مسجد کے امام صاحب کو لے آیا ۔ انہوں نے ان کو کلمہ پڑھاکر ان کا نام عبد الرحمن رکھا ۔بھائی صاحب نے مجھ سے کہا کہ مجھے مسلمانوں کی طرح مٹی دینا۔ میرے لیے یہ بہت مشکل تھامگر میں نے بھائی کی آخری خواہش پوری کرنے کے لئے ان کو علاج کے بہانے دہلی لے گیا ‘وہاں ایک ہاسپیٹل میں داخل کیا ۔ اسپتال میں ہی انکی موت ہوئی ۔ وہ بہت اطمینان سے مرے ‘ ہمدرد کے ایک ڈاکٹر سے یہ حال سنایا تو انہوں نے کچھ مسلمانوں کو بلاکر انکے دفن کا انتظام کیا۔ مگر بھائی کے مسلمان ہو کر مرنے کا مجھے بہت دکھ تھا اور یہ یقین ہو گیا کہ میری بھابھی بھی مسلمان ہوگئی ہوگی ۔
مجھے ایسالگا کہ کسی مسلمان نے میرے گھر پر جادو کردیا ہے اور وہ دلوں کو باندھ رہا ہے کہ ایک ایک کر کے سب اپنے دھرم کو چھوڑ کر مسلمان ہو کر مر رہے ہیں ۔ اس تعلق سے میں نے بہت سے جیوتشیوں سے بات کی۔میں ایک تانترک کی تلاش میں ”شاملی “سے ” اون “ جا رہا تھا، بس میں سوار ہوا تو بس کسی مسلمان کی تھی اور ڈرائیوربھی مسلمان تھا۔ اس نے ٹیپ میں قوالی چلا رکھی تھی ” بڑھیا “ نام کی قوالی تھی ۔اس میں ہمارے نبی اکو ایک بڑھیا کے ستانے ‘ لیکن آپ ﷺکا اس کے ساتھ اچھے سلوک ، اس کو سمجھانے اور پھر بڑھیا کے مسلما ن ہوجانے کا قصہ تھا۔۔اس قوالی نے میری سوچ ہی بدل دی۔ مجھے خیال ہوا کہ جس نبی کا یہ قصہ ہے وہ جھوٹا نہیں ہو سکتا ۔ میں ” اون “ کے بجائے ” جھنجھانہ “ اتر گیا ۔اور خیال ہوا کہ مجھے اسلام کے بارے میں پڑھنا چاہیے ‘اس کے بعد شاملی کی بس میں بےٹھ گیا ۔ اس میں بھی ٹیپ بج رہا تھا۔ پاکستان کے مولانا قاری حنیف صاحب کی تقریر تھی ‘ مرنے اور مرنے کے بعد کے حالات پر تقریر مشتمل تھی۔ مجھے ” شاملی “ اترنا تھا مگر تقریر ابھی مکمل نہ ہوئی تھی‘ شاملی بس اسٹاپ پر پہنچ کر ڈرائیور نے ٹیپ بند کردیا ۔ میں نے تقریر سننے کے لئے مظفر نگرکا ٹکٹ لے لیا مگر ” بگھرا“ پہنچ کر وہ تقریر ختم ہو گئی۔ اس تقریر نے اسلام سے میرے فاصلے کو بہت کم کر دیا ۔ میں بڑھانہ روڈ پر اتر کر گھر جانے کے لئے دوسری بس میں سوار ہوگیا ۔ اس بس میں مجھ سے قریب ایک مولوی صاحب بیٹھے ہوئے تھے‘ ان سے میں نے کہا کہ میں اسلام کے بارے میں کچھ پڑھنا چاہتاہوں اور اسلام کے بارے میں معلومات حاصل کرنا چاہتاہوں ‘ آپ اس سلسلہ میں میری مدد کریں ‘ انہوں نے کہا آپ پھلت جاکر مولوی کلیم صدیقی سے ملیں ۔ میں نے پھلت کا پتہ معلوم کیا اور گھر جانے کے بجائے پھلت پہنچا۔ مولوی کلیم صدیقی موجود نہیں تھے‘ اگلے روز صبح کو آنے والے تھے۔ رات کو ایک ماسٹر صاحب نے مجھے مولوی کلیم صدیقی کی کتاب ” آپ کی امانت آپ کی سیوا میں “ دیا ۔ اس کتاب کی زبان اور دل کو چھو لینے والی باتوں نے مجھے شکار کرلیا ۔ مولوی صاحب صبح سویرے کے بجائے اگلے دن شام کو پھلت آئے ۔ میں نے مغرب کے بعد ان سے مسلمان ہونے کی خواہش کا اظہار کیا اور کہا میں اسلام کے بارے میں معلومات کرنے آیا تھا مگر آپ کی امانت نے مجھے شکار کر لیا ۔ مو لوی صاحب بہت خوش ہوئے ۔ ۳۱ جنوری ٢٠٠٠ ءکو مجھے کلمہ پڑھایا اور میرا نام عبداللہ رکھا ۔ رات کو میں وہی رکا ‘ میں نے مولوی صاحب سے ایک گھنٹے کا وقت مانگا ۔ اور اپنے ظلم وبربریت کے ننگے ناچ کی کہانی سنائی۔ مولوی صاحب نے مجھے تسلی دی کہ اسلام پچھلے سارے گناہوں کو ختم کر دیتا ہے۔ مگر میرے دل کو اطمینان نہ ہوا کہ اس درجہ سفاکی اور بربریت کو کس طرح معاف کیا جا سکتاہے۔ مولوی صاحب مجھ سے کہتے رہے کہ قبول اسلام سے پچھلے سارے گناہ معاف ہو جاتے ہیں ۔ آپ اپنے دل کے اطمینان کے لئے اب کچھ مسلمانوں کی جان بچانے کی کوشش کریں ۔ قرآن کا فرمان ہے کہ نیکیاں گناہوں کو زائل کر دیتی ہیں ( اِنَّ الحَسَنَاتِ یُذھِبنَ السَّیِّئَات ) میں اپنے دل کی تسلی کے لئے کوشش کرتاہوں کہ کسی حادثہ میں یا بیماری میں ‘ کوئی مسلمان مر رہا ہے تو اسے بچاؤں ۔
میں نے گاؤں کے مکانات اور زمینیں سستے داموں میں فروخت کی اور دہلی میں مکان لیا ۔ بیوی اور دو بھتیجیوں اور حراءکی بہن کو تیار کیا اور پھلت لے جاکر کلمہ پڑھوایا ۔ میرا دل ہر وقت اس غم میں ڈوبا رہتا ہے کہ اتنے سارے مسلمانوں اور پھول سی بچی کا سفاکی سے قتل کرنے والا کس طرح معافی کامستحق ہے۔ مولوی صاحب نے مجھے قرآن شریف پڑھنے کو کہا اور خاص کر سورة بروج کو بار بار پڑھنے کو کہا ‘اب مجھے وہ زبانی یاد ہے، مجھے ایسا لگاکہ غیب کے جاننے والے اللہ نے اس میں ہمارا ہی نقشہ کھینچا ہے۔ ( سورة البروج: ۴۔۹)۔

اس سورہ کو پڑھیں اور حراءکی تڑپا دینے والی آخری صداؤں پر غور کریں ۔
(بشکریہ ماہنامہ ”ارمغان“ فروری ٢٠٠٥ ء )۔
 

محمد ارسلان

خاص رکن
شمولیت
مارچ 09، 2011
پیغامات
17,859
ری ایکشن اسکور
41,092
پوائنٹ
1,155
اس واقعہ کو میں نے مکتبہ دارالسلام کی شائع کردی ایک کتاب میں پڑھا تھا، بہت ہی دکھ بھرا واقعہ ہے، بہرحال اسلام قبول کرنے سے سابقہ گناہ معاف ہو جاتے ہیں اور اللہ چاہے تو ان کو نیکیوں میں بھی بدل دیتا ہے، بس اسلام پر ثابت قدمی کی دعا مانگنی چاہیے، اللہ تعالیٰ اسے بھی جنت الفردوس عطا فرمائے جسے اسلام کی خاطر زندہ جلایا گیا۔آمین
 

ارم

رکن
شمولیت
جنوری 09، 2013
پیغامات
39
ری ایکشن اسکور
173
پوائنٹ
42
اس واقعہ کو میں نے مکتبہ دارالسلام کی شائع کردی ایک کتاب میں پڑھا تھا، بہت ہی دکھ بھرا واقعہ ہے، بہرحال اسلام قبول کرنے سے سابقہ گناہ معاف ہو جاتے ہیں اور اللہ چاہے تو ان کو نیکیوں میں بھی بدل دیتا ہے، بس اسلام پر ثابت قدمی کی دعا مانگنی چاہیے، اللہ تعالیٰ اسے بھی جنت الفردوس عطا فرمائے جسے اسلام کی خاطر زندہ جلایا گیا۔آمین
ثم آمین
 

عابدالرحمٰن

سینئر رکن
شمولیت
اکتوبر 18، 2012
پیغامات
1,124
ری ایکشن اسکور
3,234
پوائنٹ
240
مولانا کلیم صدیقی صاحب سے اس طرح کے بہت سارے واقعات منسوب ہیں موصوف ایک بڑے داعی ہیں ان کی دعوت غیر مسلموں سے متعلق ہے اب تک سیکٹروں غیر مسلم موصوف کے ہاتھ پر ایمان قبول کرچکے ہیں موصوف حنفی ہیں اور پیر مریدی بھی کرتے ہیں ہمارے شہر سے پینتیس کلو میٹر کے فاصلہ پر ہیں اچھے انسان ہیں اللہ والےہیں اور ولی صفت ہیں
 

محمد ارسلان

خاص رکن
شمولیت
مارچ 09، 2011
پیغامات
17,859
ری ایکشن اسکور
41,092
پوائنٹ
1,155
مولانا کلیم صدیقی صاحب سے اس طرح کے بہت سارے واقعات منسوب ہیں موصوف ایک بڑے داعی ہیں ان کی دعوت غیر مسلموں سے متعلق ہے اب تک سیکٹروں غیر مسلم موصوف کے ہاتھ پر ایمان قبول کرچکے ہیں موصوف حنفی ہیں اور پیر مریدی بھی کرتے ہیں ہمارے شہر سے پینتیس کلو میٹر کے فاصلہ پر ہیں اچھے انسان ہیں اللہ والےہیں اور ولی صفت ہیں
بھائی میں ایک بات پوچھنا چاہتا ہوں، آپ اس کو اختلاف نہ لیجئے گا، بس اچھے انداز سے اس موضوع پر ہم دونوں گفتگو کرتے ہیں۔ ان شاءاللہ
آپ مجھے بتائیں کہ:
حنفی
پیری مریدی
اللہ والے
ولی صفت
سے آپ کی کیا مراد ہے؟ یعنی آپ بیان کریں کہ آپ کے نزدیک حنفی کون ہوتا ہے؟ پیری مریدی کیا ہوتی ہے؟ اللہ والے کون لوگ ہوتے ہیں؟ اور ولی صفت والے کون لوگ ہوتے ہیں؟
 

عابدالرحمٰن

سینئر رکن
شمولیت
اکتوبر 18، 2012
پیغامات
1,124
ری ایکشن اسکور
3,234
پوائنٹ
240
السلام علیکم
ارسلان بھائی میں اپنی مراد پیش خدمت کرتا ہوں شاید پسند نہ آئے
حنفی
سے مراد یہ تھا کہ حنفی بھی دعوت وتبلیغ کا کام کرتے ہیں ۔دماغ میں یہ بات آئی کہ اس واقعہ سے منسوب ایک شخصیت ہیں وہ حنفی ہیں اور حنفی بھی اچھے کام کرتے ہیں تاکہ ذہنوں میں جو دوری ہے وہ کچھ سمٹے۔
پیری مریدی
تزکیہ نفس کی تعلیم بھی دیتے ہیں
اللہ والے
یعنی مستجاب الدعوات ہیں اللہ سے جو دعاء کرتے ہیں اللہ اکثر ان کی دعاؤں کو رد نہیں کرتے اس میں اللہ تعالیٰ کی جو بھی مصلحت ہو
ولی صفت
ولیوں کی یہ صفت ہوتی ہے کہ وہ کسی کو تکلیف نہیں دیتے صبر کرتے ہیں عجز وانکساری والے ہوتے ہیں وغیرہ وغیرہ
پیری مریدی والے مسئلہ کو میں چھیڑنا نہیں چاہتا
 

محمد ارسلان

خاص رکن
شمولیت
مارچ 09، 2011
پیغامات
17,859
ری ایکشن اسکور
41,092
پوائنٹ
1,155
السلام علیکم
ارسلان بھائی میں اپنی مراد پیش خدمت کرتا ہوں شاید پسند نہ آئے
حنفی
سے مراد یہ تھا کہ حنفی بھی دعوت وتبلیغ کا کام کرتے ہیں ۔دماغ میں یہ بات آئی کہ اس واقعہ سے منسوب ایک شخصیت ہیں وہ حنفی ہیں اور حنفی بھی اچھے کام کرتے ہیں تاکہ ذہنوں میں جو دوری ہے وہ کچھ سمٹے۔
پیری مریدی
تزکیہ نفس کی تعلیم بھی دیتے ہیں
اللہ والے
یعنی مستجاب الدعوات ہیں اللہ سے جو دعاء کرتے ہیں اللہ اکثر ان کی دعاؤں کو رد نہیں کرتے اس میں اللہ تعالیٰ کی جو بھی مصلحت ہو
ولی صفت
ولیوں کی یہ صفت ہوتی ہے کہ وہ کسی کو تکلیف نہیں دیتے صبر کرتے ہیں عجز وانکساری والے ہوتے ہیں وغیرہ وغیرہ
پیری مریدی والے مسئلہ کو میں چھیڑنا نہیں چاہتا
حنفی
حنفی کی کیسی تعریف پیش کی ہے آپ نے، کیا آپ کے نزدیک دعوت و تبلیغ کا کام کرنے والا حنفی ہوتا ہے۔ میرے سوال پر غور کریں۔
یعنی آپ بیان کریں کہ آپ کے نزدیک حنفی کون ہوتا ہے؟
نیز یہ بھی بتائیں کہ آپ اپنے آپ کو حنفی کیوں کہتے ہیں، یہ لقب "حنفی" آپ کو کس نے دیا ہے؟
پیری مریدی
کیا یہ مخصوص طبقہ ہی تزکیہ و نفس کی تعلیم دیتا ہے، یا تزکیہ ونفس کی تعلیم دینے والے پیری مریدی ہوتے ہیں، اور پیری مریدی کی شرعی حیثیت بھی بیان کریں، ماشاءاللہ، آپ مفتی بھی ہیں۔
اللہ والے
یعنی اللہ والے وہ لوگ ہوتے ہیں جو مستجاب الدعوات ہوں، یا جن کی ہر دعائیں قبول ہوتی ہوں، جو اللہ کے زیادہ قریب ہوں، تو میری نظر میں بھی جو عقیدہ توحید کے ساتھ مسنون صالح اعمال کرے تو وہ اللہ کے زیادہ قریب ہوتا ہے، اور اللہ سے سب سے زیادہ ڈرنے والے محمد رسول اللہ صلی اللہ علیہ وسلم تھے۔
ولی صفت
ولیوں کی یہ صفت ہوتی ہے کہ وہ کسی کو تکلیف نہیں دیتے صبر کرتے ہیں عجز وانکساری والے ہوتے ہیں وغیرہ وغیرہ
گزارش ہے کہ یہ بتائیں جس شخص میں یہ تینوں باتیں ہو لیکن وہ اللہ پر ایمان لانے والا نہ ہو، یا اللہ پر ایمان لا کر اپنے ایمان کو ظلم (شرک) سے آلودہ کرے وہ تب بھی "ولی صفت" ہو گا؟
پیری مریدی والے مسئلہ کو میں چھیڑنا نہیں چاہتا
آج کل جو پیری مریدی چل رہی ہے اس پر اپنا موقف تو بیان کر سکتے ہیں؟
 

عابدالرحمٰن

سینئر رکن
شمولیت
اکتوبر 18، 2012
پیغامات
1,124
ری ایکشن اسکور
3,234
پوائنٹ
240
السلام علیکم
حنفی : سے مراد مسلک حنفی ہے اور میں نے موصوف کی نسبت اسی مسلک کی طرف کی تھی ،اسی نسبت سے ہم حنفی ہوئے جیسے آپ خود کو اہل حدیث کہتے ہیں ۔ میں بھی آپ سے یہی سوال کرتا ہوں کہ آپ کو محدث کس نے بنایا اور آپ نے کتنی احادیث جمع کیں یا کتنی احادیث کے حافظ ہیں یا علم حدیث سے متعلق آپ کی خدمات کیا ہیں ۔
پیری مریدی: میرے نزدیک پیر ،استاذ کو کہتے ہیں اور شاگرد کو مرید کہتے ہیں ۔اب اچھا ہے یا برا میں نے اس پر کوئی کمنٹ نہیں کیا۔ ہاں اتنا ضرور کہوں گا اگر کوئی پیر یا استاذ اسلامی تعلیمات کی روشنی میں صحیح کام کرے گا تو صحیح ہے اگر اسلام سے ہٹ کر کوئی استاذ یا پیر یاکوئی محدث ہی کیوں نہ ہو اسلامی تعلیمات سے ہٹ کر کام کرے گا تو وہ مردود ہے،بس میرا تو یہی ماننا ہے اب کوئی غلط تعبیر کرے تو میرے پاس اس کا کوئی علاج نہیں
اللہ والے اور ولی صفت : اس کی میں وضاحت کرچکا ہوں جو پابند شرعت ہوگا وہ اللہ والا اور شریعت پر عمل کرنے سے جو خوبیاں پیدا ہوتی ہیں وہ صفات ہیں ۔ مثلاً نماز پڑھنے والے کو نمازی اور حج کرنے والے کو حاجی کہا جاتا ہے۔ اور دوسری بات یہ ہے کہ میرے علم میں نہیں حضور ﷺ کے زمانہ مبارکہ میں نمازی اورحاجی کو کوئی خطاب دیا گیا ہو ۔ان القاب کے بارے میں آپ کی کیا رائے ہے یہ بدعت ہے یا مسنون ہے یا بدعت حسنہ ہے جائز ہے یا ناجائز ہے اس بارے میں آپ میری کچھ رہنمائی فرمائیں تاکہ میں بھی کسی کو آگاہ کرسکوں۔ فقط والسلام
 

ارم

رکن
شمولیت
جنوری 09، 2013
پیغامات
39
ری ایکشن اسکور
173
پوائنٹ
42
اس واقعہ کو میں نے مکتبہ دارالسلام کی شائع کردی ایک کتاب میں پڑھا تھا، بہت ہی دکھ بھرا واقعہ ہے، بہرحال اسلام قبول کرنے سے سابقہ گناہ معاف ہو جاتے ہیں اور اللہ چاہے تو ان کو نیکیوں میں بھی بدل دیتا ہے، بس اسلام پر ثابت قدمی کی دعا مانگنی چاہیے، اللہ تعالیٰ اسے بھی جنت الفردوس عطا فرمائے جسے اسلام کی خاطر زندہ جلایا گیا۔آمین
"نسیم ہدایت کے جھونکے " میں یہ سب سے پہلی قبول اسلام کی داستان ہے، پاکستان میں مکتبۂ یادگار شیخ نے چھاپی ہے، دار السلام کی پتہ نہیں کس کتاب میں ہو
 

جمشید

مشہور رکن
شمولیت
جون 09، 2011
پیغامات
871
ری ایکشن اسکور
2,331
پوائنٹ
180
اردو کی برقی کتابیں
یہاں سے
"نسیم ہدایت کے جھونکے"
پانچ جلدوں ورڈ فائل کی صورت میں ڈاؤن لوڈ کیاجاسکتاہے۔
اس کے علاوہ آن لائن ان پیج کی بھی فائل ملتی ہے ۔اگرکسی کومطلوب ہوتو مجھے پی ایم کردے۔
 
Top