![محدث فورم [Mohaddis Forum]](/styles/default/xenforo/Forum.jpg)
عبد الرشید
رکن ادارہ محدث
- شمولیت
- مارچ 02، 2011
- پیغامات
- 5,402
- ری ایکشن اسکور
- 9,991
- پوائنٹ
- 667
کتاب کا نام
نبی کریم ﷺ کے صحابہ رضی اللہ عنہم کی تابناک زندگیاں
مصنف
ڈاکٹر عبدالرحمن رافت الباشا
مترجم
اقبال احمد قاسمی
ناشر
دارالکتب السلفیۃ
تبصرہ
صحابہ نام ہے ان نفوس قدسیہ کا جنہوں نے محبوب ومصدوق رسول ﷺ کے روئے مبارک کو دیکھا اور اس خیر القرون کی تجلیات ِایمانی کو اپنے ایمان وعمل میں پوری طرح سمونے کی کوشش کی ۔ صحابی کا مطلب ہے دوست یاساتھی شرعی اصطلاح میں صحابی سے مراد رسول اکرم ﷺکا وہ ساتھی ہے جو آ پ پر ایمان لایا،آپ ﷺ کی زیارت کی اور ایمان کی حالت میں دنیا سے رخصت ہوا ۔ صحابی کالفظ رسول اللہﷺ کے ساتھیوں کے ساتھ کے خاص ہے لہذاب یہ لفظ کوئی دوسراا شخص اپنے ساتھیوں کےلیے استعمال نہیں کرسکتا۔ انبیاء کرامؑ کے بعد صحابہ کرام ؓ کی مقدس جماعت تمام مخلوق سے افضل اور اعلیٰ ہے یہ عظمت اور فضیلت صرف صحابہ کرامؓ کو ہی حاصل ہے کہ اللہ نے انہیں دنیا میں ہی مغفرت،جنت اور اپنی رضا کی ضمانت دی ہے بہت سی قرآنی آیات اور احادیث اس پر شاہد ہیں۔صحابہ کرام سے محبت اور نبی کریم ﷺ نے احادیث مبارکہ میں جوان کی افضلیت بیان کی ہے ان کو تسلیم کرنا ایمان کاحصہ ہے ۔بصورت دیگرایما ن ناقص ہے ۔ صحابہ کرام ؓ کے ایمان ووفا کا انداز اللہ کو اس قدر پسند آیا کہ اسے بعد میں آنے والے ہر ایمان لانے والے کے لیے کسوٹی قرار دے دیا۔یو ں تو حیطہ اسلام میں آنے کے بعد صحابہ کرام ؓ کی زندگی کاہر گوشہ تاب ناک ہے لیکن بعض پہلو اس قدر درخشاں ،منفرد اور ایمان افروز ہیں کہ ان کو پڑہنے اور سننے والا دنیا کا کوئی بھی شخص متاثر ہوئے بغیر نہیں رہ سکتا۔ صحابہ کرام ؓ کےایمان افروز تذکرے سوانح حیا ت کے حوالے سے ائمہ محدثین او راہل علم کئی کتب تصنیف کی ہیں عربی زبان میں الاصابہ اور اسد الغابہ وغیرہ قابل ذکر ہیں ۔اور اسی طرح اردو زبان میں کئی مو جو د کتب موحود ہیں ۔ زیر تبصرہ کتاب ’’ نبی کریم ﷺ کے صحابہ ؓ کی تابناک زندگیاں‘‘ مصر کے معروف عالم دین ڈاکٹر عبد الرحمن رافت پاشا کی کتاب ’’ صور من حیاۃ الصحابۃ‘‘ کا ترجمہ ہے ۔اس کتاب میں فاضل مصنف نے ا ٹھاون صحابہ کرام ؓ کی زندگیوں کے مختلف گوشوں او را ن کے بے مثال کارناموں کو اس انداز اور ترتیب سے پیش کیا ہے کہ دورِ صحابہ کی اسلامی تاریخ کا بہت بڑا حصہ سامنے آگیا ہے۔عربی کتاب کے ترجمہ کی سعادت محترم اقبال عمد قاسمی نے حاصل کی ہے ۔ صور من حیاۃ الصحابۃ کا ایک ترجمہ ’’حیاۃ صحابہ کے درخشاں پہلو‘‘ کے نام سے مولانا محمود احمد غضنفر کے رواں قلم سے بھی موجود ہے ۔اللہ تعالی فاضل مصنف کی اس کاوش کو شرف قبولیت سے نوازے اور اسے اہل اسلام کی اصلاح کا ذریعہ بنائے (آمین) (م۔ا)نبی کریم ﷺ کے صحابہ رضی اللہ عنہم کی تابناک زندگیاں
مصنف
ڈاکٹر عبدالرحمن رافت الباشا
مترجم
اقبال احمد قاسمی
ناشر
دارالکتب السلفیۃ
تبصرہ
Last edited: