نقش خیال

[عبد الرشید]

کتاب کا نام

نقش خیال

مصنف کا نام

عرفان صدیقی

ناشر

خزینہ علم وادب لاہور

تبصرہ

محترم عرفان صدیقی کا شمار پاکستان کے ان نامور کالم نگاروں میں ہوتا ہے جن کا کالم مذہبی، سیاسی اور علمی حلقوں میں یکساں مقبولیت رکھتا ہے۔ وہ جب کاغذ پر قلم رکھتے ہیں تو موج دریا ٹھہر سی جاتی ہے اور الفاظ دست بستہ ان کی خدمت میں حاضر نظر آتے ہیں۔ ان کا کالم جہاں معلومات کا بحر بے کنار ہوتا ہے وہیں ادب کی چاشنی بھی لیے ہوتا ہے۔ 2001ء وہ خون آشام سال تھا جس میں ایک فوجی ڈکٹیٹر نے امریکہ کی ایک دھمکی پر اپنا سب کچھ نچھاور کرنے کا پیمان کر لیا۔ اس کے بعد افغانستان میں جو کچھ ہوا وہ سب کچھ اس کتاب میں رقم کر دیا گیا ہے۔ ’نقش خیال‘ در اصل ان کالموں کا مجموعہ ہے جو طالبان، افغانستان اور امریکی یلغار کے تناظر میں لکھے گئے اور روزنامہ ’نوائے وقت‘ میں شائع ہوتے رہے۔ افغانستان اور طالبان کے حوالے سے ہمارے ہاں بہت سے شبہات پائے جاتے ہیں اس کتاب کے مطالعے کے بعد افغانستان کی شفاف تصویر سامنے آ جائے گی۔ عرفان صدیقی صاحب کے کالم کی پسندیدگی کی ایک یہ بھی ہے کہ انھوں نے کالم کے معیار کو مستقلاً برقرار رکھا اور اس کی دلکشی میں کوئی کمی نہیں آنے دی۔ انھوں نے کالم میں شعر و ادب کی چاشنی کو زندہ کیا اور نہایت پر کشش اسلوب اختیار کیا۔(ع۔م)
اس کتاب نقش خیال کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[خضر حیات]

اكثر كتب پر تبصرہ کے بعد (ع۔ ـ م ) لکھا ہوتا ہے ، اس کا کیا مطلب ہے ؟

 

[شاکر]

اكثر كتب پر تبصرہ کے بعد (ع۔ ـ م ) لکھا ہوتا ہے ، اس کا کیا مطلب ہے ؟

یہ ہمارے ادارے کے اندرونی ریکارڈ کے لئے ہے۔ اس سے ہمیں یہ معلوم ہو جاتا ہے کہ تبصرہ کس عالم نے کیا ہے۔ یہ عموماً اس عالم کے نام کے initials ہوتے ہیں۔

 

[خضر حیات]

جزاکم اللہ ......
اگر کوئی مصلحت پوشیدہ نہیں ہے تو واضح نام لکھ دیا کریں ، کیونکہ مبصِّر کی پہچان فہمِ تبصرہ میں ممد و معاون ثابت ہو سکے ....

 

[شاکر]

جزاکم اللہ ......
اگر کوئی مصلحت پوشیدہ نہیں ہے تو واضح نام لکھ دیا کریں ، کیونکہ مبصِّر کی پہچان فہمِ تبصرہ میں ممد و معاون ثابت ہو سکے ....

اس بارے میں انس نضر بھائی جان یا ابو الحسن علوی بھائی جان ہی بہتر بتا سکتے ہیں۔

 

[باذوق]

اس کتاب نقش خیال کو آن لائن پڑھنے یا ڈاؤن لوڈ کرنے کے لیے یہاں کلک کریں

400 صفحات کی کتاب اور 40 میگا بائیٹس ؟ یہ تو ظلم ہے بھائی

 

[انس]

اس بارے میں انس نضر بھائی جان یا ابو الحسن علوی بھائی جان ہی بہتر بتا سکتے ہیں۔

یہ عمران اسلم بھائی ہیں۔

 

[کلیم حیدر]

400 صفحات کی کتاب اور 40 میگا بائیٹس ؟ یہ تو ظلم ہے بھائی

کچھ سیٹنگ میں تبدیلی کے ساتھ اب سائز 28 ایم بی کے قریب ہوگیا ہے۔کل تک اپ ڈیٹ کردی جائے گی۔

 

[باذوق]

کچھ سیٹنگ میں تبدیلی کے ساتھ اب سائز 28 ایم بی کے قریب ہوگیا ہے۔کل تک اپ ڈیٹ کردی جائے گی۔

محبی حضور ! آپ کی اتنی مہربانی سے قبل ہی بچاری چڑیوں نے آدھا کھیت تو چگ ہی لیا ۔۔۔ :)
کل رات ڈاؤن لوڈ کی تھی اور قریب آدھی کتاب بھی پڑھ ڈالی۔

 

[عبد الرشید]

نقش خیال کا سائز کم کر کے اپ ڈیٹ کر دیا گیا ہے