نماز میں ہاتھ باندھنے کا مسئلہ

[ڈاکٹر عادل ایوب سلفی]

السلام علیکم و رحمة الله وبركاته!

نماز میں ہاتھ سینے پر باندھنا

سیدنا سہل بن سعد رضی اللہ عنہ سے روایت ہے کہ لوگوں کو رسول اللہ صلی علیہ وسلم کی طرف سے یہ حکم دیا جاتا تھا:"نماز میں دایاں ہاتھ بائیں ذراع(کلائی) پر رکھیں"
(صحیح البخاري،الاذان،حدیث نمبر 740)
ذراع عربی میں کہنی سے لے کر ہاتھ تک کو کہتے ہیں گر پوری ذراع پر ہاتھ رکھا جائے تو وہ ناف سے نیچے نہیں آتا۔
ایک اور حسن روایت میں ہے کہ

سیدنا ہلب طائی رضی اللہ عنہ فرماتے ہیںہ کہ میں نے رسول اللہ !صلی اللہ علیہ وسلم کو سینے پر ہاتھ رکھے ہوئے دیکھا۔
(مسند احمد،226/5، درجہ حدیث حسن)

سیدنا وائل بن حجر رضى الله عنہ کہتے ہیں کہ میں نے رسول الله صلی الله علیہ وسلم کے ساتھ نماز پڑھی تو آپ نے اپنا دایاں ہاتھ بائیں ہاتھ پر رکھ کر سینے پر باندھا۔
(ابن خزیمہ 243/1 (479) امام ابن خزیمہ نے اس روایت کو صحیح کہا)

ان سب روایات سے ثابت ہوا نماز میں ہاتھ سینے پر باندھنے چاہئیں۔

حضرت علی رضی اللہ عنہ سے منسوب ایک روایت کہ ہتھیلی کو ہتھیلی پر زیر ناف رکھاجائے۔
(سنن أبی داود، الصلاۃ ، حدیث نمبر 756، درجہ حدیث ضعیف)
اس روایت کی سند عبدالرحمن بن اسحاق الکوفی الواسطی کے ضعیف ہونے اور ذیاد بن زید کے مجہول ہونے کی وجہ سے ضعیف ہے ،
امام بیہقہی اور حافظ ابن حجر رحمتہ الله علیہما نے ضعیف قرار دیا ہے
اور امام نووی رحمتہ الله فرماتے ہیں کہ اس کے ضعیف ہونے پر سب کا اتفاق ہے۔
والله اعلم
الله پاک عمل کی توفیق عطا فرمائے
آمين ثم آمين

 

[عبدالرحمن بھٹی]

ذراع عربی میں کہنی سے لے کر ہاتھ تک کو کہتے ہیں گر پوری ذراع پر ہاتھ رکھا جائے تو وہ ناف سے نیچے نہیں آتا۔

ذراع عربی میں کہنی سے لے کر ہاتھ کی درمیانی انگلی کی نوک تک کے حصہ کو کہتے ہیں ۔ دائیں ہاتھ کو بائیں ہاتھ کی ’ذراع‘ پر کہیں بھی رکھیں تو یہ ’ذراع‘ پر ہی کہلائے گا۔

گر پوری ذراع پر ہاتھ رکھا جائے تو وہ ناف سے نیچے نہیں آتا

یہ آپ کا اپنا قیاس ہے جو دیگر صحیح احادیث کے خلاف ہے جن میں ہاتھ باندھنے کا طریقہ ہے۔

 

[ابن داود]

السلام علیکم ورحمۃ اللہ وبرکاتہ!

یہ آپ کا اپنا قیاس ہے جو دیگر صحیح احادیث کے خلاف ہے جن میں ہاتھ باندھنے کا طریقہ ہے۔

اول تو یہ قیاس نہیں یہ استنباط ہے
دوم وہ صحیح حدیث پیش کریں جس کے خلاف یہ استنباط ہے!

 

[عبدالرحمن بھٹی]

السلام علیکم و رحمۃ اللہ
صحيح البخاري أَبْوَابُ الْعَمَلِ فِي الصَّلَاةِ فی الباب عن ابْنُ عَبَّاسٍ رَضِيَ اللَّهُ عَنْهُمَا
وَوَضَعَ عَلِيٌّ رَضِيَ اللَّهُ عَنْهُ كَفَّهُ عَلَى رُسْغِهِ الْأَيْسَرِ
علی رضی اللہ تعالیٰ عنہ نے اپنی ہتھیلی الٹے ہاتھ کے گٹ پر رکھی

سنن النسائي عن وَائِلَ بْنَ حُجْرٍ
ثُمَّ وَضَعَ يَدَهُ الْيُمْنَى عَلَى كَفِّهِ الْيُسْرَى وَالرُّسْغِ وَالسَّاعِدِ
پھر دایاں ہاتھ بائیں ہاتھ کی ہتھیلی کے جوڑ کے پاس کلائی پر رکھا
والسلام

 

[ابن داود]

السلام علیکم ورحمۃ اللہ وبرکاتہ!

السلام علیکم و رحمۃ اللہ
صحيح البخاري أَبْوَابُ الْعَمَلِ فِي الصَّلَاةِ فی الباب عن ابْنُ عَبَّاسٍ رَضِيَ اللَّهُ عَنْهُمَا
وَوَضَعَ عَلِيٌّ رَضِيَ اللَّهُ عَنْهُ كَفَّهُ عَلَى رُسْغِهِ الْأَيْسَرِ
علی رضی اللہ تعالیٰ عنہ نے اپنی ہتھیلی الٹے ہاتھ کے گٹ پر رکھی

سنن النسائي عن وَائِلَ بْنَ حُجْرٍ
ثُمَّ وَضَعَ يَدَهُ الْيُمْنَى عَلَى كَفِّهِ الْيُسْرَى وَالرُّسْغِ وَالسَّاعِدِ
پھر دایاں ہاتھ بائیں ہاتھ کی ہتھیلی کے جوڑ کے پاس کلائی پر رکھا
والسلام

ان احادیث سے تو مذکورہ استنباط کابطلان ثابت نہیں ہوتا! یعنی کہ یہ احادیث تو مذکورہ استنباط کے خلاف نہیں ہے!

 

[عبدالرحمن بھٹی]

السلام و علیکم ورحمۃ اللہ علیہ
اگر پوری ذراع پر ہاتھ رکھا جائے تو وہ ناف سے نیچے نہیں آتا
محترم یہ قیاس نہیں تو اور کیا ہے کیا کسی حدیث سے یہ ثابت ہے؟

والسلام

 

[ابن داود]

السلام علیکم ورحمۃ اللہ وبرکاتہ!
بھائی آپ کو بتلایا تو ہے کہ یہ قیاس نہیں ، یہ استنباط ہے، اور یہ اسی حدیث سے استنباط ہے، جس سے یہ اخذ کیا ہے!
غالباً آپ کو قیاس کا ہی نہیں معلوم کہ قیاس ہوتا کیا ہے!

 

[اویس تبسم]

عبدالرحمن بھٹی بھائی! کوئی ایسی صحیح حدیث بھی ہے جس میں کہا گیا ہو کہ رسول اللہﷺ ناف سے نیچے ہاتھ باندھتے تھے؟ اگر ہے تو دکھاؤ، ہم اس پر بھی عمل کریں گے۔ ان شاء اللہ
حدثنا ابو توبة حدثنا الهيثم يعني ابن حميد عن ثور عن سليمان بن موسى عن طاوس قال:‏‏‏‏ " كان رسول الله صلى الله عليه وسلم يضع يده اليمنى على يده اليسرى ثم يشد بينهما على صدره وهو في الصلاة ".
طاؤس کہتے ہیں کہ رسول اللہ صلی اللہ علیہ وسلم اپنا دائیاں ہاتھ اپنے بائیں ہاتھ پر رکھتے، پھر ان کو اپنے سینے پر باندھ لیتے، اور آپ نماز میں ہوتے۔
سنن أبي داود،حدیث نمبر: 759 (صحیح)

 

[ابن داود]

السلام علیکم ورحمۃ اللہ وبرکاتہ!
اویس تبسم بھائی! یہ مرسل صحیح ہے ! یعنی کہ اس کی سند صحیح ہے اور طاوس رحمہ اللہ سے ثابت قول ہے، لیکن ہے مرسل!
اس بات کو ذرا دیکھ لیں!
جی میں نے دیکھا ہے ابھی اسی طرح ہے! اور احناف کے نزدیک تو مرسل بذاتہ حجت ہوا کرتی ہے! فتدبر!

 

[عبدالرحمن بھٹی]

ذراع عربی میں کہنی سے لے کر ہاتھ تک کو کہتے ہیں گر پوری ذراع پر ہاتھ رکھا جائے تو وہ ناف سے نیچے نہیں آتا۔