نماز نبوی

[محمد نعیم یونس]

لغت عرب سے "جورب" کے معنی​

عربی لغت کی معتبر کتاب قاموس:46/1 میں ہے:
ہر وہ چیز جو پاؤں پر پہنی جائے، جورب (جراب)ہے۔
"تاج العروس" میں ہے:
جو چیز لفافے کی طرح پاؤں پر پہن لیں وہ جَوْرَبْ ہے۔
علامہ عینی لکھتے ہیں کہ جورب بٹے ہوئے اون سے بنائی جاتی ہے اور پاؤں میں ٹخنے سے اوپر تک پہنی جاتی ہیں۔
عارضۃ الاحوذی میں شارح حدیث امام ابوبکر ابن العربی رحمہ اللہ تحریر فرماتے ہیں:
جَوْرَبْ وہ چیز ہے جو پاؤں ڈھانپنے کے لیے اون سے بنائی جاتی ہے۔
عمدۃالرعایۃ میں ہے:
جرابیں روئی، یعنی سوت کی ہوتی ہیں اور بالوں کی بھی بنتی ہیں۔
عایۃالمقصود میں ہے کہ :
جرابیں چمڑے کی، صوف کی اور سوت کی بھی ہوتی ہیں۔

پس ثابت ہوا کہ جَوْرَبْ لفافے یا لباس کو کہتے ہیں، وہ لباس، خواہ چرمی ہو، سوتی ہو یا اونی ہم اس پر مسح کرسکتے ہیں۔

 

[محمد نعیم یونس]

پگڑی پر مسح

سیدنا عمروبن امیہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے پگڑی پر مسح فرمایا۔
[صحیح البخاری، الوضوء، باب المسح علی الخفین، حدیث:205۔]

اسی طرح سیدنا بلال رضی اللہ عنہ بیان کرتے ہیں کہ رسول اللہ صلی اللہ علیہ وسلم نے پگڑی پر مسح کیا۔
[صحیح مسلم، الطھارۃ، باب المسح علی الناصیۃ والعمامۃ، حدیث:275۔]

 

[غلام فرید چوہان]

جزاك الله خيراً محمد نعیم یونس بہائی