نیکی کا راستہ دکھانے کا اجر

[ماریہ انعام]

السلام علیکم ورحمۃ اللہ وبرکاتہ

باب البر والصلۃ کی تیرہویں حدیث یہ ہے
وعن ابی مسعود رضی اللہ عنہ قال قال رسول اللہ ﷺ:
من دل علی خیر فلہ مثل اجر فاعلہ
اخرجہ مسلم

ابو مسعود رضی اللہ عنہ سے روایت ہے کہ رسول اللہ ﷺ نے فرمایا
جو شخص کسی کو بھلائی کا راستہ دکھائے اس کے لیے بھلائی کرنے والے کے ثواب کی طرح ثواب ہے
اس کو مسلم نے روایت کیا

 

[ماریہ انعام]

جریر بن عبد اللہ راوی ہیں کہ رسول اللہ ﷺ نے فرمایا
جو شخص اسلام میں اچھا طریقہ جاری کرےاس کے لیے اس کا اجر ہے اور ان سب لوگوں کا اجر ہےجو اس کے بعد اس پر عمل کریں گے۔۔بغیر اس کے کہ ان کے اجر میں کوئی کمی کی جائے

 

[ماریہ انعام]

نیکی کا کام خود بتا دے یا اگر اس پر طاقت نہیں رکھتا تو اسے کسی ایسی جگہ بھیج دے جہاں اسے رہنمائی مل سکتی ہو۔۔۔زبان سے بتا دے یا تصنیف و تالیف کے ذریعے ۔۔۔اس فضیلت میں مبلغین ‘ اساتذہ ‘ مصنفین سب شامل ہیں
رسو ل اللہ ﷺ نے حضرت علی سے فرمایا تھا کہ اگر اللہ تیرے ذریعے ایک شخص کو ہدایت دے دے تو یہ تیرے لیے سرخ اونٹوں سے بہتر ہے (مسلم)
اسی لیے جو مقام صحابہ کرام کو نصیب ہوا بعد والوں کو حاصل نہیں ہو سکتا کیونکہ بعد والوں کی نیکیاں صحابہ کے دین پہنچانے کی وجہ سے صحابہ کرام کے نامہ اعمال میں شامل ہو چکی ہیں۔۔۔یہ نیکیوں کا ایک سلسلہ ہے بلکہ یوں سمجھیں کہ ایک درخت لگ جاتا ہے جو اپنی پیداوار بڑھاتا چلا جاتا ہے ۔۔۔صحابہ کرام کے نامہ اعمال میں آج ہمارے نیک اعمال بھی اللہ کے حکم سے درج ہو رہے ہیں
انا کنا نستنسخ ما کنتم تعملون
جو تم کرتے ہو ہم اس کو لکھتے رہتے ہیں

 

[ماریہ انعام]

جو نيكي كا طریقہ جاری کرے اس کے لیے حسنات کے سلسلے کا آغاز ہو جاتا ہے اور اس کے بالمقابل جو بدبخت برائی کا آغاز کر بیٹھے اس کے نامہ اعمال میں ان تمام لوگوں کی سیاہ کاری درج ہوتی ہے جنھوں نے اس کے برے طریقے پر عمل کیا ۔۔۔یعنی گنا جاریہ بن جاتا ہے

(من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) خرجه مسلم في صحيحه.
جو اسلام میں کسی اچھی سنت کا آغاز کرے اس کے لیے اس کا اجر ہے اور جو بھی اس پر عمل کرے اس کا اجر بھی بغیر ان کے اجروں میں کسی قسم کی کٹوتی کیےاس کے لیے ہے ۔۔۔اور جو اسلام میں کسی برے طریقے کا اجراء کرے تو اس پر اس کا وبال ہے اور جو اس پر عمل کرے گا اس کےا گناہ میں کسی قسم کی کمی کیے بناء اس کا بوجھ بھی اس پرہے (اس کو مسلم نے روایت کیا )

قابیل نے پہلا قتل کیا تھا ۔۔۔حدیث مبارکہ کے مطابق تا قیامت جو انسان قتل ہو گا ۔۔قاتل کے گناہ میں قابیل کا بھی حصہ ہو گا
لا تقتل نفس ظلماً إلا كان على ابن آدم الأول كفل من دمھا لأنھ كان أول من سن القتل" متفق علیھ
جو بھی انسان نا حق قتل کیا جاتا ہے اس کے خون کا وبال ابن آدم ( قابیل ) پر ہوتا ہے کیونکہ وہ پہلا شخص تھا جس نے قتل کی سنت سئیۃ جاری کی