ولی کا لغوی اور اصطلاحی معنی

[محمد نعیم یونس]

ولی کا لغوی اور اصطلاحی معنی

ولایت عداوت کی ضد ہے۔ ولایت کی بنیاد محبت اور قرب پر ہے اور عداوت کی بنیاد غصے اور دوری پر ہے ایک قول یہ بھی ہے کہ ولی کو اس لیے ولی کہا جاتا ہے کہ وہ اطاعات کی موالات کرتا ہے یعنی پے در پے عبادت کرتا ہے لیکن پہلا معنی زیادہ درست ہے۔
ولی وہ ہوتا ہے جو قریب ہو چنانچہ کہا جاتا ہے کہ {ھٰذَا یَلِیْ ھٰذَا} یعنی یہ چیز اس چیز کے قریب ہے اور اسی سے جناب محمد رسول اللہ صلی اللہ علیہ وسلم کا قول مروی ہے
اَلْحِقُوالْفَرَآئِضَ بِاَھْلِھَا فَمَا اَبْقَتِ الْفَرَائِضُ فِلِاَوْلیٰ رَجُلٍ ذَکَرٍ
(بخاری ، کتاب الفرائض۔ باب میراث ابن الابن اذالم یکن ابن ۔ رقم ۶۷۳۵۔ مسلم، کتاب الفرائض۔ باب الحقوا الفرائض باھلھا… الخ) رقم الحدیث: ۱۶۱۵۔ ابوداؤد کتاب الذکاۃ۔ باب فی ذکاۃ السائمۃ حدیث ۱۵۶۷۔)

’’میراث پہلے اصحاب الفروض کو دو جو باقی رہے وہ اس مرد کے لیے ہوگا جو میت کا سب سے زیادہ قریبی ہو۔‘‘

رَجُل کا لفظ مرد ہی کے لیے آتا ہے لیکن پھر بھی اس کے ساتھ تاکید کے لیے ذکر (مرد) کا لفظ زیادہ فرمایا تاکہ یہ بات کھل کر بیان ہوجائے کہ یہ حکم مردوں کے ساتھ مختص ہے اور اس میں مرد اور عورتیں ہر دو شریک نہیں ہیں جیسا کہ زکوٰۃ کے بارے میں فرمایا
{فَاِبْنُ لَبُوْنٍ ذَکرٌ}
(ابوداؤد کتاب الذکاۃ۔ باب فی ذکاۃ السائمۃ حدیث ۱۵۶۷۔)

ابنِ لبون کا لفظ خود مذکر ہے۔ تاہم تاکید کے لیے پھر ذکر کا لفظ زیادہ کر دیا ۔

چونکہ اللہ کا ولی وہ ہوتا ہے جو خود کو اللہ کی محبت و رضا کے مطابق ڈھال لے اور محبت و رضا، بغض و ناراضی اور اوامر و نواہی میں اس کی مکمل متابعت اور فرمانبرداری کرے۔ اس لئے اللہ کے ولی کا دشمن، خود اللہ کا دشمن قرار پاتا ہے،جیسا کہ اللہ تعالیٰ نے فرمایا:
لَا تَتَّخِذُوْا عَدُوِّيْ وَعَدُوَّكُمْ اَوْلِيَاۗءَ تُلْقُوْنَ اِلَيْہِمْ بِالْمَوَدَّۃِ
(الممتحنہ)

’’میرے اور اپنے دشمنوں کو دوست نہ بنائو کہ ان کی طرف دوستی کے پیغام دوڑانے لگو۔‘‘

لہٰذا جس نے اللہ تعالیٰ کے دوستوں سے دشمنی کی، اس نے اللہ تعالیٰ سے دشمنی کی اور جس نے اس سے دشمنی کی وہ اس سے برسرِ پیکار ہوا۔

اس لیے فرمایا:
’’مَنْ عَادٰی لِیْ وَلِیًّا فَقَدْ بَارَزَنِیْ بِالْمُحَارَبَۃِ‘‘
(بخاری، کتاب الرقاق، باب التواضع، رقم الحدیث: ۶۵۰۲۔)

جس نے میرے دوست سے دشمنی کی اس نے میرے خلاف اعلانِ جنگ کیا

حوالہ

 

[عابدالرحمٰن]

السلام علیکم
کیا غیر عالم بھی ولی ہوسکتا ہے

 

[محمد نعیم یونس]

السلام علیکم
کیا غیر عالم بھی ولی ہوسکتا ہے

وعلیکم السلام و رحمۃ اللہ
ولی ہونے کے لیے اتباع رسول صلی اللہ علیہ وسلم ضروری ہے اور اتباع کے لیے علم .
مزید دیکھیئے
اور یہ بھی

 

[عابدالرحمٰن]

وعلیکم السلام و رحمۃ اللہ
ولی ہونے کے لیے اتباع رسول صلی اللہ علیہ وسلم ضروری ہے اور اتباع کے لیے علم .
مزید دیکھیئے
اور یہ بھی

السلام علیکم
اتباع رسول صلی اللہ علیہ وسلم تو تمام مومن کے لیے ضروری ہے
اور رہی بات اتباع اور علم کی تو آپ کی بات سے یہ معلوم ہورہا ہے کہ ’’اتباع کے لیے علم ضروری ہے ‘‘ اس لیے سوال یہ پیدا ہوتا ہے جن کے پاس علم نہ وہ اتباع کیسے کریں؟ کیا عدم علم کی وجہ سے اتباع نہیں کی جائے گی؟
اور آپ نے جو لنک عنایت فرمائے ہیں ان میں اتباع کے لیے علم کی شرط تو نہیں لگائی گئی
اس لیے کچھ اور زحمت فرمالیں تاکہ ذہن میں کوئی خلجان نہ رہے

 

[گڈمسلم]

اتباع کےلیے علم ضروری نہیں، لیکن حقیقی ولی اللہ کےلیے احکام شریعت کی جانکاری ضروری ہے۔۔۔

 

[عابدالرحمٰن]

السلام علیکم
ولی ہی تب ہوگا جب احکام شریعت کی پابندی کرے گا ڈپلیکیٹ تو مسلمان بھی صحیح نہیں کجا ایک ولایت کا مقام

 

[گڈمسلم]

السلام علیکم
ولی ہی تب ہوگا جب احکام شریعت کی پابندی کرے گا ڈپلیکیٹ تو مسلمان بھی صحیح نہیں کجا ایک ولایت کا مقام

احکام شریعت کی پابندی بغیر معرفت کے الگ بات ہے۔۔ معرفت کے ساتھ احکام شرعیہ کی پابندی الگ بات ہے۔۔ولی کو احکام کا پابند معرفت کے ساتھ ہونا چاہیے۔۔۔