پلہ فرائی

[نسرین فاطمہ]

آجکل پلہ مچھلی کا سیزن ہے جو اگست سے شروع ہوتا ہے اور مارچ تک رہتا ہے پلہ مچھلی صرف دریائے سندھ میں ہی پائی جاتی ہے اور حیدرآباد میں رہنے والوں کی خاص خوراک میں شامل ہے یہ چونکہ سب سے اعلٰی اور سب سے مہنگی مچھلی ہوتی ہے اس لئے اسے خاص احتیاط سے پکانا ہوتا ہے ویسے تو اس کا سالن بھی بہت لذیذ ہوتاہے مگر آج میں فرائی ڈش کی ریسیپی شئیر کروں گی

اجزاء

پلہ مچھلی صاف کی ہوئی دو عدد
خشک ثابت دھنیا ایک ٹیبل اسپون
سفید زیرہ ایک ٹیبل اسپون
سرخ گول مرچ 10 عدد
پسی کھٹائی ایک ٹیبل اسپون
نمک حسب ذائقہ
اجوائن آدھی چمچی
تلنے کے لئے تیل ،
ترکیب

پہلے مچھلی کو چھیل کر صاف کرلیں اور درمیان سے کھول کر دو حصے کرلیں اب دھوکر نمک لگا کر تھوڑی دیر رکھ دیں اب فرائی پہن میں یا توے پر ثابت دھنیا، زیرہ اور مرچوں کو الگ الگ بھون کر ملالیں اب اس میں کھٹائی اور اجوائن شامل کر کے گرائینڈ کرلیں ۔
اب فرائی پین میں تیل گرم کریں اور ہلکی آنچ پر اندرکی طرف سے مچھلی کو فرائی کریں اسے پلٹیں نہیں جب اچھی طرح فرائی ہوجائے تو اب اسے پلٹ دیں اور باہر کی طرف سے فرائی ہونے دیں اور اسی دوران خشک گرائینڈ کیا ہوا مصالحے کی اس پر تہہ لگادیں اچھی طرح فرائی ہونے پر احتیاط سے اتار لیں ۔
اب املی کی چٹنی میں باریک گول پیاز شامل کر کے گرما گرم سنت طریقے سے تناول فرمائیں ۔
نیز مچھلی پہ لیموں چھڑک کر بھی نوش کیا جا سکتا ہے۔

 

[نسرین فاطمہ]

پلہ کے انڈوں کا سالن

اگر آپ کی پلہ میں انڈے بھی موجود ہیں تو آپ اس سے مزیدار سالن بھی تیار کرسکتے ہیں چاہیں تو فرائی بھی کر سکتے ہیں​

سالن کے لئے اجزاء​

دو پلہ کے انڈے​

دو درمیانی پیاز۔۔۔۔۔باریک کٹی ہوئی​

دو عدد درمیانے ٹماٹر۔۔۔۔کٹے ہوئے​

دو عددہری مرچ ۔۔۔کٹی ہوئی​

آدھی چمچ ۔۔۔۔۔کٹی ہوئی لال مرچ​

نمک حسب ذائقہ​

تیل ایک ٹیبل اسپون​

ہرا دھنیا گارنش کے لئے​

ترکیب​

​

فرائی پان میں تیل گرم کریں اور کٹی ہوئی پیاز درمیانی آنچ پہ گولڈن براؤن کرلیں پھر ہری مرچ ٹماٹر اور سرخ مرچ شامل کرکے ٹماٹر کے نرم ہونے تک پکائیں اب فرائی پین میں انڈے شامل کرکے جلدی جلدی چمچ سے چلاتے رہیں ساتھ ہی نمک بھی شامل کردیں جب تیل چھوڑنے لگیں تو فرائی پین کو چولھے سے اتالیں اور کٹا ہوا ہرا دھنیا اوپر سے شامل کرکے گرما گرم پراٹھوں سے ناشتے میں کھائیں۔اتنا مزیدار ناشتہ کہ آپ حلوہ پوری اور آملیٹ کو بھی بھول جائیں گے۔​

 

[نسرین فاطمہ]

پلہ کے فرائی انڈے

اجزاء ​

خشک ثابت دھنیا ایک ٹیبل اسپون​

سفید زیرہ ایک ٹیبل اسپون​

سرخ گول مرچ 10 عدد​

پسی کھٹائی ایک ٹیبل اسپون​

نمک حسب ذائقہ​

اجوائن آدھی چمچی​

تلنے کے لئے تیل ،​

ترکیب​

اب فرائی پین میں یا توے پر ثابت دھنیا، زیرہ اور مرچوں کو الگ الگ بھون کر ملالیں اب اس میں کھٹائی اور اجوائن شامل کر کے گرائینڈ کرلیں ۔اب نمک اور لیموں بھی شامل کرکے انڈوں میؐ ہاتھ سے مکس کردیں ۔​

اب فرائی پین میں تیل گرم کریں اور چھوٹے چھوٹے پکوڑوں کی صورت میں تل لیں،​

اب اسے چلی گارلک سوس کے ساتھ یا املی کی چٹنی کے ساتھ گرما گرم کھائیں۔​

اور ذائقہ کو غذائیت کے ساتھانجوائے کریں ۔​

نوٹ؛​

انڈوں کو فرائی کرنے کے لئے الگ سے مصالحہ تیار کرنے کی بجائے فرائی فش کا مصالحہ ہی استعمال کرلیں ۔​

 

[ابو عبدالله]

جزاک اللہ خیر باجی۔
اگر پلہ نہ ملے تو کسی اور مچھلی پر یہ تراکیب ٹرائی کی جاسکتی ہیں؟

 

[نسرین فاطمہ]

جزاک اللہ خیر باجی۔
اگر پلہ نہ ملے تو کسی اور مچھلی پر یہ تراکیب ٹرائی کی جاسکتی ہیں؟

جی بھائی بالکل آپ یہ ترکیب کسی بھی مچھلی پہ ٹرائی کر سکتے ہیں ۔

 

[ابو عبدالله]

جی بھائی بالکل آپ یہ ترکیب کسی بھی مچھلی پہ ٹرائی کر سکتے ہیں ۔

جزاک اللہ خیر