چیچن سیکیورٹی کو داعش کے خود ساختہ خلیفہ کی تلاش!

[کنعان]

چیچن سیکیورٹی کو داعش کے خود ساختہ خلیفہ کی تلاش!

ابوبکر البغدادی امریکی سی آئی اے کا ایجنٹ ہے: قدیروف​

العربیہ ڈاٹ نیٹ: بدھ 28 ذوالحجہ 1435هـ - 22 اکتوبر 2014م

روس کے شمالی قوقاز کی خود مختار مسلمان ریاست چیچنیا کے گورنر رمضان قدیروف نے کہا ہے کہ ان کے ملک کی ایک سیکیورٹی ٹیم دولت اسلامی "داعش" کے خلیفہ ابو بکر البغدادی کو تلاش کر رہی ہے تاکہ اسے پکڑ کر قرار واقعی سزا دی جا سکے۔

العربیہ ڈاٹ نیٹ کے مطابق رمضان قدیروف نے میڈیا کو بتایا کہ خلیفہ البغدادی ایک اشتہاری ہے جس کی تلاش کے لیے ہمارے سیکیورٹی اہلکار کوششیں کر رہے ہیں۔ انہوں نے الزام عاید کیا کہ ابوبکر البغدادی امریکی "سی آئی اے" کا ایجنٹ ہے جسے واشنگٹن نے مسلمانوں کے قتل عام اور ان کی املاک کی لوٹ مار کے لیے متعین کر رکھا ہے۔

رمضان قدیروف اپنے ایک پہلے بیان میں بھی کہہ چکے ہیں کہ "داعش، امریکا کی پیداوار ہے اور اس کا خود ساختہ خلیفہ ابو بکر البغدادی انہی کے خفیہ اداروں کا ایجنٹ ہے۔" ان کا کہنا تھا کہ ابو بکر البغدادی کو امریکی خفیہ ادارے کے سابق ڈائریکٹر جنرل ڈیوڈ پیٹریاس نے خود بھرتی کیا ہے۔

گورنر رمضان قدیروف کا کہنا تھا کہ ہم اپنے ملک کے نوجوانوں کو داعش میں شمولیت سے روک سکتے ہیں مگر انٹرنیٹ کے ذریعے داعش میں بھرتی کی ترغیبات کسی بھی شخص کو شدت پسندوں کی طرف مائل کر سکتی ہیں۔ یہی وجہ ہے کہ وہ چیچنیا اور روس کے دوسرے شہروں میں انٹرنیٹ سروس معطل کرنے کے حامی ہیں۔

ح

 

[قاھر الارجاء و الخوارج]

کیا پدی کیا پدی کا شوربہ

 

[محمد آصف مغل]

اس خبر سے اندازا ہو رہا ہے کہ جناب قدیروف خلیفۃ المسلمین ہوں گے جبھی تو وہ بقول اُن کے خلیفہ البغدادی کو قید کرنے کے لئے ٹیم روانہ کر چکے ہیں۔