ڈپریشن، ٹینشن اور ذہنی خلفشار کیلئے ،

[عمر السلفی۔]

ایک عزیزنے کہاہے، کہ مختصراً بتائیں کہ ڈپریشن، ٹینشن اور ذہنی خلفشار سے نمٹنے کے لیے کیا کیا جائے۔
سو مختصراً:
1) خود کو اللہ، خاندان اور فطرت سے جس قدر دور پائیں، اسی قدر واپسی کی مستقل مزاجی اور آہستہ روی سے کوشش شروع کر دیں۔
2) جونک بنے جعلی تعلقات، مشاغل اور بوجھ جسم اور روح سے ہٹا کر صحت مند متبادلات پہ آ جائیں۔
3) آپ کے جسم کا آپ پہ حق ہے، صحت بخش غذا اور آٹھ گھنٹے نیند سے اسے اس کا حق دیں۔ مصنوعی مشروبات اور غذائیں ڈپریشن اور obesity بڑھاتی ہیں۔
4) جسمانی سرگرمی کے لیے، خواہ نصف گھنٹہ، وقت ضرور نکالیں۔
5) دل کو قرار اللہ سبحانہ و تعالیٰ کے ذکر (وقت پہ نماز، روزانہ تلاوت، صبح شام کے مسنون اذکار اور ہمہ دم اطاعتِ الٰہی اور سنت رسول صلی اللہ علیہ وآلہ وسلم کی پیروی کی کوشش) میں ہے۔ روح کے بوجھ اسی سے اترتے ہیں، مارکیٹ میں موجود "روح کی غذا" کے نام پر دیگر نسخے سٹیرائیڈ یا سلو پائزن ہی ثابت ہوتے ہیں۔
6) بھلے لوگوں کی مجلس میں رہنے کی کوشش۔ شکرگزار لوگ، اہلِ علم!
7) زندگی کا کوئی بڑا مقصد تلاش کریں، روٹی روزی سے آگے کچھ۔ جو اللہ کی رضا کی چھتری تلے اس کی مخلوق سے بھلائی، علم و تحقیق وغیرہ کے دائرے میں ہو سکتا ہے۔
اللہ تعالیٰ ہم سب کا حامی و ناصر ہو۔

[ فلک شیر چیمہ کی فیسبک وال سے ]

 

[ام محمد@اسلام]

جزاک اللہ
۔بالکل ایسا ہی ہے جب ہی مخلوق نے خالق سے دوری اختیار کی ڈپریشن میں ہی مبتلا ہوا ہے۔ ڈپریشن میں سب سے زیادہ انسان کو بے سکونی لاحق ہوتی ہے۔ اس کا بھی علاج ہے۔۔۔
سن رکھو دلوں کا سکون تو اللہ کے ذکر میں ہے۔