کابل میں امریکی این جی او پر حملے کی مذمت

[فواد]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

کابل میں امریکی این جی او پر حملے کی مذمت

وزیر خارجہ پومپئو کا بیان

​

امریکہ کابل میں غیرمنافعی تنظیم اور یوایس ایڈ کی عملدرآمدی شراکت دار ”کاؤنٹرپارٹ انٹرنیشنل” کے خلاف طالبان کے حملے کی سختی سے مذمت کرتا ہے۔ گزشتہ روز حملے کا نشانہ بننے والی یہ تنظیم ایسے پروگرام چلاتی ہے جن سے امن کے لیے بات چیت کی حوصلہ افزائی، نوجوانوں کی شرکت میں اضافے اور خواتین کے لیے مواقع بہتر بنانے میں مدد ملتی ہے۔ اس کے افغان اور غیرملکی عملے نے افغان عوام کی خدمت اور اپنے ملک کے پرامن و جامع مستقبل کے لیے اپنی زندگیاں وقف کر رکھی ہیں۔ اس متشدد حملے میں دوسروں کی خدمات، تعلیم اور جامعیت جیسی اعلیٰ اقدار کو نشانہ بنایا گیا ہے جن کی ”کاؤنٹرپارٹ” جیسی تنظیمیں اعانت کرتی ہیں۔ ہم افغانستان کی بہادر سکیورٹی فورسز کی ستائش کرتے ہیں جنہوں نے حملے کا جواب دیا اور جانیں بچانے کے لیے فوری کارروائی کی۔ ہم ہلاک ہونے والوں کے اہلخانہ سے تعزیت کا اظہار کرتے ہیں، زخمیوں کی فوری صحت یابی کے خواہش مند ہیں اور ایک مرتبہ پھر طالبان سے کہتے ہیں کہ وہ شہریوں پر دانستہ حملے روک دیں۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/USDOSDOT_Urdu

http://www.facebook.com/USDOTUrdu

https://www.instagram.com/doturdu/

https://www.flickr.com/photos/usdoturdu/​

 

[خضر حیات]

این جی اوز کے نام پر اندر کھاتے پتہ نہیں کیا کھیل کھیل رہے ہوں گے۔
جب کوئی جگہ دار الحرب بنی ہوئی ہے، تو وہاں جب تم طالبان کو مارو گے، تو وہ تمہیں ماریں گے۔
امریکی اتنے امن پسند ہیں، تو سات سمندر پار افغانستان میں آکر دہشت گردی نہ کرتے۔