کتاب وسنت کی روشنی میں مومن عورتوں کی کرامات

[عبد الرشید]

کتاب کا نام

کتاب وسنت کی روشنی میں مومن عورتوں کی کرامات

مصنف

امیر حمزہ

ناشر

دار الاندلس،لاہور

تبصرہ

ولی کا معنی دوست اورولاء کا معنی دوستی ہے،اللہ تعالی اپنے نیک بندوں کی خصوصی مدد فرماتے ہیں ، انہیں مشکلات و مصاءب سے بچا کر رکھتے ہیں،اور بسا اوقات ان کے ہاتھوں دنیا کو اپنی قدرت کا کوئی ایسا کرشمہ دکھلا دیتے ہیں ،جو فطرتی قوانین سے بالا ہوتا ہے۔کسی نیک بندے کے ہاتھوں فطرتی قوانین سے بالا ان کرشموں کے ظہورکو کرامت کہا جاتا ہے۔لیکن یاد رہے کہ یہ کرامت کسی ولی کاکوئی کمال نہیں ہوتا،اور نہ ہی اس کی مرضی اورچاہت سے اس کا ظہورہوتا ہے، بلکہ یہ تو صرف اللہ کی دی ہوئی عزت ہوتی ہے، جس سے اللہ اپنے بندوں کونوازتاہے ۔ قرآن مجید ، کتب تفسیر، کتب سیرت وتاریخ میں کرامات اولیاء کے متعدد مستند واقعات موجود ہیں۔لیکن بد عقیدہ لوگوں نے اس کو ذریعہ معاش بنا لیا ،اور اپنی طرف جھوٹی کرامات بیان کر کر کے سادہ لوح مسلمانوں کے مال پر ڈاکہ ڈالنا شروع کردیا۔ایسے ہی من گھڑت اور جھوٹےقصے کہانیوں پر مشتمل بے شمار کتب بازار میں موجو د ہیں جو عقیدے کی خرابی کاباعث بن رہی ہیں ۔زیر تبصرہ کتاب '' کتاب وسنت کی روشنی میں مومن عورتوں کی کرامات ''میں مولاناامیر حمزہ صاحب نے صحیح و مستند واقعات پرمشتمل اللہ کی نیک بندیوں کے ہاتھوں ظہور پذیر ہونے والی کرامات کو جمع کر دیا ہے،جو ہمارے دعوت عمل کی حیثیت رکھتی ہیں۔ مصنف نے اس کتاب کو تین ابواب میں تقسیم کیا ہے ۔۱۔دور نبویﷺ سے پہلے کی مومن عورتیں۲۔رسول کریم ﷺ کی بیویاں، مومنوں کی مائیں۳۔صحابیات اور دیگرمومنا ت کی کراماتفاضل مؤلف نے جدید دور کے تقاضوں کے مطابق ایسا انداز اختیار کیاہے کہ یہ کتاب ہر عورت کی اصلاح کےلیے ایک ایسا گلدستہ بن گءی ہے، جوجہیز میں دینےکے لیے ایک گراں قد ر تحفہ ہے۔ نیز عقیدے کی اصلاح اور معاشرتی زندگی میں مرداور عورت کی اصلاح کےلیے ایک انقلاب آفریں تحریر ہے اللہ تعالی اس کتاب کومسلم خواتین کے لیے صراط مستقیم پرگامزن ہونےکاذریعہ بنائے(آمین)(م۔ا)

اس کتاب کتاب وسنت کی روشنی میں مومن عورتوں کی کرامات کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

ولایت پر کتاب
باب اول دور نبوی سے پہلے کی مومن عورتیں
حضرت سارہ رضی اللہ عنہا زوجہ ابراہیم علیہ السلام
حضرت حاجرہ رضی اللہ عنہا زوجہ ابراہیم علیہ السلام
ماشطہ کا شیر خوار بچہ
حضرت آسیہ رضی اللہ عنہا زوجہ فرعون
حضرت عمران کی بیوی سنہ رضی اللہ عنہا
حضرت مریم علیہماالسلام
ننھے مسیح کی پیدائش
حضرت مریم کی ولایت اور ان کے پیروکار
حضرت جریج رحمہ اللہ
شیر خوار بچے نے بول کر پاک دامنی کا اعلان کردیا
باب دوم رسول کریم ﷺ کی بیویان مومنوں کی مائیں
حضرت عائشہ رضی اللہ عنہا زوجہ محمد ﷺ
گھروں سے باہر قضائے حاجت کی جگہیں
حضرت زینب رضی اللہ عنہا زوجہ محمدﷺ
حضرت ام سلمہ رضی اللہ عنہا زوجہ محمدﷺ
حضرت صفیہ رضی اللہ عنہا زوجہ محمدﷺ
باب سوم صحابیات اور دیگر مومنات کی کرامات
حضرت اسماء رضی اللہ عنہا
حضرت خولہ رضی اللہ عنہا
حضرت ام سلیم رضی اللہ عنہا
نوعمر صحابیہ نے ماں باپ سے کہا
شہید کی نانی ام ربیع رضی اللہ عنہا
ام مالک رضی اللہ عنہا
ام ورقہ رضی اللہ عنہا
مجاہدہ کا سامان
جنت میں شہیدوں کے استقبال کا منظر
کافرہ ہونے کے باوجود ایک اللہ کو پکارا
مظلوم عورت کی اللہ سے فریاد
اندھی عورت کی بینائی لوٹ آئی
حضرت عمر بن عبدالعزیز رحمہ اللہ کی نانی
پہلی داستان
دوسری داستان