کر لے جو کرنا ہے،آخر موت ہے!

[اخت ولید]

بسم اللہ الرحمٰن الرحیم
السلام علیکم ورحمۃ اللہ وبرکاتہ

بحرِ غفلت یہ تیری ہستی نہیں
دیکھ جنت اس قدر سستی نہیں
راہ گزر دنیا ہے یہ بستی نہیں
جائے عیش و عشرت و مستی نہیں

ایک دن مرنا ہے ،آخر موت ہے
کر لے جو کرنا ہے ،آخر موت ہے

ہو رہی ہے عمر مثلِ برف کم
چپکے چپکے،رفتہ رفتہ،دم بدم
سانس ہے اک راہ روئے ملکِ عدم
دفعتا اک روز یہ جائے گا تھم

ایک دن مرنا ہے ،آخر موت ہے
کر لے جو کرنا ہے ،آخر موت ہے

ہے یہاں سے تجھ کو جانا ایک دن
قبر میں ہو گا ٹھکانہ ایک دن
منہ خدا کو ہے دکھانا ایک دن
اب نہ غفلت میں گنوانا ایک دن

ایک دن مرنا ہے، آخر موت ہے
کر لے جو کرنا ہے، آخر موت ہے

آخرت کی فکر کرنی ہے ضرور
جیسی کرنی،ویسی بھرنی ہے ضرور
عمر اک دن یہ گزرنی ہے ضرور
قبر میں میت اترنی ہے ضرور

ایک دن مرنا ہے، آخر موت ہے
کر لے جو کرنا ہے ،آخر موت ہے

آنے والی کس سے ٹالی جائے گی؟
جان ٹھہری جانے والی،جائے گی
روح رگ رگ سے نکالی جائے گی
تجھ پہ اک دن خاک ڈالی جائے گی

ایک دن مرنا ہے ،آخر موت ہے
کر لے جو کرنا ہے ،آخر موت ہے

عیش کر غافل نہ تو آرام کر
مال حاصل کر نہ پیدا نام کر
یادِحق دنیا میں صبح و شام کر
جس لیے آیا ہے ،وہ اپنا کام کر

شاعر:مجذوب سہارن پوری
​

 

[محمد شاہد]

جزاک اللہ خیرا
اگر آپ کے پاس اس کی آڈیو یا ویڈیو ہو تو پلیز اپلوڈ کردیں

 

[اخت ولید]

جزاک اللہ خیرا
اگر آپ کے پاس اس کی آڈیو یا ویڈیو ہو تو پلیز اپلوڈ کردیں

پچھلے سال پیغام ٹی وی کے پروگرام "سحری سپیشل" میں جعفر طیار نے پڑھی تھی۔"ٹیون پی کے" پرقریبا آدھے گھنٹے سے زائد کی مکمل پروگرام کی ویڈیو تھی ۔۔میرے پاس "سحری سپیشل پروگرام" نہیں چل رہا۔۔
"سحری سپیشل" کے ایک پروگرام کا لنک درج ذیل ہے،یہاں سے کوشش کے بعد ڈھونڈا جا سکتا ہے:
https://tune.pk/video/266011/sehri-special-transmission-13th-ramzan

 

[محمد شاہد]

جزاک اللہ خیرا

 

[اخت ولید]

فی الحال یہ دیکھ لیں۔۔نواں کلپ۔۔کلیم سرور کی آواز میں۔۔غالبا پوری نظم ہو گئی ہے:
http://www.aswatalislam.net/FilesList.aspx?T=Audio&C=Nasheeds&T1=Collection - Kaleem Sarwar