کھانے کے آداب

[محمد ارسلان]

السلام علیکم
بھائیو مجھے کھانے پینے کے اسلامی آداب پر ایک کتاب چاہیے۔

 

[محمد ارسلان]

یاد دہانی

 

[محمد ارسلان]

ماشاءاللہ کتاب و سنت داٹ کام کا سرچ آپشن تو بہت اچھا ہے میں نے "کھانے پینے کےا ٓداب" لکھ کر سرچ کرنا چاہا تو یہ کتاب تو نہیں ملی لیکن ایک اور کتاب مل گئی جو مجھے چاہیے تھی جس کا نام "طب نبوی صلی اللہ علیہ وسلم" ہے۔

 

[شاکر]

وعلیکم السلام ورحمتہ اللہ وبرکاتہ،
دیر سے جواب دینے کے لئے معذرت ارسلان بھائی۔

کھانے کے آداب کے موضوع پر مستقل تو کوئی کتاب نظر سے نہیں گزری۔ البتہ درج ذیل کتب میں آپ کو متعلقہ مسائل مل جائیں گے ان شاء اللہ۔

منہاج القاصدین: کتاب الطعام: صفحہ ١٢١

نجات کا راستہ: کھانے پینے کے آداب: صفحہ ٩٩

حقوق و فرائض -- پر امن اور خوبصورت معاشرے کی بنیاد: کھانے پینے کے آداب: صفحہ ١٦٨

بچوں کی تربیت کیسے کریں؟ : کھانے پینے کے آداب: صفحہ ١١٨

شرعی منہیات پر واضح تنبیہہ: کھانے پینے کے آداب: صفحہ ٢٩

امید ہے کہ ان سے آپ کی تشفی ہو جائے گی ان شاء اللہ۔

نیز ہماری سائٹ میں سرچ کرنے کا ایک زبردست طریقہ آپ کو بتاتا ہوں۔ جو لفظ یا الفاظ آپ نے تلاش کرنے ہوں وہ گوگل ڈاٹ کام پر لکھیں اور ان الفاظ کے بعد ایک اسپیس دے کر درج ذیل الفاظ انگریزی میں لکھیں:
site: kitabosunnat.com
مثلاً کھانے پینے کے آداب کے لئے میں نے گوگل پر درج ذیل الفاظ کو سرچ کیا تھا:

کھانے کے آداب site:kitabosunnat.com

 

[محمد ارسلان]

جزاک اللہ خیرا۔آپ نے اچھا طریقہ بتایا۔

 

[رانا ابوبکر]

کھانے پینے کے احکام و آداب
مصنف
عبد الہادی عبد الخالق مدنی
تحقیق و تخریج
محمد یوسف صدیقی
ناشر
مکتبہ اسلامیہ،لاہور
​

کھانا پینا اللہ تبارک وتعالیٰ کی ایک عظیم نعمت ہے۔کھانا کھلانے والا اللہ ہی ہے ۔اگر وہ نہ کھلائے تو ہم کھا نہیں سکتے، بھوک لگتی ہے تو اللہ کا احسان ہے ۔کھانے سے پیٹ بھر جاتا ہے تو یہ اللہ کا احسان ہے ۔کھانا ہضم ہوجاتا ہے تو یہ اللہ کے احسان ہے ۔کھانا میسر ہے تو اللہ کااحسان ہے بہرکیف ہر لقمے پر اللہ کےسیکڑوں احسانات ہیں جن کاہم شمار نہیں کرسکتے۔ان انعامات اور احسانات پر ہم اللہ تعالیٰ کاجتنا شکرادا کریں کم ہے ۔اللہ تعالیٰ کی شکر گزاری ہے کا ایک طریقہ یہ بھی ہےکھانے پینے کے معاملہ میں ہم ان آداب کو بجالائیں جن کی تعلیم اس نے اپنے آخری رسول محمدﷺ کے ذریعہ ہمیں دی۔ زیر نظر کتاب’’ کھانے پینے کے آداب‘‘ ہندوستان کے معروف عالم دین مولانا عبد الہادی عبد الخالق مدنی حفظہ اللہ کی اس اعتبار سے ایک منفرد کاوش ہے کہ اس میں کھانے سے پہلے توجہ طلب امور سے لےکر کھانا ختم کرنے تک کےجمیع مسائل کا احاطہ بڑے احسن طریقے سے کیا گیا ہے۔مکتبہ اسلامیہ ،لاہور کے رفقاء کی اس کتاب پر تحقیق ،تخریج و تصحیح سے اس کتاب کی افادیت میں مزید اضافہ ہوگیا ہے۔ اللہ تعالیٰ کتاب ہذا کے مصنف ،ناشر کی خدمات کوقبول فرمائے اور اسے عوام الناس کےنفع بخش بنائے۔ آمین( م۔ا)

ڈاؤن کتاب​