کھڑے ہو کر پانی پینے کے بارے میں کوئی حدیث موجود ہے؟

[ابراہیم بھائی]

شاید آپ لوگوں نے سوال پر غور نہیں کیا سوال میں یہ نہیں کہا گیا ہے کہ کھڑے ہو کر پانی پینا جائز ہے یا نہی بلکہ لکھا ہے کہ کھڑے ہو کر پانی پینے کے بارے میں کوئی حدیث موجود ہے

کھڑے ہو کر پانی پینے کے بارے میں کوئی حدیث موجود ہے؟

جسکا بلکل صحیح جواب دیا گیا

حضرت علی رضی اللہ عنہ کے پاس باب الرحبہ میں پانی لایا گیا، تو انہوں نے کھڑے ہو کر پیا اور
فرمایا :
کہ لوگوں میں سے بعض کھڑے ہو کر پانی پینے کو مکروہ سمجھتے ہیں اور میں نے نبی صلی اللہ علیہ وسلم کو (ایسا ہی) کرتے دیکھا، جس طرح تم نے مجھے کرتے ہوئے دیکھا۔
صحیح بخاری:جلد سوم: مشروبات کا بیان

حضرت ابن عباس رض سے روایت ہے کہ میں نے رسول اللہ ۖ کو زمزم کا پانی پلایا تو آپ نے اسے نوش فرمایا جب کہ آپ کھڑے ہوئے تھے
- (بخاری)
تخریج: صحیح بخاری، کتاب الحج، باب ماجاء فی زمزم، ح:1637- صحیح المسلم، کتاب الاشربۃ، باب فی الشرب من زمزم قائما، ح:2027-

حضرت ابن عمر رض سے روایت ہے کہ
ہم نبی؛ ۖ کے زمانے میں چلتے چلتے کھالیتے اور کھڑے کھڑے پانی پی لیتے تھے- (ترمذی، حسن صحیح)
تخریج: صحیح- سنن ترمذی، ابواب الاشربۃ، باب ماجاء فی النھی فی الشرب قائما، ح:188- اسے ابن حبان (موارد 1369) نے صحیح کہا ہے-

اس مسئلہ پر امام نووی رحمہ اللہ شرح مسلم میں فرماتے ہیں
أن النهی فيها محمول علی کراهة التنزيه وأما شربه صلی الله عليه وآله وسلم قائما فبيان للجواز فلا اشکال ولا تعارض وهذا الذی ذکرناه يتعين المصير اِليه.

 

[ابن عبدالقیوم]

أن النهی فيها محمول علی کراهة التنزيه وأما شربه صلی الله عليه وآله وسلم قائما فبيان للجواز فلا اشکال ولا تعارض وهذا الذی ذکرناه يتعين المصير اِليه

السلام علیکم ابرھیم بھائی-
ازرائے کرم اس عربی عبارت کو اردو میں ترجمہ کر دیں تا کہ مجھ جیسا طالبعلم سمجھ سکے- جزاک اللہ خیرا کثیرا

 

[انس]

دیکھا دونوں بندے احادیث پیش کرتے ھیں دونوں متضاد؟؟؟

یہ تضاد ظاہری اور ہمارے عقل وفہم کا تضاد ہے۔ حیرت کی بات ہے کہ ایسا تضاد قرآن میں نظر آئے تو اس کی توجیہ اور اس کو علماء سے سمجھنے کی کوشش کی جاتی ہے، اور حدیث میں نظر آئے تو اعتراضات شروع؟؟؟

مثلاً آیت کریمہ:
﴿ يَا أَيُّهَا الَّذِينَ آمَنُوا لَا تَقْرَ‌بُوا الصَّلَاةَ وَأَنتُمْ سُكَارَ‌ىٰ حَتَّىٰ تَعْلَمُوا مَا تَقُولُونَ ... ٤٣ ﴾ ... سورة النساء
اے ایمان والو! جب تم نشے میں مست ہو نماز کے قریب بھی نہ جاؤ ...

سے واضح ہے کہ نماز سے کچھ پہلے نشہ کرنا جائز نہیں، نماز کا وقت نہ ہو تو نشے کا استعمال ہو سکتا ہے۔

جبکہ آیت کریمہ:
﴿ يَا أَيُّهَا الَّذِينَ آمَنُوا إِنَّمَا الْخَمْرُ‌ وَالْمَيْسِرُ‌ وَالْأَنصَابُ وَالْأَزْلَامُ رِ‌جْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ ٩٠ ﴾ ... سورة المائدة
اے ایمان والو! بات یہی ہے کہ شراب اور جوا اور تھان اور فال نکالنے کے پانسے کے تیر، یہ سب گندی باتیں، شیطانی کام ہیں ان سے بالکل الگ رہو تاکہ تم فلاح یاب ہو (90)

سے واضح ہوتا ہے کہ نشہ اور جوا وغیرہ نجس، شیطانی عمل ہیں جن سے ہر حال میں اجتناب کرنا ضروری ہے۔

وجہ کیا ہے؟؟؟ بالکل ظاہر وباہر! یعنی مستشرقین اور منکرین حدیث کے زیر اثر احادیث مبارکہ میں شکوک وشبہات!!!

اب کس کی بات مانے ؟؟؟ عام لوگ کہاں جائے ؟؟ اتنا تضاد کیوں ؟؟

علماء کے پاس! فرمانِ باری ہے:
﴿ وَمَا أَرْ‌سَلْنَا مِن قَبْلِكَ إِلَّا رِ‌جَالًا نُّوحِي إِلَيْهِمْ ۚ فَاسْأَلُوا أَهْلَ الذِّكْرِ‌ إِن كُنتُمْ لَا تَعْلَمُونَ ﴿٤٣﴾ بِالْبَيِّنَاتِ وَالزُّبُرِ‌ ۗ ... ﴾ ... سورة النحل
آپ سے پہلے بھی ہم مَردوں کو ہی بھیجتے رہے، جن کی جانب وحی اتارا کرتے تھے پس اگر تم نہیں جانتے تو اہل علم سے دریافت کر لو (43) دلیلوں اور کتابوں کے ساتھ ...

یہ سارے علماء کرام متفق ھوکر ایک دین کیوں نھیں بناتے ؟؟؟ علامہ البانی کی طرح ضعیف موضوعی اور منگڑت احادیث کو الگ الگ کرکے امت مسلمہ ایک متففقہ لایحہ عمل کیوں نھیں اپناتے ؟؟؟؟ کیوں عوام کو تباہ کیا جارھاھے ؟؟؟

بھائی! آپ کو غلط فہمی ہوئی ہے کہ دین علمائے کرام بناتے ہیں۔ ہمارا سارے کا سارا دین منزل من اللہ ہے، وحی سے ثابت ہے۔ علمائے کرام﷭ کا بنایا ہوا نہیں ہے۔ اللہ تعالیٰ اس میں واضح واضح اور آسان باتیں بھی رکھی ہیں اور امت کی آزمائش کیلئے کچھ مشکل اور متشابہ باتیں بھی رکھی ہیں تاکہ اللہ آزمائیں کہ کون من وعن مان لیتا ہے اور کون تاویلات اور شکوک وشبہات میں پڑتا ہے؟؟؟
فرمانِ باری ہے:
﴿ هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ‌ مُتَشَابِهَاتٌ ۖ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ۗ وَمَا يَعْلَمُ تَأْوِيلَهُ إِلَّا اللَّـهُ ۗ وَالرَّ‌اسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَ‌بِّنَا ۗ وَمَا يَذَّكَّرُ‌ إِلَّا أُولُو الْأَلْبَابِ ٧ ﴾ ... سورة آل عمران
وہی اللہ تعالیٰ ہے جس نے تجھ پر کتاب اتاری جس میں واضح مضبوط آیتیں ہیں جو اصل کتاب ہیں اوربعض متشابہ آیتیں ہیں۔ پس جن کے دلوں میں کجی ہے وه تواس کی متشابہ آیتوں کے پیچھے لگ جاتے ہیں، فتنے کی طلب اور ان کی مراد کی جستجو کے لئے، حاﻻنکہ ان کے حقیقی مراد کو سوائے اللہ تعالیٰ کے کوئی نہیں جانتا اور پختہ ومضبوط علم والے یہی کہتے ہیں کہ ہم تو ان پر ایمان ﻻچکے، یہ ہمارے رب کی طرف سے ہیں اور نصیحت تو صرف عقلمند حاصل کرتے ہیں۔ (7)

الله تعالیٰ ہم سب کو راہِ حق کی طرف ہدایت دیں!
رَ‌بَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَ‌حْمَةً ۚ إِنَّكَ أَنتَ الْوَهَّابُ

 

[ابراہیم بھائی]

الله تعالیٰ ہم سب کو راہِ حق کی طرف ہدایت دیں!
رَ‌بَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَ‌حْمَةً ۚ إِنَّكَ أَنتَ الْوَهَّابُ

آمین یا رب العالمین
جزاکم اللہ خیرا یا شیخ

 

[محمد وقاص گل]

أن النهی فيها محمول علی کراهة التنزيه وأما شربه صلی الله عليه وآله وسلم قائما فبيان للجواز فلا اشکال ولا تعارض وهذا الذی ذکرناه يتعين المصير اِليه

السلام علیکم ابرھیم بھائی-
ازرائے کرم اس عربی عبارت کو اردو میں ترجمہ کر دیں تا کہ مجھ جیسا طالبعلم سمجھ سکے- جزاک اللہ خیرا کثیرا

ترجمہ۔۔ بیشک جو منع ہے وہ نھی تنزیہی پر محمول ہوگی اور جو نبی صلی اللہ علیہ وسلم کے بارے میں آیا ہے کہ آپ نے کھڑے ہوکر پانی پیا تو یہ صرف جواز کیلئے کیا پس یہاں کوئی اشکال اور تعارض باقی نہیں رہتا ۔

 

[حافظ عمران الہی]

کھڑے ہو کر کچھ پینے کا شرعی حُکم اور اُس کی حِکمت



تو علی رضی اللہ عنہُ کے مذکورہ بالا اِلفاظ اس بات کے واضح ثبوت ہیں کہ ان تک یہ بات لوگوں کی بات کی حیثیت سے پہنچی ہے نہ کہ رسول اللہ صلی اللہ علیہ وسلم کی بات کے طور پر، جیسے کہ مسند احمد / حدیث ٩٧٠ میںہے کہ علی رضی اللہ عنہُ نے کھڑے ہو کر پانی پیا اور کہا ''' کہاں ہیں وہ لوگ جو یہ خیال رکھتے ہیں کہ وہ کھڑے ہو کرپینے کو مکروہ سمجھتے ہیں''' یہ بات میری اِس بات کو مزید تقویت دیتی ہے کہ علی رضی اللہ عنہُ نے لوگوں کی بات پر اِنکار کرتے ہوئے کھڑے ہو کر پانی پیا کیونکہ اُنہوں نے رسول اللہ صلی اللہ علیہ وسلم کو کھڑے ہو کر پیتے دیکھا تھا اور ممانعت کا حُکم اُن تک نہیں پہنچا تھا ،
اگر علی رضی اللہ عنہُ کے اس قول کو وقتی طور پہ نظر انداز بھی کر لیا جائے تو بھی یہ بات ''' عِلم اصول الفقہ ''' میں مُقرر ہے کہ '''کسی بھی صحابی کا کوئی ایسا قول یا فعل جو قرآن یا کسی صحیح (قولی یا فعلی)حد یث کے خلاف ہو وہ کوئی حجت نہیں ہوتا''' تو علی رضی اللہ عنہُ کی اِن روایات میں سے علی رضی اللہ عنہُ کا کھڑے ہوکر پینے سے ممانعت پر اِنکار کرنا ، کھڑے ہوکر پینے کی اجازت دینے والوںکے لیے کوئی دلیل نہیں ہے ، جی ہاں دلیل کے طور پر علی رضی اللہ عنہُ کا یہ قول اِستعمال کِیا جا سکتا ہے کہ ''' میں نے رسول اللہ صلی اللہ علیہ وسلم کو کھڑے ہو کر پیتے دیکھا ہے '''

جناب آپ صرف حضرت علی کی روایت کی تردید کر رہے ہیں حالاں کہ یہ مجموعی طور پو تمام صحابہ کا عمل بھی بیا ن کیا گیا ہے :
حضرت ابن عمر رض سے روایت ہے کہ
ہم نبی؛ ۖ کے زمانے میں چلتے چلتے کھالیتے اور کھڑے کھڑے پانی پی لیتے تھے- (ترمذی، حسن صحیح)
تخریج: صحیح- سنن ترمذی، ابواب الاشربۃ، باب ماجاء فی النھی فی الشرب قائما، ح:188- اسے ابن حبان (موارد 1369) نے صحیح کہا ہے
ان کی آپ نے کوئی تردید نہیں فرمائی اور اس کے علاوہ متعدد آثار کھڑے ہو کر پانی پینے کے جواز کے بارے وارد ہوے ہیں اور حضرت علی کا رسول اللہ کے کھڑے ہو کر پانی پینے والا واقعہ حجۃ الوداع کا ہے جس یہ واضح ہو جاتا ہے کہ یہ آپ کا آخری عمل ہے جس سے جواز کا پہلو نکلتا ہے

 

[کنعان]

السلام علیکم

حضرت ابن عمر رضی اللہ تعالی سے روایت ہے کہ
ہم نبی صلی اللہ علیہ وسلم کے زمانے میں چلتے چلتے کھا لیتے اور کھڑے کھڑے پانی پی لیتے تھے-
(ترمذی، حسن صحیح)

تخریج: صحیح- سنن ترمذی، ابواب الاشربۃ، باب ماجاء فی النھی فی الشرب قائما، ح:188- اسے ابن حبان (موارد 1369) نے صحیح کہا ہے-

فوائد: یا صحابہ رض کا مستقل معمول نہیں تھا، بلکہ مقصود یہ بیان کرنا ہے کہ بوقت ضرورت کبھی کبھی اس طرح کر لیا کرتے تھے-

اقتباس: ریاض الصالحین، کتاب آداب الطعام
از: امام نووی الدمشقی رح
(فیس بک)

میری رائے کے مطابق کھڑے ہو کر پانی پینا اس سے ثابت نہیں اپنی مرضی سے یہ عمل کیا جا رہا ھے بالکل ایسے جیسے ڈرائیونگ لائسنس کے بغیر گاڑی چلانا جرم ھے اور میں کہوں کہ میں بغیر لائسنس کے گاڑی چلاتا ہوں یا ایسی بہت سے مثالیں ہیں۔

والسلام

 

[حافظ عمران الہی]

دیکھئے اس معاملے میں راے کی کوئی وقعت نہین ہے یہاں دلیل کی ویلیو ہے اگر دلیل ہے تو بات مانی جاتی ہے ورنہ رد کر دی جاتی ہے۔ اسی میں بہتری ہے صحابہ کرام کا یہ کہنا کہ ہم عہد رسول اللہ میں ایسے ایسے کیا کرتے تھے ، یہ تقریری حدیث بن جاتا ہے اس لیے اس بات سے کھڑے ہو کر پانی پینے کا جواز ثابت ہوتا ہے واللہ اعلم

 

[کنعان]

السلام علیکم

دیکھنا کیا ھے بھائی آپکی پیش کردہ حدیث سے یہی بات سامنے آ رہی ھے کہ جیسے ممانعت تھی مگر اپنی مرضی سے کھڑے ہو کر پانی پینے کا عمل کر لیا کرتے تھے۔ اگر ہو سکے تو کھڑے ہو کر پانی پینے پر سائٹیفک تحقیق بھی کر لیں تاکہ آپکو معلوم ہو کہ کھڑے ہو کر پانی پینے سے کیا ہوتا ھے۔

والسلام

 

[حافظ عمران الہی]

السلام علیکم

دیکھنا کیا ھے بھائی آپکی پیش کردہ حدیث سے یہی بات سامنے آ رہی ھے کہ جیسے ممانعت تھی مگر اپنی مرضی سے کھڑے ہو کر پانی پینے کا عمل کر لیا کرتے تھے۔ اگر ہو سکے تو کھڑے ہو کر پانی پینے پر سائٹیفک تحقیق بھی کر لیں تاکہ آپکو معلوم ہو کہ کھڑے ہو کر پانی پینے سے کیا ہوتا ھے۔

والسلام

کیا سائنس حرف آخر ہے؟