کیا امام مھدی کا ظہور احادیث صحیحہ سے ثابت ہے؟

[وجاہت]

السلام و علیکم و رحمت الله -

مہدی رح سے متعلق روایات میں تواتر کے باوجود انتہائی اضطراب پایا گیا ہے - جن کی بنا پر ان روایات کی صحت انتہائی مشکوک ہے - کبھی ان کے بارے میں کہا گیا ہے کہ وہ زمین کو عدل سے بھر دیں گے ؟؟ جب کہ بخاری کی حدیث میں "حضرت عیسی علیہ سلام" کو امام عدل کہا گیا ہے - اس طرح کبھی انھیں فاطمه رضی الله عنہ کی اولاد سے فرمایا گیا ہے تو کبھی ابن عباس رضی الله عنہ کی اولاد سے گردانا گیا ہے - ؟؟؟ کبھی سفیانی (حضرت ابو سفیان رضی الله عنہ کی نسل سی ایک خلیفہ) سے جنگ کرتے ہوے دکھایا گیا ہے (بنو امیہ کی عداوت میں) - تو کبھی یہ کہا گیا ہے کے وہ شام کے قطب و ابدال سے بیت لیں گے (جب کہ قطب و ابدال خالصتا صوفیانہ مذہب کی اصطلاح ہے - اس کا اسلام سے تعلق نہیں)- اس کے علاوہ حیرت انگیز طور پر امام بخاری رح نے مہدی کے خروج سے متعلق ایک بھی روایت اپنی کتاب میں نہیں درج کی ؟؟؟ جب کے ان کے استاد فضل بن وکین کے پاس روایات مہدی موجود تھیں-تو کیا امام بخاری نے ان روایات سے متعلق اس نظریے تواترکا انکار کیا ؟؟؟ نا ہی مہدی سے متعلق روایات کا موطاء امام مالک میں کوئی اتا پتا ملتا ہے - جب کہ امام مالک رح مدنی صحابہ کرام سے متعلق اخذ کردہ تمام روایات کو اپنی کتاب موطاء میں درج کیا ہے- مطلب یہ کہ یہی لگتا ہے کہ مدنی صحابہ میں آنے والے مہدی سے متعلق نبی کریم صل الله علیہ و آ له وسلم کی کوئی ایک بھی مشہور حدیث معلوم نہیں تھی- جب ہی موطاء امام مالک میں مہدی سے متعلق ایک بھی روایت موجود نہیں - جب کہ یہ محدثین کی طرف سے مدون کی گئی پہلی مستند احایث کی کتاب ہے-

مزید یہ کہ اکثر احادیث نبوی میں "مہدی" کا لفظ نبی کریم صل الله علیہ و آ لہ وسلم نے اپنے صحابہ کرام رضوان الله اجمعین کے لئے بھی استمعال کیا ہے - اس کی ایک مثال حضرت امیر معاویہ رضی الله عنہ کی پاک شخصیت ہے جن کے بارے میں نبی کریم صل الله علیہ و آ لہ وسلم کا ارشاد پاک ہے "معاویہ رضی الله عنہ میری امّت کے مہدی ہیں " (صحیح مسلم )-

عجیب بات ہے کہ جن امّت کے مہدی حضرت امیر معاویہ رضی الله عنہ ہیں- ان ہی کی نسل سے ایک سفیانی نام کے خلیفہ کو قرب قیامت پیدا کرکے مہدی آخر الزمان سے لڑوایا جا رہا ہے اوراس سفیانی کے لشکر کو مقام "بیدا" پر دھنسایا جا رہا ہے؟؟؟ -

بظاهر تو ایسا ہی محسوس ہوتا ہے کہ ہمارے اہل سنّت بھی بنو امیہ خلاف گھڑی گئی اس طرح کی سبائی داستانوں کا اس بری طرح شکار ہو گئے- کہ ان کی اس گھڑی گئی شخصیت کے زیر اثر اسی کے مد مقابل ایک اور مہدی کی شخصیت کا وجود گھڑ لیا گیا - تا کہ اہل تشیع کے باطل مہدی کا مقابلہ کیا جا سکے اور اس سبائی مہدی کو جھوٹا قرار دیا جا سکے- سوال ہے کہ امام بخاری و امام مالک رح جیسی جید شخصیات کو مہدی کے وجود سے آخر کیا دشمنی تھی کہ انہوں نے اس نام کی شخصیت کو اپنی کتب میں "قرب قیامت کی نشانیوں" کے باب میں جگہ ہی نہ دی؟؟- (واللہ اعلم)-

بھائی کیا آپ امام مھدی کا ظہور جن احادیث میں آیا ہے - ان کا انکار کرتے ہیں -

 

[وجاہت]

@خضر حیات بھائی یہاں آپ کیا کہیں گے -

لنک

http://forum.mohaddis.com/threads/امام-مہدی-اور-دجال-کی-حقیقت-یا-فسانہ؟.34417/​

 

[خضر حیات]

اس موضوع کا عنوان ایک سوال ہے ، جس کا جواب دے دیا گیا کہ جی امام مہدی کا آنا احادیث صحیحہ سے ثابت ہے ۔
دلیل یہی ہے ، کسی کو اگر اس دلیل کے ثبوت پر اعتراض ہے تو سیدھا سیدھا اس کا ضعف واضح کرنا چاہیے ۔
لیکن ’ دلائل ‘ کا رستہ چھوڑ کر ’ شبہات ‘ کی راہ اختیار کر لیجاتی ہے ۔
کسی روایت کو فلاں نے نقل کیوں نہیں کیا ؟ یہ قائل کی لاعلمی کی دلیل ہے ، ایسے اصول روایات کو رد کرنے کے خود ساختہ اصول ہیں ، اور دجل و فریب کی انتہا ہے کہ یہاں تو بخاری و امام مالک کے نقل نہ کرنے کا بہانہ ہے ، حالانکہ منکرین ان احادیث کا بھی انکار کرتے ہیں ، جو بخاری و موطا میں بھی ہیں ۔
دوسرا بڑا دھوکہ یہ ہے کہ : فلاں فلاں نے بھی روایات مہدی کو ضعیف کہا ہے ، اگر ذرا بھی علمی دیانت ہو تو یہ واضح کرنا چاہیے کہ انہوں نے جس طرح مہدی سے متعلق وارد ضعیف روایات کو ضعیف کہا ہے ، اسی طرح اس سلسلے میں وارد صحیح روایات کو صحیح بھی تو کہا ہے ۔

 

[وجاہت]

فلاں فلاں نے بھی روایات مہدی کو ضعیف کہا ہے ، اگر ذرا بھی علمی دیانت ہو تو یہ واضح کرنا چاہیے کہ انہوں نے جس طرح مہدی سے متعلق وارد ضعیف روایات کو ضعیف کہا ہے ، اسی طرح اس سلسلے میں وارد صحیح روایات کو صحیح بھی تو کہا ہے ۔

اس کی کوئی مثال ؟؟؟

انہوں نے جس طرح مہدی سے متعلق وارد ضعیف روایات کو ضعیف کہا ہے ، اسی طرح اس سلسلے میں وارد صحیح روایات کو صحیح بھی تو کہا ہے

 

[خضر حیات]

اس کی کوئی مثال ؟؟؟

دور کیا جانا ہے ، اس کی مثال ابن تیمیہ رحمہ اللہ ہیں ۔ آپ نے ایک تھریڈ میں دو تحریریں نقل کی ہیں ، محمود آل زاید نے انہیں روایات مہدی کو ضعیف قرار دینے والوں میں نقل کیا ہے ، جبکہ ابو شہریار کی کتاب میں ابن تیمیہ کا صراحتا یہ قول ہے کہ وہ احادیث مہدی کو صحیح مانتے تھے ۔
دکتور عبد العليم بستوی کا رسالہ ’ أحادیث المہدی فی المیزان ‘ میں دونوں قسم کی روایات نقل کرکے ، صحیح احادیث کی صحت اور ضعیف کا ضعف ثابت کیا گیا ہے ۔ اور دونوں قسم کی احادیث کے تحت علماء کے اقوال بیان کیے گئے ہیں ۔
سنن ابو داؤد وغیرہ میں مہدی کے متعلق احادیث کھول کر دیکھ لیں ، ان میں سے علماء نے کچھ پر صحیح اور کچھ پر ضعیف کا حکم لگایا ہے ۔

 

[عبدہ]

اس کی کوئی مثال ؟؟؟

بھائی جان آپ پہلے یہ بتائیں کہ آپ مندرجہ ذیل میں سے کون سے گروہ سے ہیں تاکہ اسکے مطابق آپ کو مطمئن کیا کا سکے
۱۔آپ امام مھدی کی تمام احادیث کو ضعیف مانتے ہیں (تو ہم آپ کو ایک ایک کر کے صحیح احادیث بتائیں گے اس پہ آپ اعتراض کریں)
۲۔آپ کے نزدیک کچھ احادیث صحیح ہیں اور کچھ ضعیف ہیں اور آپ کو اس کا جواب چاہئے کہ کچھ احادیث ضعیف کیوں ہیں ساری ضعیف کیوں نہیں ی اساری صحیح کیوں نہیں
۳۔ یا آپ کو کوئی اور اعتراض ہے تو پہلے اسکو یہاں واضح کریں پھر ہم آپ کو شاید اس پہ مطمئن کر سکیں