کیا ختم بخاری بدعت ہے؟

[رامش راقم]

السلام علیکم ورحمتہ اللہ وبرکاتہ
کیا ختم بخاری بدعت ہے؟
جزاک اللہ خیراً۔

 

[یوسف ثانی]

وعلیکم السلام و رحمتہ اللہ و برکاتہ
۱۔ ختم بخاری کی بجائے "یوم تکمیل بخاری" کہنا زیادہ درست ہے۔
۲۔ جی نہیں یہ بدعت نہیں ہے۔ دینی تعلیمی اداروں میں یہ دن تعلیمی سال کے آخری تعلیمی دن کے طور پر منایا جاتا ہے۔
۳۔ اگر یہ بدعت ہوتا تو تمام دینی تعلیمی ادارے یہ دن کبھی نہ مناتے
واللہ اعلم بالصواب

 

[difa-e- hadis]

کیا ختم بخاری دین میں نیا کام نہیں ہے ؟کیا سلف صالحین نے ختم بخاری منایا تھا؟

 

[یوسف ثانی]

کیا ختم بخاری دین میں نیا کام نہیں ہے ؟کیا سلف صالحین نے ختم بخاری منایا تھا؟

دونوں سوالوں کا ایک ہی جواب ہے ۔ نہیں ۔

یہ "نیا کام" ضرور ہے۔ جیسے موجودہ مدارس، مدارس میں کلاسز، کلاسز میں نصاب، سال کے آخر میں امتحان، امتحانات کے بعد طلبا کو پاس یا فیل کرنا، مساجد کو پختہ بنانا، دو منزلہ بنانا، مساجد میں وضو خانہ بنانا، وضو خانہ میں گیزر لگوانا، مساجد میں بجلی، پنکھے، اے سی لگوانا یہ سب کا سب "نیا کام" ضرور ہے، لیکن "دین میں نیا کام" یعنی "بدعت" نہیں ہے۔
واللہ اعلم بالصواب

 

[difa-e- hadis]

یہ "نیا کام" ضرور ہے۔ جیسے موجودہ مدارس، مدارس میں کلاسز، کلاسز میں نصاب، سال کے آخر میں امتحان، امتحانات کے بعد طلبا کو پاس یا فیل کرنا، مساجد کو پختہ بنانا، دو منزلہ بنانا، مساجد میں وضو خانہ بنانا، وضو خانہ میں گیزر لگوانا، مساجد میں بجلی، پنکھے، اے سی لگوانا یہ سب کا سب "نیا کام" ضرور ہے، لیکن "دین میں نیا کام" یعنی "بدعت" نہیں ہے۔

بھائی میرا سوال اب بھی وہیں ہے کہ کیا سلف نے بخاری پڑھ کر ختم بخاری کا دن منایا تھا یہ تمام کام جو اپ نے لکھے ہیں یہ دین نہیں دونیاوی کام ہیں احادیث پڑھنا پڑھانا یہ دینی کام ہے محدثین بھی اپنے شاگردوں کو احادیث لکھواتے تھے مگر انہوں نے تو اپنی کتاب مکمل ہونے پر کبھی ختم موطا امام مالک ختم ابوداود یا ختم بخاری نہیں منایا تو آج کیوں؟ یہی وہ وجوہات ہیں جن کی بنا پر بدعتی عقائد کے حاملین اعتراضات کرتے ہیں کہ میٹھا میٹھا ہپ ہپ کڑوا کڑوا تھو تھو۔

 

[رامش راقم]

میری پہلی پوسٹ کو ایڈٹ کرکے اس میں اللہ کا نام صحیح لکھ دیں۔
جزاک اللہ خیراً۔

 

[خضر حیات]

بھائی میرا سوال اب بھی وہیں ہے کہ کیا سلف نے بخاری پڑھ کر ختم بخاری کا دن منایا تھا یہ تمام کام جو اپ نے لکھے ہیں یہ دین نہیں دونیاوی کام ہیں احادیث پڑھنا پڑھانا یہ دینی کام ہے محدثین بھی اپنے شاگردوں کو احادیث لکھواتے تھے مگر انہوں نے تو اپنی کتاب مکمل ہونے پر کبھی ختم موطا امام مالک ختم ابوداود یا ختم بخاری نہیں منایا تو آج کیوں؟ یہی وہ وجوہات ہیں جن کی بنا پر بدعتی عقائد کے حاملین اعتراضات کرتے ہیں کہ میٹھا میٹھا ہپ ہپ کڑوا کڑوا تھو تھو۔

اللہ کےر سول صلی اللہ علیہ وسلم کے دور میں تو یہ کتابیں سرے سےموجود ہی نہیں تھی، جس طرح بعد میں ان کتابوں کا لکھنا، اور ان کا درس و تدریس بدعت نہیں، اسی طرح ان کی ابتدا یا انتہا پر تقریب کا انعقاد بھی اگر تعلیم و تعلم اور افادہ عام کی غرض سے ہو، تو اس میں کوئی حرج نہیں۔
آپ یہ کہنا کہ محدثین کے کتابیں لکھیں ، اور ختم کیں، لیکن یہ جشن نہیں منائے، یہ بالجزم نفی آپ کی لاعلمی ہوسکتی ہے۔
محدثین کے ہاں اس قسم کی مجالس و محافل کے انعقاد کی مثالیں موجود ہیں۔
حافظ ابن حجر نے جب فتح الباری مکمل کی تھی، شکرانے کے طور پر ایک پر تکلف تقریب اور دعوت کا اہتمام کیا تھا۔

 

[difa-e- hadis]

حافظ ابن حجر نے جب فتح الباری مکمل کی تھی، شکرانے کے طور پر ایک پر تکلف تقریب اور دعوت کا اہتمام کیا تھا۔

محترم،
ذرا ان کے حوالے بھی پیش کردیں اور یہ بھی بتا دیں کیا ابن حجر سلف میں شامل ہوتے ہیں اور کیا ایک ابن حجر کا فعل دین میں حجت بن سکتا ہے اور آپ سلف سے ہی چند حوالے پیش کردیں تو تشفی ہو جائی گی

 

[خضر حیات]

وقت ملا تو نقل کردوں گا۔ إن شاءاللہ