![محدث فورم [Mohaddis Forum]](/styles/default/xenforo/Forum.jpg)
جی دلائل اسی بات کا تقاضا کرتے ہیں، جادو کی اقسام پر آپ اگر غور کریں گے تو معلوم ہوگا کہ جادو کنڈیشنل بھی ہوتا ہے یعنی کسی حالت میں اثر انداز ہوتا ہے اور کسی میں نہیں جیسے جادوئے محبت یا نفرت وغیرہ یہ خاص ان شخصیات سے متعلق ہی اثر انداز ہوتا ہے جن کے متعلق کیا گیا ہے باقی افراد سے مریض بات کرتا ہے تو نارمل ہی رہتا ہے
میرے محترم بھائی اس میں پریشانی کیا ہے؟ کیا آپ اس بات کے انکاری ہیں بخاری حدیث نمبر 2311 کے تحت آیۃ الکرسی کے نزول کے بعد شیطان نے مال کی حفاظت کے لئے اس آیت کو حضرت ابو ھریرہ رضی اللہ عنہ کو سکھایا تھا؟ یہاں بھی اگر نبی کریم صلی اللہ علیہ وسلم کو سورہ کے نزول کے بعد بطور جادو کے علاج بتایا گیا تو اس میں کیا پریشانی ہے؟
بھائی جب مکہ میں نزول ہوا تو ظاہر سی بات ہے آپ صلی اللہ علیہ وسلم مکہ میں پڑھتے ہی ہوں گے، نا پڑھنے کی کوئی دلیل تو نہیں ہے، یہ بات آپ نے خوب کہی اگر پڑھتے تھے تو پھر جادو کیسے اثر کر گیا ؟ میرے محترم کیا کسی کو اللہ کے تصرف میں بھی دخل ہے؟ اس کی مرضی جب جس کو چاہتا ہے بیماری میں مبتلا کر دیتا ہے اور جب چاہتا شفاء کا وسیلہ بنا دیتا ہے اب دیکھئے نا حضرت یوسف علیہ السلام پاس ہی جنگل کے کنؤیں میں تھے لیکن حضرت یعقوب علیہ السلام کو ان کے جسم کی یا کپڑوں کی خوشبو محسوس نہیں ہوئی لیکن بعد میں سیکڑوں میل سے مصر سے ان کی قمیص کی خوشبو محسوس کرتے ہیں اور جب قمیص آتی ہے تو شفاء بھی پاتے ہیں. بسا اوقات ایسا بھی ہوتا ہے ایک ہی چیز کسی بیماری میں فائدہ کرتی ہے لیکن بعد میں اس سے فائدہ نہیں ہوتا یہ تو اللہ کے اختیار میں کس کو شفاء دینا اور کب دینا ہے؟
میرے محترم بھائی آپ کی سب سے پہلی بات تو یہی قابل قبول نہیں کہ کافر جس چیز کا الزام لگائیں اس کا انکار کر دیں کیونکہ انکار کے لئے تو دلیل کی ضرورت ہوتی ہے، محترم بھائی کافر تو یہ بھی کہتے تھے کہ آپ صلی اللہ علیہ وسلم انسان ہیں، ہماری طرح کھاتے پیتے ہیں، چلتے پھرتے ہیں اور بازار سے سودا سلف لاتے ہیں، تو کیا محض ان باتوں سے اس بنا پر انکار کردیا جائے گا کہ یہ کافر کہتے تھے؟ کیا کوئی بے وقوف آدمی اس بنا پر آپ صلی اللہ علیہ وسلم کے انسان ہونے، کھانے پینے، چلنے پھرنے اور بازاروں میں جانے کا انکار کر سکتا ہے کہ ایسا تو کافر کہتے تھے؟
کسی سورت یا آیت کا دوبارہ نازل ہونا علمائے مفسرین کے ہاں معروف ہے، علامہ زرکشیؒ نے البرھان ج ۱ ص ۲۹ میں اور علامہ سیوطیؒ نے الاتقان ج ۱ ص ۳۶ میں اس کی تفصیل بیان کی ہے۔
