گرگٹ (چھپکلی ) کو مارنے پر ثواب

[نسیم احمد]

[صحیح بخاری]
حدیث نمبر: 3359 --- ہم سے عبیداللہ بن موسیٰ نے بیان کیا یا ابن سلام نے (ہم سے بیان کیا عبیداللہ بن موسیٰ کے واسطے سے) انہیں ابن جریج نے خبر دی ، انہیں عبدالحمید بن جبیر نے ، انہیں سعید بن مسیب نے اور انہیں ام شریک ؓ نے کہ نبی کریم ﷺ نے گرگٹ کو مارنے کا حکم دیا تھا اور فرمایا کہ اس نے ابراہیم علیہ السلام کی آگ پر پھونکا تھا ۔
​

@اسحاق سلفی صاحب
@خضر حیات صاحب
السلام علیکم

درج بالا حدیث کی تشریح درکار ہے ۔ اس مضمون کے تحت کافی احادیث آئی ہیں جس میں گرگٹ یا چھپکلی کو مارنے کا ذکر ہے۔ایک موذی جانور ہونے کی وجہ سے مارنا تو سمجھ میں آرہا ہے ۔
لیکن اس وجہ سے مارنا کہ ابراہیم علیہ السلام کے لئے بھڑکائی جانے والی آگ کو پھونکا تھا میری ناقص عقل میں نہیں آرہا ہے۔ جانور تو عقل سے عاری ہیں کیا ان کو نبی یا غیر نبی کا ادراک ہے۔ اور وہ تو مکلف بھی نہیں ۔
اگر یہ سمجھ لیا جائے کہ حضرت ابراہیم علیہ السلام پر پھونکنے والے گرگٹ کو اس کا ادارک تھا تو ہر گرگٹ کو مارنے کا جواز اس وجہ سے کیسا بن سکتا ہے ۔ جب انسانوں کے کیلئے یہ قانون ہے کہ ہر کوئی اپنے کیے کا مکلف ہے تو پھر ایک جانور کس طرح اپنے پچھلی نسل کے گناہ کا ذمہ دار ہوسکتا ہے ۔
پھر اس کو مارنے کا ثواب بھی بیان ہورہا ہے ۔

 

[خضر حیات]

وعلیکم السلام ورحمۃ اللہ وبرکاتہ
اس کا جواب میں اسی دن دے چکا تھا، لیکن فورم میں کسی مسئلہ کی وجہ سے پوسٹ بار بار کرنے سے بھی نہیں ہوسکی۔
موذی جانور ہونے کی وجہ سے مارنے پر بھی تو سوال اٹھ سکتا ہےکہ اللہ نے اس کو موذی کیوں بنایا؟
اور اس طرح ہر چیز پر سوال اٹھایا جاسکتا ہے، لیکن سوائے حیرانی و پریشانی کے کچھ نہیں مل سکتا۔
گرگٹ کی آل اولاد کا کوئی قصور نہیں، تو اس طرح تو خود اس گرگٹ کا بھی تو کوئی قصور نہیں، کیونکہ اللہ تعالی نہ چاہتے تو وہ کیوں آگ بھڑکا پاتا۔
اللہ تعالی نے نظام قدرت اسی طرح بنایا ہے، جہاں وجہ بتادی گئی، اسے مان لینا چاہیے، جہاں نہیں بتایا گیا، خاموشی اختیار کریں۔