• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

گم شدہ چیزوں کے متعلق مسجد میں اعلان کی شرعی کیا حیثیت ہے....؟

ساجد

رکن ادارہ محدث
شمولیت
مارچ 02، 2011
پیغامات
6,602
ری ایکشن اسکور
9,378
پوائنٹ
635
سوال :گم شدہ چیزوں کے متعلق مسجد میں اعلان کی شرعی کیا حیثیت ہے....؟

جواب:گم شدہ چیزوں کا مسجدمیں اعلان کرنا شرعاً درست نہیں ہے ۔حدیث میں ہے کہ اگر کوئی مسجد میں اپنی گم شدہ چیز تلاش کرتا ہے یا اس کا اعلان کرتا ہے تو اس کا جواب بایں الفاظ دیا جائے کہ:
’’ اللہ وہ چیز تمہیں واپس نہ کرے ، کیوں کہ مساجد کی تعمیر اس کا م کے لیے نہیں ہوتی ۔‘‘ (صحیح مسلم:1260)
ایک روایت میں ہے کہ رسول اللہ ﷺ نے مسجد میں ایک ایسے شخص کو دیکھا جو لوگوں سے اپنے گم شدہ سرخ اونٹ کے متعلق دریافت کررہا تھا تو آپ ﷺ نے فرمایا:
’’اللہ کرے تو اپنے اونٹ کو نہ پائے ، کیوں کہ مساجد جن مقاصد کے لیے تعمیر کی گئی ہیں انہیں کے لیے ہیں۔‘‘(صحیح مسلم:1262)
یعنی مساجد تو اللہ کا ذکر ، نمازوں کی ادائیگی اور تلاوت قرآن پاک کے لیے بنائی جاتی ہیں۔
(فتاویٰ اصحاب الحدیث ج1/ص 88)
 

کلیم حیدر

ناظم خاص
رکن انتظامیہ
شمولیت
فروری 14، 2011
پیغامات
9,748
ری ایکشن اسکور
26,379
پوائنٹ
995
جزاک اللہ ساجد بھائی جان۔جہالت اور لاعلمی سمجھیے یا دین سے دوری آج کل یہ عمل مساجد میں کثرت سے ہوتا دکھائی دے رہا ہے۔اللہ تعالی ہمیں صحیح طور پر شریعت پر چلنے کی توفیق دے۔
 

اسحاق سلفی

فعال رکن
رکن انتظامیہ
شمولیت
اگست 25، 2014
پیغامات
6,372
ری ایکشن اسکور
2,562
پوائنٹ
791
رسول اکرم صلی اللہ علیہ وسلم کا ارشاد گرامی ہے :
عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " مَنْ سَمِعَ رَجُلًا يَنْشُدُ ضَالَّةً فِي الْمَسْجِدِ فَلْيَقُلْ: لَا رَدَّهَا اللَّهُ عَلَيْكَ فَإِنَّ الْمَسَاجِد لم تبن لهَذَا ". (رَوَاهُ مُسلم ،مشکوٰۃ المصابیح )
ترجمہ :
سیدنا ابو ہریرہ ‌رضی ‌اللہ ‌عنہ سے روایت کہ،رسول اللہ ﷺ نے فرمایا :
جوشخص کسی آدمی کو مسجد میں کسی گم شدہ چیز کے بارے میں اعلان کرتے ہوئے سنے تو وہ کہے : اللہ (اس گمشدہ چیز کو) تمھیں نہ لوٹائے کیونکہ مسجدیں اس کام کے لیے نہیں بنائی گئیں ۔
(صحیح مسلم،کتاب المساجد،حدیث نمبر_568)
(سنن ابو داؤد،حدیث نمبر_473)
 
Top