گھر سے نکلتے وقت گھر والوں کے لیے دعا

[عمیر]

السلام علیکم،
((بسم اللہ توکلت علی اللہ ولا حول ولا قوۃ الا باللہ))
’’اللہ کے نام کے ساتھ میں نے اللہ پر بھروسہ کیا اور اللہ کی مدد کے بغیر نہ کسی چیز سے بچنے کی طاقت ہے نہ کچھ کرنے کی ۔‘‘ (ابوداؤد،ترمذی)
مندرجہ بالا دعا کی فضیلت میں بیان کیا گیا ہے کہ جب کوئی بندہ یہ دعا پڑھتا ہے تو اسے کہا جاتا ہے کہ: تجھے اللہ کافی ہے اور تجھے شر سے بچا لیا گیا ہے اور تیری راہنمائی کردی گئی ہے ۔
مجھے معلوم کرنا ہے کہ جب شوہر گھر سے کام کے لیے نکلتا ہے تو بیوی، بچوں کو اللہ کے سپرد کرنے کے لیے کوئی دعا ہمیں اللہ کے رسولﷺ نے سکھائی ہے یا نہیں۔

شکریہ

 

[راجا]

جی مجھے بھی اسی سوال کا جواب معلوم کرنا ہے لیکن بیوی بچوں کے بجائے والدین اور بہن بھائیوں کے لئے ، کہ انہیں کس دعا سے حفاظت دی جاسکتی ہے۔

 

[رفیق طاھر]

[URDU]جب بھی کوئی کسی بھی قسم کے سفر کے لیے نکلے تو اسے الوداع کرنے کے لیے رسول اللہ صلى اللہ علیہ وسلم نے یہ کلمات سکھائے ہیں :
أَسْتَوْدِعُ اللَّهَ دِينَكَ وَأَمَانَتَكَ وَخَوَاتِيمَ عَمَلِكَ
سنن ابی داود کتاب الجہاد باب فی الدعاء عند الوداع ح ۲۶۰۰
میں تیرا دین تیری امانت اور تیرے اعمال کا خاتمہ اللہ کے سپرد کرتا ہوں ۔
اسی طرح ایک دعاء یہ بھی ہے جو ابو ہریرہ رضی اللہ عنہ کو الوداع کرتے ہوئے رسول اللہ صلى اللہ علیہ وسلم نے کہی تھی :
أَسْتَوْدِعُكَ اللَّهَ الَّذِي لَا تَضِيعُ وَدَائِعُهُ
سنن ابن ماجہ کتاب الجہاد باب تشییع الغزاۃ ووداعہم ح ۲۸۲۵
میں تجھے اس اللہ کے سپرد کرتا ہوں جو اپنی سپرد کی گئی چیز کو ضائع نہیں کرتا۔
اسی طرح جب رسول اللہ صلى اللہ علیہ وسلم گھر سے نکلتے اور کسی سفر پر جاتے تو سفر کی دعاء پڑھتے اس میں یہ الفاظ بھی آتے ہیں :
اللَّهُمَّ أَنْتَ الصَّاحِبُ فِي السَّفَرِ وَالْخَلِيفَةُ فِي الْأَهْلِ اللَّهُمَّ إِنِّي أَعُوذُ بِكَ مِنْ وَعْثَاءِ السَّفَرِ وَكَآبَةِ الْمَنْظَرِ وَسُوءِ الْمُنْقَلَبِ فِي الْمَالِ وَالْأَهْلِ

صحیح مسلم کتاب الحج باب ما یقول إذا رکب إلى سفر الحج وغیرہ ح ۱۳۴۳
اے اللہ تو ہی سفر میں صاحب ہے اور اہل اور مال میں خلیفہ (نائب) ہے اے اللہ میں تجھ سے سفر کی مشقتوں اور برے منظر اور مال اور اہل میں برے لوٹنے سے پناہ مانگتاہوں۔
[/URDU]

 

[کلیم حیدر]

جزاک اللہ واحسن الجزاء رفیق طاہر بھائی آپ نے بہت ہی احسن انداز سے سوال کا جواب دیا ہے اللہ تعالی آپ کے علم وعمل میں برکت عطافرمائے۔آمین