السلام علیکم
محترم ابوالقاسم صاحب
آپ کے مزاج میں سوداویت ہے اور خون میں حدت ہے اس لیے آپ مندرجہ ذیل ترکیب پر عمل فرمائیں گے تو ان شاءاللہ مثبت نتائج برآمد ہوں گے
گل منڈی بہت سستی اورمشہور عام دواہے ،بہترین مصفی خون ہے اور بینائی کو طاقت دیتی ہے
آدھا کلو لے لیں رات کو تقریبا تین گرام ایک گلاس پانی میں بھگو دیں اور آٹھ دس پتے نیم کی کونپل (جو نئے پتے آتے ہیں) اسی پانی میں ڈال دیں علی الصبح نہار منہ نیم کے پتے نکال کر پھینک دیں اور اس پانی کو چھلنی میں چھان کر پی لیں ایک بار پھر بچے ہوئے گل منڈی کو بھگو دیں اور نیم کے نئے پتے ڈال لیں اور صبح کو پھر اسی طرح استعمال فرمائیں الغرض کم از کم ایک ماہ استعمال کریں کوئی سائڈ افیکٹ نہیں
خارجی طور پر اسبغول مسلم تین چمچے اتنے پانی میں بھگو دیں کہ کھیر سی بن جائے پتلی نہ ہو گاڑھا ہو ۔ کپڑے کی دو پٹی اتنی بڑی لیں کہ پیر کے تلووں پر آرام سے آجائے ،اس اسبغول کو ان پٹیوں پر مرہم کی طرح سے رکھیں اور ان پٹیوں کو پیر پر لپیٹ سوجائیں انشاءاللہ نیند بھی اچھی آئے گی اور پیروں کی گرمی بھی کھینچے گی کچھ دن عمل کریں۔اور سر پر آنولے کا تیل لگائیں ۔فقط واللہ اعلم بالصواب